The Phnom Penh Post Search

Search form




Logo of Phnom Penh Post newspaper Phnom Penh Post - ទទួល​យក​បទពិសោធន៏​នៃ​ការស្នាក់នៅ​ដ៏អស្ទារ្យ​ នា​សណ្ឋាគារ​អាម៉ាន់សារា ​សៀមរាប




ទទួល​យក​បទពិសោធន៏​នៃ​ការស្នាក់នៅ​ដ៏អស្ទារ្យ​ នា​សណ្ឋាគារ​អាម៉ាន់សារា ​សៀមរាប

Content image - Phnom Penh Post

ទទួល​យក​បទពិសោធន៏​នៃ​ការស្នាក់នៅ​ដ៏អស្ទារ្យ​ នា​សណ្ឋាគារ​អាម៉ាន់សារា ​សៀមរាប

សូម​រីករាយ​ជាមួយ​នឹង​ភាពអស្ចារ្យ​នៃ​ពេលវេលា​ដ៏រុងរឿង​របស់​ប្រទេស​កម្ពុជា​ជាមួយនឹង​ការស្នាក់​នៅក្នុង​អតីត​ព្រះរាជដំណាក់​សម្រាកលំហែ​របស់​ព្រះបាទ​សម្ដេចព្រះ នរោត្ដម សីហនុ ​នៅឯ​សណ្ឋាគារ អាម៉ាន់សារា​។ ភ្ញៀវ​អាច​ភ្លក្ស​រសជាតិ​ម្ហូប​ខ្មែរ​ដ៏ឈ្ងុយឆ្ងាញ់ នៅ​បន្ទប់ Dining Room ​ដែលជា​អតីត​រោងភាពយន្ត​របស់​ព្រះមហាក្សត្រ​។

ភ្ញៀវ​អាច​ហែល​ទឹក​លេង​នៅក្នុង​អាង​ហែល​ទឹក​ឯកជន​របស់ខ្លួន និង​ទទួល​នូវ​ភាព​ស្រស់ស្រាយ​នៃ​ការសម្រួល​សសៃ​នៅ​បន្ទប់​ស្ប៉ា​របស់​អាម៉ាន់សារា និង​រីករាយ​ជាមួយ​ទេសភាព​ដ៏ស្រស់ត្រកាល​នៃ​តំបន់​អង្គរ​ដ៏ស្ងប់ស្ងាត់ ដែល​គេ​អាច​គយគន់​ព្រៃព្រឹក្សា​ដុះ​ព័ទ្ធជុំវិញ​ប្រាងប្រាសាទ​ដ៏អស្ទារ្យ​។

មាន​ទីតាំង​ស្ថិតនៅក្នុង​ខេត្តសៀមរាប ដែលជា​រា​ទីក្រុង​វប្បធម៌​របស់​ប្រទេស​កម្ពុជា សណ្ឋាគារ អាម៉ាន់សារា ស្ថិតនៅ​ចំងាយ​ត្រឹមតែ​ ១០ ​នាទី​ប៉ុណ្ណោះ​ពី​ច្រកចូល​ប្រាសាទអង្គរវត្ត​។ ធ្លាប់ជា​អតីត​ព្រះរាជដំណាក់​ស្នាក់​លំហែ​របស់ សម្តេចព្រះ នរោត្តម​សីហនុ ​បច្ចុប្បន្ន​សណ្ឋាគារ​ដ៏ប្រណីត​នេះ​មាន​បន្ទប់​សម្រាកលំហែ​ចំនួន ២៤ ​បន្ទប់​ប្រកបដោយ​ភាពស្ងប់ស្ងាត់ ជាមួយ​នឹង​បរិយាកាស​ដ៏មាន​ផាសុកភាព​។ មាន​ចម្ងាយ​ត្រឹមតែ​ ១៥ ​នាទី​ពី​អាកាសយានដ្ឋាន​ខេត្តសៀមរាប សណ្ឋាគារ អាម៉ាន់សារា ​ផ្តល់នូវ​ភាពងាយស្រួល​ក្នុង​ការដើរ​ទស្សនា​ប្រាង្គ​ប្រាសាទអង្គរវត្ត ដែល​ត្រូវបាន​ដាក់បញ្ចូល​ទៅក្នុង​បញ្ជី​បេតិកភណ្ឌ​ពិភពលោក​របស់​អង្គការ​យូណេស្កូ​។

Content image - Phnom Penh Post

អាម៉ាន់សារា រួមបញ្ចូល​ពាក្យ​សំស្ក្រឹត​ «​សន្តិភាព​» ជាមួយ​ពាក្យ​ «​អប្សរា​»​ ដែលមាន​ចារ​នៅក្នុង​សាស្ត្រា​ហិណ្ឌូបុរាណ​។ ធ្លាប់​ត្រូវបាន​គេ​ស្គាល់ឈ្មោះ​ជា Villa Apsara ​និង​ធ្លាប់ជា​កន្លែង​សម្រាកលំហែ​របស់​ព្រះមហាក្សត្រ​សណ្ឋាគារ​ អាម៉ាន់សារា ​ត្រូវបាន​សាងសង់​ឡើង​ក្នុង​ឆ្នាំ​ ១៩៦២ ដោយ​ស្ថាបត្យករ​បារាំង លោក Laurent Mondet​។

លក្ខណៈពិសេស​នៃ​សណ្ឋាគារ​នៅ​ទស្សវត្ស​ ៦០ ​មួយ​នេះ មានផ្ទះ​ឈើ​សម្រាកលំហែ​ចំនួន​ ១២ ព័ទ្ធជុំវិញ​ដោយ​អាង​ហែល​ទឹក​រាង​កោង​ដ៏ស្រស់ស្អាត និង​មាន​ម្លប់​ដ៏ត្រជាក់​។ Aman ​បាន​ទិញយក​អចលនទ្រព្យ​នេះ នៅក្នុង​ឆ្នាំ​ ២០០២ ហើយ​បាន​ជួសជុល​ឡើងវិញ​យ៉ាង​យកចិត្ត​ទុកដាក់​បំផុត​។ សណ្ឋាគារ អាម៉ាន់សារា ​បាន​បើក​ដំណើរការ​នៅ​ខែធ្នូ ឆ្នាំ​ ២០០២​។

សព្វថ្ងៃ អាម៉ាន់សារា មាន​បន្ទប់​គេង​ចំនួន​ ២៤ ដែលមាន​ទីធ្លា​លក្ខណៈ​ឯកជន និង​មាន​អាង​ហែល​ទឹក​ឯកជន​ចំនួន​ ១២​។ អាង​ហែល​ទឹក​ឯកជន​នោះ គឺមាន​ទំហំ​ ៦x៥ ​ម៉ែត្រ​។ មានការ​រចនា​ស្រដៀង​គ្នា​ដោយ​បន្ទប់​នីមួយៗ មាន​ទំហំ​ធំ​ទូលាយ ជាមួយ​នឹង​កម្រាល​ឈើ​រាបស្មើរ​ដ៏ភ្លឺ​រលោង​។

Content image - Phnom Penh Post

បន្ទប់​គេង​ និង​កន្លែង​អង្គុយលេង​គឺមាន​ទំហំ​ធំ (king-size bed) ​និង​មាន​តុ​អង្គុយ​សរសេរ​ដ៏ធំ​ ១ រួម​នឹង​សាឡុង​មួយឈុត​។ ហើយ​ក៏មាន​កន្លែង​សម្រាប់​ផ្លាស់​សម្លៀកបំពាក់ និង​កន្លែង​បរិភោគ​អាហារ​ផងដែរ​។ ដើរ​តែ​ពីរ​បី​ជំហាន​គឺ​បន្ទប់ទឹក​ដែលមាន​ទ្វារ​កញ្ចក់​រហូតដល់​ពិដាន​។ បន្ទប់ទឹក​មាន​ទូកញ្ចក់​ភ្លោះ​ដ៏ស្រស់ស្អាត មាន​អាង​ងូតទឹក​ដ៏ធំ​ទូលាយ​ហើយ​កន្លែង​ងូតទឹក​ និង​បង្គន់​គឺ​នៅ​ដាច់ពីគ្នា​។

ដើរ​តែ​បន្តិច​ពី​បន្ទប់​ស្នាក់នៅ​ដ៏ប្រណីត គឺ​ទៅដល់​អាង​ហែល​ទឹកធំ ដែលមាន​ប្រវែង​ ១៧ ​ម៉ែត្រ​ និង​នៅ​ជិត​កន្លែង​បរិភោគ​អាហារ​រាង​ជា​រង្វង់​។ ភោជនីដ្ឋាន​នេះ​មាន​បម្រើ​ជូន​នូវ​មុខម្ហូប​បែប​ខ្មែរ​ និង​ម្ហូប​បែប​លោកខាងលិច​លើសពីនេះ​ទៀត ក៏មាន​កន្លែង​ញុំា​ស្រា​ផងដែរ​។

ភ្ញៀវ​អាច​កម្មង់​នំខេក​ដែល​ដាក់តាំង​បង្ហាញ និង​អាច​ជ្រើសរើស​ញ៉ាំ​អាហារ​នៅ​ជុំវិញ​អាង​ហែល​ទឹក​ ឬ​ក្នុង​បន្ទប់​គេង​ក៏បាន​។ ​សម្រាប់​ជាន់​លើដំបូល ភ្ញៀវ​អាច​ទៅ​កម្សាន្ត​នៅពេល​ព្រឹក​ព្រលឹម ឬ​ពេល​ល្ងាច ឬ​អាច​បរិភោគ​អាហារ​ពេល​ល្ងាច​ជា​លក្ខណៈ​ឯកជន​។ វា​ក៏​ជា​កន្លែង​ដ៏ស្ងប់ស្ងាត់​សម្រាប់​ហាត់​យូហ្គា​ ឬ​អង្គុយ​សមាធិ ជាពិសេស​នៅពេល​ថ្ងៃ​រះ​។

ហើយ​អ្វីដែល​មិនអាច​មើលរំលង​ទៀត​នោះ គឺ​កន្លែង​ស្ប៉ា​ដ៏មាន​ផាសុកភាព ភ្ញៀវ​អាច​គយគន់ ទេសភាព​ព្រៃព្រឹក្សា​តាំងពី​សម័យបុរាណ​ដ៏ស្រស់ស្អាត​។ មាន​បន្ទប់​ស្ប៉ា​ចំនួន​ ៤ ដែល​បន្ទប់​នីមួយៗ​មាន​កន្លែង​សម្រាក ភ្ជាប់​ និង​បន្ទប់​ស្ទីម​លក្ខណៈ​ឯកជន​។

Content image - Phnom Penh Post

ចំពោះ​ការស្ប៉ា​គឺមាន​សេវាកម្ម​ជាច្រើន ក្នុងនោះ​មានដូចជា​ម៉ាស្សា​ និង​ស្ប៉ា​ដើម្បី​ថែរក្សា​សម្រស់​ដោយ​ប្រើ​បច្ចេកទេស​របស់​ខ្មែរ​ និង​ប្រើ​ផលិតផល​ស្ប៉ា​ធម្មជាតិ​ផ្ទាល់ខ្លួន​។ បន្ទប់​ស្ប៉ា​ និង​បន្ទប់​សម្រាក​ភ្ញៀវ​អាច​ក្រឡេកមើល​សម្រោល​រូបចំលាក់​លើ​ជញ្ជាំង​ថ្មភក់​ប្រវែង​ ៤៣ ​ម៉ែត្រ​ដែល​ឆ្លុះ​ទៅនឹង​ស្រះ​ទឹក​។

បរិក្ខារ​ផ្សេងៗ​ទៀត រួមមាន​អាង​ហែល​ទឹក​ប្រវែង​ ២៥ ​ម៉ែត្រ ស្ថិតនៅ​ខាងក្រោយ​ជញ្ជាំង ៦ ​ម៉ែត្រ​មាន​កន្លែង​ហាត់ប្រាណ មាន​បណ្ណាល័យ​ និង​វិចិត្រសាល​ដ៏ស្រស់ស្អាត​ដែល​បង្ហាញ​អំពី​ស្នាដៃ សិប្បកម្ម​ និង​សិល្បៈ​ក្នុងស្រុក​ដែល​ភ្ញៀវ​អាច​ទិញ​បាន​។

មាន​ផ្តល់ជូន​ដំណើរ​កម្សាន្ត​តាម​ប្រាង្គ​ប្រាសាទ និង​ដំណើរ​កម្សាន្ត​តាម​តម្រូវការ​ជាច្រើន​ទៀត ដែលជា​ផ្នែក​មួយ​នៃ​បទពិសោធន៍​របស់​ភ្ញៀវ​ស្នាក់នៅ​សណ្ឋាគារ អាម៉ាន់សារា​។ ការដើរ​កម្សាន្ត​ដែល​ផ្តោតលើ​ប្រាង្គ​ប្រាសាទ​ដែល​ស្ថិតនៅ​ជុំវិញ​ប្រាសាទអង្គរវត្ត​ត្រូវបាន​ធ្វើឡើង​នៅពេល​ព្រឹក​ និង​ពេល​រសៀល​ដោយ​ប្រើ​រម៉ក​ផ្ទាល់​របស់​អាម៉ាន់សារា ដោយ​យាន​ជំនិៈ​នីមួយៗ​មាន​អ្នកបើកបរ​ និង​មគ្គុទេសក៍​ផ្ទាល់ខ្លួន​។

Content image - Phnom Penh Post

សណ្ឋាគារ​អាម៉ាន់សារា រង់ចាំ​ស្វាគមន៍​ទាំង​ភ្ញៀវ​ខ្មែរ និង​បរទេស​គ្រប់ពេលវេលា​។ សូម​រីករាយ​ជាមួយនឹង​ការ​ស្នាក់នៅ​រយៈពេល​ ២ ​យប់​ដែល​ភ្ញៀវ​អាច​ចូល​ស្នាក់​ និង​ចេញ តាម​ពេលវេលា​ដែល​អាច​បត់បែន​បាន​។ ហើយ​ក៏មាន​សេវាកម្ម​ថែទាំ​រថយន្ត​ និង​បទពិសោធន៍​គ្រួសារ​សម្រាប់​ការស្នាក់នៅ​រយៈពេល​ ៣ ​យប់ ក្នុងនោះ​មាន​អាហារ​ពេល​ល្ងាច សាច់​អាំង និង​ការជិះ​កង់​ទៅ​ទស្សនា​ប្រាង្គប្រាសាទ​។

សម្រាប់​ការកក់​ និង​សាកសួរ​ព័ត៌មាន​សូម​ចូលទៅ​កាន់​គេហទំព័រ amansara.com ឬ​ទំនាក់ទំនង​តាមរយៈ​ទូរស័ព្ទ​លេខ +៨៥៥ ៦៣ ៧៦០ ៣៣៣ ឬ​អ៊ីមែល amansara@aman.com

Content image - Phnom Penh Post

Content image - Phnom Penh Post

អត្ថបទគួរចាប់អារម្មណ៍