.jpg)
ធនាគារភីភីស៊ីប៊ែង បានដាក់ឱ្យដំណើរការប្រព័ន្ធគ្រប់គ្រងប័ណ្ណថ្មីមួយសម្រាប់អតិថិជនសេវាធនាគារចល័តរបស់ខ្លួន។ ការអភិវឌ្ឍប្រព័ន្ធនេះ គឺសមស្របទៅនឹងការប្តេជ្ញារបស់ធនាគារចំពោះបច្ចេកវិទ្យាប្រកបដោយភាពច្នៃប្រឌិត និងបង្កើតភាពងាយស្រួល ដែលមិនធ្លាប់មានសម្រាប់អតិថិជនរបស់ខ្លួន។
មុខងារថ្មីធំៗចំនួន ៣ បានដាក់បញ្ចូលក្នុងសេវាធនាគារចល័តដែលអនុញ្ញាតឱ្យអ្នកប្រើប្រាស់អាចគ្រប់គ្រងប័ណ្ណ និងគណនីដែលបានភ្ជាប់របស់ពួកគេបានយ៉ាងពេញលេញ។ រាល់ប្រតិបត្តិការប័ណ្ណដែលអតិថិជនបានធ្វើនៅលើប្រព័ន្ធអ៊ីនធឺណិត ឬតាមរយៈម៉ាស៊ីនឆូតកាតឥឡូវនេះអាចគ្រប់គ្រងបានទាំងស្រុងពីទូរស័ព្ទដៃរបស់ពួកគេ។
ម្ចាស់ប័ណ្ណឥណទានរបស់ធនាគារភីភីស៊ីប៊ែងអាចមើលសមតុល្យសាច់ប្រាក់ភ្លាមៗគ្រប់ពេលវេលាតាមរយៈកម្មវិធីទូរស័ព្ទក៏ដូចជាធ្វើការដកសាច់ប្រាក់ជាមុនទៅក្នុងគណនីធនាគាររបស់ពួកគេ ដើម្បីធ្វើការបញ្ជាទិញទំនិញផ្សេងៗ។ ការទូទាត់វិក្កយបត្រអាចធ្វើបានតាមរយៈកម្មវិធីធនាគារទូរស័ព្ទដោយផ្ទាល់ ដែលអាចជួយសម្រួលដល់ការបើកដកមុនដល់កាតឥណទានផងដែរ។
ដើម្បីប្រយុទ្ធប្រឆាំងនឹងការក្លែងបន្លំ ធនាគារភីភីស៊ីប៊ែង បានបញ្ឈប់ការចេញលេខសម្ងាត់បណ្តោះអាសន្នសម្រាប់ប័ណ្ណដែលចេញថ្មី។ អតិថិជនអាចបង្កើតលេខសម្ងាត់ផ្ទាល់ខ្លួនរបស់ពួកគេតាមរយៈសេវាធនាគារចល័ត ឬនៅតាមទូរអេធីអឹម ហើយអ្វីដែលកាន់តែពិសេស គឺអតិថិជនក៏អាចបញ្ជាដំណើរការប័ណ្ណថ្មីដោយខ្លួនឯងបានផងដែរ។
ប្រព័ន្ធគ្រប់គ្រងប័ណ្ណថ្មីនេះ ក៏អនុញ្ញាតឱ្យអ្នកប្រើប្រាស់កម្មវិធីធនាគារចល័តភីភីស៊ីប៊ែង អាចបង្កក និងដំណើរការប័ណ្ណឡើងវិញដោយខ្លួនឯងសម្រាប់ប័ណ្ណឥណពន្ធ និងប័ណ្ណឥណទាន។ វាមានសារៈប្រយោជន៍បំផុតនៅពេលអ្នកភ្លេចប័ណ្ណនៅទីកន្លែងណាមួយ ឬក្នុងករណីប័ណ្ណត្រូវបានបាត់ ឬការបង្កកអាចធ្វើបានភ្លាមៗ និងជារៀងរហូត បន្ទាប់មកអតិថិជនអាចប្រើកម្មវិធីធនាគារចល័តភីភីស៊ីប៊ែង ដើម្បីស្នើសុំចេញប័ណ្ណសារជាថ្មីឡើងវិញ ដោយគ្រាន់តែបញ្ជាក់មូលហេតុប៉ុណ្ណោះ។
ការធ្វើបច្ចុប្បន្នភាពមុខងារទាំងនេះ អាចធ្វើទៅបានដោយសារ ធនាគារភីភីស៊ីប៊ែងបានជំនួសដោយប្រព័ន្ធដំណែលរបស់ខ្លួនដោយសហការជាមួយ «ស្មាតវីស្តា (Smart Vista)» របស់ក្រុមហ៊ុន «បីភីស៊ី» ជាប្រព័ន្ធដែលមានការទទួលស្គាល់ជាអន្តរជាតិ និងអនុលោមតាមស្តង់ដារអន្តរជាតិ។ លក្ខណៈពិសេសថ្មីនេះ ត្រូវបានស្វាគមន៍ដោយអ្នកប្រើសេវាធនាគារចល័តដែលពេញនិយមនឹងប្រណិតភាព និងប្រព័ន្ធដែលមានសមត្ថភាពពិសេស។
សេវាធនាគារចល័តត្រូវបានបង្កើតឡើងជាលើកដំបូងនៅក្នុងឆ្នាំ ២០១៧។ នៅឆ្នាំ ២០១៩ វាបានទទួលពានរង្វាន់ទទួលស្គាល់លើ «ការឌីហ្សាញ» នៃភាពច្នៃប្រឌិតថ្មីរបស់ខ្លួន។
គំនិតផ្តួចផ្តើមរបស់ធនាគារភីភីស៊ីប៊ែង ក្នុងការជំរុញប្រតិបត្តិការគ្មានសាច់ប្រាក់រួមមានការអនុម័តលើសេវាកម្ម «ទូទាត់ប្រាក់បាគង» របស់ធនាគារជាតិនៃកម្ពុជាដែលមានគោលបំណងធ្វើឱ្យប្រសើរឡើងនូវអន្តរប្រតិបត្តិការសម្រាប់អតិថិជនរវាងស្ថាប័នហិរញ្ញវត្ថុផ្សេងៗ។ ធនាគារភីភីស៊ីប៊ែង ទើបតែដាក់ចេញនូវដំណាក់កាលទី២ របស់ធនាគារជាតិនៃកម្ពុជាគឺ «ការផ្ទេរប្រាក់ទៅធនាគារក្នុងស្រុកតាមប្រព័ន្ធបាគង» អតិថិជនរបស់ធនាគារភីភីស៊ីប៊ែង អាចផ្ទេរប្រាក់ដោយផ្ទាល់ទៅធនាគារក្នុងស្រុកណាមួយដែលជាសមាជិករបស់បាគងដោយមិនគិតថ្លៃសេវា។
ដោយដឹងថា ជម្រើសនៃការផ្ទេរប្រាក់អាចមានភាពច្របូកច្របល់ធនាគារភីភីស៊ីប៊ែង បានដាក់បញ្ចូលជម្រើសនៃការផ្ទេរប្រាក់រហ័ស ទាំងអស់ទៅក្នុងជម្រើសតែមួយដែលផ្តល់ភាពងាយស្រួលក្នុងការជ្រើសរើស។ លែងជាបញ្ហាទៀតហើយ អតិថិជនគ្រាន់តែចុចលើឈ្មោះធនាគារមួយណាដែលពួកគេចង់ផ្ទេរប្រាក់ទៅ នោះប្រព័ន្ធកម្មវិធីទូរស័ព្ទរបស់យើង នឹងពិនិត្យជម្រើស ដែលល្អបំផុតជាមួយ សេវាផ្ញើទាបបំផុតដោយស្វ័យប្រវត្ត នេះជាបច្ចេកេវិទ្យាថ្មីមួយដើម្បីធានាផ្ដល់ជូនអតិថិជនរបស់ពួកយើងនូវសេវាកម្មធនាគារចល័ត ដែលមានភាពងាយស្រួល។ ទាញយកសម្រាប់ទូរស័ព្ទដៃចល័តឥឡូវនេះ ដែលអាចប្រើប្រាស់បានសម្រាប់ទាំងលើកម្មវិធី Android និង iOS។
លើសពីនេះទៀត កម្មវិធីធនាគារចល័តនាពេលឆាប់ៗនេះ នឹងអាចអនុញ្ញាតឱ្យអតិថិជនរបស់ធនាគារភីភីស៊ីប៊ែង ផ្ទេរប្រាក់ទៅកាន់អេអឹមខេ (AMK Wallet) ឬលេខទូរស័ព្ទរបស់អ្នកណាម្នាក់ដែលអនុញ្ញាតឱ្យដកប្រាក់ពីភ្នាក់ងារអេអឹមខេណាមួយក្នុងចំណោមភ្នាក់ងារចំនួន ៥ ៥០០ នៅទូទាំងព្រះរាជាណាចក្រកម្ពុជា។
អំពីធនាគារភីភីស៊ីប៊ែង
ធនាគារ ភីភីស៊ីប៊ែង គឺជាធនាគាររបស់ប្រទេសកូរ៉េខាងត្បូងមួយ ដែលបានចាប់ផ្ដើមអាជីវកម្មនៅកម្ពុជានៅខែកញ្ញា ឆ្នាំ ២០០៨ ដែលជាក្រុមហ៊ុនបុត្រសម្ព័ន្ធមួយនៃក្រុមហ៊ុន JB Financial Group និងក្រុមហ៊ុន Apro Financial Co។ ធនាគារ ភីភីស៊ីប៊ែង កំពុងធ្វើប្រតិបត្ដិការនៅទូទាំងប្រទេសកម្ពុជា តាមរយៈសាខាចំនួន ១៦ សាខានៅរាជធានីភ្នំពេញ និងសាខាចំនួន ៧ នៅតាមបណ្ដាខេត្តសំខាន់ៗមួយចំនួន និងមានទូរ ATM ចំនួន ៦៥។
ធនាគារ ភីភីស៊ីប៊ែង បានផ្តល់ជូនផលិតផល និងសេវាកម្មផ្នែកធនាគារសំបូរបែបដែលរួមមានទាំងសេវាធនាគារលក្ខណៈប្រពៃណី និងបែបឌីជីថលទំនើប ដោយរាប់បញ្ចូលទាំងសេវាប្រាក់បញ្ញើ ឥណទាន សេវា smartBiz ដែលជាសេវាកម្មធនាគារសម្រាប់ផ្នែកអាជីវកម្មបែបឌីជីថល និងសេវា Mobile Teller ដែលជាសេវាប្រឹក្សាយោបល់អតិថិជនទាំងនៅក្នុង និងក្រៅសាខា។ ក្នុងឆ្នាំ ២០២០ ធនាគារ ភីភីស៊ីប៊ែង បានចុះបញ្ជីមូលបត្រក្រុមហ៊ុនក្នុងផ្សារមូលបត្រកម្ពុជា។
ធនាគារ ភីភីស៊ីប៊ែង ចូលរួមគាំទ្រយ៉ាងសកម្មក្នុងកម្មវិធីទំនួលខុសត្រូវសង្គមរបស់ក្រុមហ៊ុន( CSR Initiative) ដោយក្លាយជាធនាគារដំបូងបង្អស់ដែលបានផ្តួចផ្តើមគំនិតក្នុងការលើកកម្ពស់បុគ្គលិកដែលមានពិការភាពលើសោតវិញ្ញាណ តាមរយៈកិច្ចសហការជាមួយហាងកាហ្វេ Socials Coffee ដែលមាននៅសាខាធនាគាររបស់ខ្លួន។
បន្ថែមពីនេះទៅទៀត កម្មវិធីទំនួលខុសត្រូវសង្គមរបស់ធនាគារក៏បានគាំទ្រដល់អង្គការបោសសម្អាតមីននៅកម្ពុជា ដូចជា អង្គការ APOPO កណ្ដុរហិតមីន «HeroRATsដែលកំពុងធ្វើការបោសសម្អាតមីន ដើម្បីលុបបំបាត់មីននៅកម្ពុជា៕
