ទីក្រុងហុងកុងៈ តម្លៃភាគហ៊ុនអាស៊ីបន្តការខាតបង់កាលពីថ្ងៃអង្គារ ដោយសារតែវីរុសជំងឺកូវីដវ៉ារ្យង់ Delta រីករាលដាលយ៉ាងរហ័ស ជំរុញឲ្យមានការបារម្ភជុំវិញការស្ទុះងើបឡើងវិញសេដ្ឋកិច្ចតាមការរំពឹងទុក។
ក្រុមវិនិយោគិនបារម្ភក្នុងរយៈពេលជាច្រើនសប្ដាហ៍ថ្មីៗនេះ តាមរយៈទិន្នន័យដែលបង្ហាញវីរុសឆ្លងខ្ពស់បំផុត កើនឡើងទូទាំងពិភពលោក ដែលបង្ខំឲ្យរដ្ឋាភិបាលមួយចំនួនត្រូវដាក់ជាថ្មីនូវវិធានការនានាដើម្បីទប់ស្កាត់។
សូម្បីតែប្រទេសជាច្រើនដែលមានអត្រាការចាក់វ៉ាក់សាំងកើនឡើងក៏ដោយ ក៏បានមើលឃើញការកើនឡើងខ្លាំងក្នុងការឆ្លងថ្មីផងដែរ ទោះបីជាក្រុមអ្នកអង្កេតចង្អុលបង្ហាញថា ការចូលសម្រាកក្នុងមន្ទីរពេទ្យ និងការស្លាប់កំពុងរក្សាការធ្លាក់ចុះ ដោយសារតែការចាក់វ៉ាក់សាំងក៏ដោយ។
ភាពតានតឹងផ្នែកនយោបាយដែលកើនឡើងខ្លាំងក៏ជាឥទ្ធិពលមួយផងដែរ បន្ទាប់ពីអាមេរិកបានចោទប្រកាន់ទីក្រុងប៉េកាំងពីបទអនុវត្តការវាយលុកទ្រង់ទ្រាយធំនៃក្រុមហ៊ុន Microsoft និងបានចោទប្រកាន់ជនជាតិចិន ៤ នាក់ ខណៈដែលការប្រមូលផ្ដុំសម្ព័ន្ធមិត្តនៅក្នុងការថ្កោលទោសរួមគ្នាដ៏កម្រមួយពីបទសកម្មភាពអ៊ិនធឺណិត «ដែលកំពុងវាយលុក»។ ប្រទេសចិនបានបដិសេធការអះអាងនេះថា ជាការ «គ្មានមូលដ្ឋាន និងមិនមានការទទួលខុសត្រូវទាំងស្រុង»។
លោក Tapas Strickland នៅធនាគារជាតិអូស្ដ្រាលីបានថ្លែងថា៖ «អ្វីដែលទំនងជាកំពុងទាក់ទង និងទីផ្សារនៅពេលនេះ គឺថាក៏មានការកើនឡើងការឆ្លងដែលកើតឡើងនៅក្នុងបណ្ដាប្រទេសអភិវឌ្ឍន៍ ដែលមានការចាក់វ៉ាក់សាំងកម្រិតខ្ពស់ផងដែរ»។
ការណ៍នេះបង្ហាញថា៖ «ប្រជាជនដែលចាក់វ៉ាក់សាំងពេញលេញ ខណៈដែលត្រូវបានការពារមិនឲ្យមានការឆ្លងធ្ងន់ធ្ងរ និងចូលសម្រាកក្នុងមន្ទីរពេទ្យអាចនៅតែចម្លងវីរុសនេះបាន»។
លោកបន្ថែមថា៖ «ការរឹតបន្តឹងការរីករាលដាលវីរុស គឺជាការចាំបាច់ត្រូវធ្វើឡើងក្នុងរយៈពេលកាន់តែវែង (ឬសូម្បីតែការណែនាំជាថ្មី) រហូតដល់អត្រាការចាក់វ៉ាក់សាំងកើនឡើងបន្ថែមទៀត និងការចាក់វ៉ាក់សាំងពេញលេញគឺអាចធ្វើឡើងដល់មនុស្សគ្រប់គ្នាដែលចង់ចាក់» ៕ LA