Lamborghini Cambodia នាំមក​នូវ​រថយន្ត Huracán EVO Fluo Capsule ម៉ូដែល​ថ្មី​ដែល​ផលិតឡើង​ជាមួយ​ពណ៌​ភ្លឺ​លេច​យ៉ាង​ពិសេស​នៃ​ប្រភេទ V10 super sports មាន​ផ្ទៃ​ខាងក្រៅ​ស្ងួត​គ្រើម និង​ផ្ទៃ​ខាងក្នុង​ពណ៌​ដ៏ទំនើប​រួម​ជាមួយនឹង​ជម្រើស​យ៉ាន់ឡាន​ដ៏ល្អ ដែល​បាន​ប្រគល់ជូន​អតិថិជន​ដំបូង​ក្នុងប្រទេស​កម្ពុជា​នៅក្នុង​ខែឧសភា ឆ្នាំ​ ២០២១ នេះ​។

រថយន្ត Huracán EVO Fluo Capsule ត្រូវបាន​សម្ពោធ​កាល​កាលពី​ខែវិច្ឆិកា​ឆ្នាំមុន និង​ដាក់​បង្ហាញ​នៅ​តំបន់​អាស៊ី​ប៉ាស៊ីហ្វិក​ជា​លើកដំបូង​នៅឯ​ពិព័រណ៍​រថយន្ត 2021 Shanghai Auto Show ។ Huracán EVO Fluo Capsule មាន​ជា​ម៉ូដែល Huracán EVO ដែល​ទើបតែ​ផលិតឡើង ក្នុង​ឆ្នាំ​ ២០២១ ជាមួយនឹង​ពណ៌​ស្រស់ស្អាត​ដែល​ធ្វើឱ្យ​ម៉ូដ​រចនា​រថយន្ដ super sports នេះ​កាន់តែ​មាន​ភាពលេចធ្លោ​។

ដោយ​យក​លំនាំ​តាម​ពណ៌​ជា​ប្រពៃណី​ដែល​លម្អ​លើ​ខ្សែ​ឆ្នូត និង​រូបរាង​នៃ​ម៉ូដែល​រថយន្ដ Lamborghini រថយន្ដ Huracán EVO Fluo ប្រើប្រាស់​ទម្រង់​ពណ៌​ខាងក្រៅ​ដែល​រួមបញ្ចូល​ ២ ​ពណ៌​ដ៏ទាក់ទាញ ដែល​បង្ហាញ​អំពី​ភាពរហ័ស និង​ថាមពល​ដ៏ខ្លាំង​របស់​រថយន្ដ​នេះ​ក្នុង​ពេល​បើកបរ​នៅលើ​ដងផ្លូវ​។

ពណ៌​ថ្មី​នៃ​ផ្ទៃ​ខាងក្រៅ និង​ខាងក្នុង​ចំនួន​ ៥ គឺមាន Verde Shock (​បៃតង​) Arancio Livrea (​ទឹកក្រូច​) Celeste Fedra (​ខៀវ​) Arancio Dac (​ទឹកក្រូច​) និង Giallo Clarus (​លឿង​) ដែលមាន​ភាព​ស្ងួត​គ្រើម រួមទាំង​ដំបូល កាងមុខ និង​កាង​ចំហៀង​។

ធាតុ​ផ្សំ​នៃ​ពណ៌​ថ្នាំ​ដែលមាន​ភាពស្ងួតគ្រើម ត្រូវបាន​ជ្រើសរើស​ចេញពី​ប្រភេទ​ពណ៌​ភ្លុយអ​ថ្មី ដែលមាន​ដូចជា ខ្សែ​ឆ្នូត​ពណ៌​នៅលើ​កញ្ចក់​ចំហៀង​ពណ៌​ខ្មៅ និង​ខ្សែ​ឆ្នូត​បញ្ឈរ​នៅលើ splitter ខាងក្រោយ ដែល​ធ្វើឱ្យ​រថយន្ដ​នេះ​មើលទៅ​មាន​លក្ខណៈ​ជា​រថយន្ដ​ស្ព័រ ប៉ុន្តែ​មាន​សម្រស់​ស្រស់ស្អាត​។

ផ្ទៃ​ខាងក្នុង​ពណ៌​ខ្មៅ​សុទ្ធ និង​ជម្រើស​កៅអី​ស្ព័រ​ថ្មី ដែលជា​ជម្រើស​មួយ​ជំនួស​ឱ្យ​កៅអី​ស្ដង់ដា ដែល​ផលិត​ពី ស្បែក​កម្ញី ឬ​ស្បែក​សត្វ​ ១ ​ពណ៌​ជាមួយ​នឹង​ស៊ែម EVO Sportivo​។ គម្រប ប៊ូតុង បញ្ឆេះ និង​បញ្ឈប់ និង​និមិត្តសញ្ញា Lamborghini ដែល​ប៉ាក់​នៅលើ​ខ្នើយ ក្បាល​កៅអី​មាន​ពណ៌​មួយ​ក្នុង​ចំណោម​ពណ៌​ភ្លុយអ​ថ្មី​ទាំង​ប្រាំ​ដែល​ស៊ីគ្នា​ទៅនឹង​ពណ៌​ផ្ទៃ​ខាងក្រៅ​។

លទ្ធផល​នេះ គឺ​ទទួលបាន​ពី​ការច្របាច់​បញ្ចូល​គ្នា​នូវ​បច្ចេកទេស​ដ៏ខ្ពស់​នៃ​ការប្រើប្រាស់​ពណ៌​ផ្ទុយគ្នា ដែលជា​ការសម្ដែង​ចេញ​នូវ​បុគ្គលិក​លក្ខណៈ​ប្លែក​ពី​គេ និង​ភាពពោរពេញ​ទៅដោយ​សិល្បៈ​ក្បាច់ក្បូរ​នៅលើ​ដងផ្លូវ​។

Huracán EVO Fluo Capsule ទី​ ១ ​នៅក្នុង​ប្រទេស​កម្ពុជា​ត្រូវ​បាន​ទិញ​ដោយ​អតិថិជន​ថ្មី​របស់ Lamborghini Phnom Penh​។ Huracán EVO Fluo ថ្មី​សន្លាង​របស់លោក​គឺមាន​ពណ៌ Celeste Fedra ដែលជា​គំរូ​ម៉ូដ​រចនា​ដ៏ល្អឆើត​របស់​រថយន្ដ​ស្ព័រ បង្ហាញ​ចេញ​នូវ​ភាពក្លាហាន និង​ពោរពេញ​ទៅដោយ​ភាពទាក់ទាញ​ដែល​បាន​មកពី​ការផ្សំ​បញ្ចូល​គ្នា​រវាង​ស្នាដៃ​ដ៏ប្រណីតៗ​នេះ​។ Francesco Scardaoni នាយក​ប្រចាំ​តំបន់​របស់ Automobili Lamborghini នៅ​តំបន់​អាស៊ី​ប៉ាស៊ីហ្វិក​មានប្រសាសន៍​ថា​៖ «Huracán EVO Fluo Capsule គឺជា​ជម្រើស​រថយន្ដ​ស្ព័រ​ដ៏អស្ចារ្យ​បំផុត​មួយ​សម្រាប់​ការបង្ហាញ​ចេញ​ឱ្យឃើញ​អំពី​ម៉ូដ​និយម និង​បុគ្គលិកលក្ខណៈ​របស់​បុគ្គល​ម្នាក់ៗ​។ យើងខ្ញុំ​មាន​សេចក្ដី​រីករាយ​ណាស់​ក្នុង​ការនាំយក Huracán EVO Fluo Capsule មក​ក្នុងប្រទេស​កម្ពុជា ពីព្រោះ​វា​ពិតជា​បាន​បន្ថែម​នូវ​ភាពល្បីល្បាញ និង​ប្រណីតភាព​សម្រាប់​ការបើកបរ​នៅលើ​ដងផ្លូវ​យ៉ាងពិតៗ​»​។

រថយន្ត​ម៉ូដែល Huracán EVO Fluo Capsule ដ៏ប្រណីត​មាន​វត្តមាន​នៅ​កម្ពុជា​។ រូបថត Supplied

អតិថិជន​ទី​ ១ ​របស់ Huracán EVO Fluo Capsule ពណ៌ Celeste Fedra បានផ្តល់​ចំណាប់​អារម្មណ៍​ថា​៖ «​ខ្ញុំ​មាន​មោទនភាព​ដែល​បាន​ក្លាយជា​ម្ចាស់​រថយន្ត Huracán មាន​រូបរាង និង​រចនា​ពណ៌​ថ្មី ប្រភេទ EVO Fluo Capsule ដែល​មានតែ​ ១ ​គ្រឿង​ដំបូង​ក្នុងប្រទេស​កម្ពុជា​។ វា​ពិតជា​អស្ចារ្យ​ជាមួយ​ពណ៌​ថ្មី​ដែល​មិន​ធ្លាប់​ឃើញ​ពីមុនមក​។ ខ្ញុំ​សូម​អរគុណ​សន្តិភាព និង​ការអភិវឌ្ឍ​វិស័យសេដ្ឋកិច្ច​ក្នុង​ប្រទេស​កម្ពុជា​ ដែល​អាច​ឱ្យ​យើង​ខ្ញុំ​មាន​លទ្ធភាព​ប្រើប្រាស់​រថយន្ត​ទំនើប​បែបនេះ​»​។

លោក Roberto Da Silva អគ្គនាយក​ប្រតិបត្តិ​របស់ HGB Luxury Group និង Lamborghini Cambodia បាន​មាន​ប្រសាសន៍​ថា​៖ «​យើងខ្ញុំ​រីករាយ អបអរសាទរ​ជាមួយ​នឹង​អតិថិជន​របស់​យើងខ្ញុំ​សម្រាប់​ការទទួលបាន Huracán EVO Fluo Capsule ក្នុង​ក្ដីសុបិន​របស់លោក​។ នៅ Lamborghini Phnom Penh យើងខ្ញុំ​ព្យាយាម​ប្រឹងប្រែង​បង្កើត​នូវ​បទពិសោធ​ដ៏ពិសេស​គ្មាន​ ២ និង​មិនអាច​បំភ្លេចបាន​ជូន​សម្រាប់​អតិថិជន​របស់​យើងខ្ញុំ​នៅ​គ្រប់​ចំណុច ចាប់តាំងពី​ការប្រគល់​រថយន្ដ និង​ទាំង​នៅក្នុង​ដំណើរ​ក្លាយជា​ម្ចាស់​កម្មសិទ្ធិ​លើ Lamborghini របស់​ពួកគេ​ទាំងមូល​ផងដែរ​»​។

Lamborghini Cambodia ជា​ក្រុមហ៊ុន​បុត្រសម្ព័ន្ធ​របស់​ក្រុមហ៊ុន HGB Group Co Ltd ទាំងស្រុង និង​ជា​អ្នក​នាំចូល ចែកចាយ លក់រាយ និង​ជា​មជ្ឈមណ្ឌល​សេវាកម្ម​តែ​ ១ ​គត់​សម្រាប់ Lamborghini in Cambodia៕