The Phnom Penh Post Search

Search form




Logo of Phnom Penh Post newspaper Phnom Penh Post - DHL Express ផ្តល់​សេវាកម្ម​ដឹកជញ្ជូន​រុក្ខជាតិ​តាំង​លម្អ​មក​កម្ពុជា




DHL Express ផ្តល់​សេវាកម្ម​ដឹកជញ្ជូន​រុក្ខជាតិ​តាំង​លម្អ​មក​កម្ពុជា

Content image - Phnom Penh Post
DHL Express ផ្តល់​សេវាកម្ម​ដឹកជញ្ជូន​រុក្ខជាតិ​តាំង​លម្អ​មក​កម្ពុជា។ រូបថត Cactus

DHL Express ផ្តល់​សេវាកម្ម​ដឹកជញ្ជូន​រុក្ខជាតិ​តាំង​លម្អ​មក​កម្ពុជា

ភ្នំពេញៈ ក្រុមហ៊ុន DHL Express Thailand បានដាក់​ឱ្យ​ប្រើប្រាស់​សេវា Cactus Export Service ដើម្បី​ផ្ដល់​ការដឹកជញ្ជូន​នៅ​ថ្ងៃ​បន្ទាប់​នៃ​រុក្ខជាតិ​តាំង​លម្អ​ប្រណីត ដូចជា ដើម​ដំបងយក្ស​ពី​ប្រទេស​ថៃ​មក​កម្ពុជា សិង្ហបុរី ឥណ្ឌូនេស៊ី និង​វៀតណាម​។ ​នេះ​បើតាម​សេចក្តី​ប្រកាស​ព័ត៌មាន​របស់​ក្រុមហ៊ុន​បាន​ផ្សាយ​កាលពី​ថ្ងៃទី​ ១៣ កក្កដា​។

ដើម​ដំបងយក្ស​មាន​ភាពពេញនិយម​កាន់តែ​ខ្លាំង​ឡើង​នៅ​អាស៊ីអាគ្នេយ៍​។ សេវាកម្ម​ថ្មី​នេះ​នឹង​អាច​ឱ្យ​ម្ចាស់​ធុរកិច្ច​ក្នុង​ស្រុក​ចាប់យក​ឱកាស​តម្រូវការ​ដែល​កើនឡើង​ខ្លាំង​នេះ និង​ពង្រីក​ទៅដល់​ក្នុង​តំបន់​របស់​ពួកគេ​។

ក្រុមហ៊ុន DHL Express បាន​ផ្ដល់ឱ្យ​ម្ចាស់​អាជីវកម្ម​ដើម​ដំបងយក្ស​នូវ​លទ្ធភាព​ក្នុង​ការហោះហើរ​ត្រង់​ពី​មជ្ឈមណ្ឌល​ទីក្រុង​បាងកក និង​ផ្លូវ​ចូល​ទៅ​កាន់​ទិសដៅ​ប្រទេស​ទាំង​ ៤ ​នេះ​។ ​នេះ​បើតាម​សេចក្ដី​ប្រកាស​ព័ត៌មាន​។

លោក Ken Lee អគ្គនាយក​ក្រុមហ៊ុន DHL Express Asia Pacific បានឱ្យ​ដឹងថា​៖ «​ការសន្ទនា​ជាប្រចាំ​ជាមួយ​អតិថិជន ដើម្បី​ត្រួតពិនិត្យ​សេវាកម្ម​របស់​យើង និង​កំណត់​វិស័យ ដែល​យើង​អាច​កែលម្អ​មាន​សារៈសំខាន់​ចំពោះ​ពួកយើង​»​។

លោក Ken ថ្លែង​ទៀតថា​៖ «​យើង​កំពុង​ស្វែងរក​ជាប្រចាំ​នូវ​មធ្យោបាយ​ ដើម្បី​អតិថិជន​របស់​យើង​ឱ្យ​កាន់តែ​ប្រសើរឡើង និង​ដើម្បី​ធ្វើជា​វេទិកា​នៃ​ជម្រើស​។ តាមរយៈ​ការពង្រីក​សមត្ថភាព​របស់​យើង នៅពេលនេះ​ដើម្បី​ដាក់​បញ្ជូល​ការដឹកជញ្ជូន​ដើម​ដំបងយក្ស​មិន​គ្រាន់តែ​បើកចំហ​ទ្វារ​ចំពោះ​លទ្ធភាព​ថ្មីៗ និង​ឱកាស​ឆ្លងកាត់​ព្រំដែន​សម្រាប់​អតិថិជន​របស់​យើង​ប៉ុណ្ណោះ​ទេ ប៉ុន្តែ​វា​ថែមទាំង​បង្ហាញ​ភាពបត់បែន និង​ការប្ដេជ្ញាចិត្ត​របស់​យើង​ដើម្បី​ឆ្លើយតប​តម្រូវការ​របស់​ពួកគេ​ផងដែរ​»​។

លោក Herbert Vongpusanachai នាយក​គ្រប់គ្រង​ក្រុមហ៊ុន DHL Express Thailand និង​ជា​ប្រធាន​ទទួលបន្ទុក​ប្រទេស​ឥណ្ឌូនេស៊ី​បាន​ថ្លែងថា​៖ «​ការរីករាលដាល​ជំងឺ​កូវីដ​ ១៩ ​បាន​បង្កើន​ការសម្រប​ខ្លួន​នៃ​ការរស់នៅ​តាម​ពាណិជ្ជកម្ម​អេឡិចត្រូនិក​។ សេវាកម្ម​នាំចេញ​ដើម​ដំបងយក្ស​របស់​យើង ម្ចាស់​ធុរកិច្ច​ដើម​ដំបងយក្ស​អាច​ទាញយក​អត្ថប្រយោជន៍​»៕LA

អត្ថបទគួរចាប់អារម្មណ៍