.jpg)
ផ្លែឈើថៃច្រើនប្រភេទដែលដាក់តាំងលក់ក្នុងទីផ្សារក្នុងស្រុក បន្ទាប់ពីប្រមូលពីចម្ការថ្មីថ្មោង។ រូបភាព The Nation
ទីក្រុងបាងកកៈ នាយកដ្ឋានគយចិនបានស្នើឲ្យនាយកដ្ឋានកសិកម្មរបស់ប្រទេសថៃត្រួតពិនិត្យ ដោយប្រើវិធីសាស្រ្ត «Random» លើចម្ការផ្លែឈើ និងរោងចក្រវេចខ្ចប់សម្រាប់ការទប់ស្កាត់ការប្រើប្រាស់ថ្នាំសំលាប់សត្វល្អិត និងការឆ្លងជំងឺកូវីដ ១៩។
លោក general Pichet Wiriyapaha នាយកនៃនាយកដ្ឋានកសិកម្ម បាននិយាយនៅថ្ងៃពុធថា៖ «អាជ្ញាធរចិនបានស្នើឲ្យថា ចម្ការនិងរោងចក្រដែលនាំចេញផ្លែទុរេន មៀន មង្ឃុត និងផ្លែដូងត្រូវតែត្រួតពិនិត្យដោយប្រើវិធីចាប់ឈ្មោះ «Random»។ យ៉ាងហោចណាស់រោងចក្របី និងចំការផ្លែឈើ ៣ នៃប្រភេទផ្លែឈើមួយមុខៗត្រូវតែត្រួតពិនិត្យក្នុងខែកក្កដា»។
លោកនិយាយថា៖ «រាល់ប្រតិបត្តិករទាំងអស់ត្រូវតែជួញដំណឹង ដើម្បីរៀបចំសម្រាប់ការធ្វើអធិការកិច្ច និងប្រកាន់ភ្ជាប់ស្តង់ដារសុវត្ថិភាពម្ហូបអាហារដែលត្រូវដោយភាគីចិន ព្រមទាំងគោលការណ៍ណែនាំចេញដោយអង្គការម្ហូបអាហារនិងកសិកម្មអង្គការសហប្រជាជាតិ និងអង្គការសុខភាពពិភពលោកស្តីពីម្ហូបអាហារអំឡុងពេលការផ្ទុះឡើងកូវីដ ១៩»។
លោក Phichet បានបន្ថែមថា នាយកដ្ឋានគយចិននឹងត្រួតពិនិត្យម្ហូបអាហារនាំចូលទាំងអស់ សម្រាប់ការទប់ស្កាត់កូវីដ ១៩ នៅគ្រប់ចំណុចត្រួតពិនិត្យ ហើយនឹងផ្អាកអ្នកនាំចេញក្នុងរយៈពេលមួយសប្តាហ៍ ប្រសិនបើរកឃើញវីរុសនៅលើផលិតផលក្នុងការត្រួតពិនិត្យពីរដងដំបូង។
លោកបន្ថែមថា៖ «ប្រសិនបើវីរុសត្រូវបានប្រទះឃើញសម្រាប់លើកទីបី អ្នកនាំចេញនឹងត្រូវផ្លែឈើទាំងបួនមុខស្ថិតក្រោមការត្រួតពិនិត្យគ្របដណ្តប់លើការនាំចេញម្ហូបអាហារថៃទៅកាន់ប្រទេសចិន។ ពីខែមករាដល់ថ្ងៃទី ១៥ ខែមិថុនា ប្រទេសបាននាំចេញផ្លែទុរេន ២៥៣ ០១៧ តោន ដែលមានតម្លៃ ៣១ ពាន់លានបាត ផ្លែមៀន ៨៩ ៣៦៦ តោន ដែលមានតម្លៃ ៣,៩ ពាន់លានបាត ផ្លែមង្ឃុតចំនួន ២០ ៤៨៦ តោន មានតម្លៃ ១,៦ ពាន់លានបាត និង ផ្លែដូង ៦១ ០៧០ តោន មានតម្លៃ ១,១ ពាន់លានបាត ទៅកាន់ទីផ្សារចិន។ តម្លៃនាំចេញសរុបនៃផ្លែឈើទាំង ៤ មុខនេះមានជាង ៣៧ ពាន់លានបាត។
លោក Pichet បន្ថែមថា៖ «នាយកដ្ឋានមានទំនុកចិត្តថា ម្ចាស់កសិដ្ឋាននិងរោងចក្រដែលបានចុះបញ្ជីជាមួយនាយកដ្ឋាននឹងឆ្លងផុតការត្រួតពិនិត្យ «ចៃដន្យ (Randow)» ដោយគ្មានបញ្ហាអ្វីឡើយ»៕ The Nation (Thailand)-ANN/RR
