.jpg)
ស្ថាប័ន ២ រួមគ្នាលើកស្ទួយសំណង់បៃតង និងប្រសិទ្ធភាពថាមពល ដើម្បីលើកកម្ពស់អគារបៃតង។ រូបថត សហការី
ភ្នំពេញៈ វិទ្យាស្ថានកំណើនបៃតងពិភពលោក (GGGI) បានចុះអនុស្សរណៈនៃការយោគយល់គ្នា (MoU) ជាមួយសមាគមផ្ដល់ប្រឹក្សាសំណង់អគារបៃតងកម្ពុជា (CamGBC) ដែលទើបបង្កើតថ្មី ដោយពន្យល់ពីផែនការកិច្ចសហប្រតិបត្តិការរវាងភាគីទាំង ២ ដើម្បីលើកកម្ពស់អគារបៃតង។
តាមសេចក្ដីប្រកាសព័ត៌មានរួមគ្នា អគារបៃតងត្រូវបានកំណត់ដោយ CamGBC ជាអគារដែលទទួលខុសត្រូវផ្នែកបរិស្ថាន និងប្រសិទ្ធភាពធនធាន ពេញ ១ ជីវិតរបស់អគារ។
សមាគមផ្ដល់ប្រឹក្សាសំណង់អគារបៃតងកម្ពុជាគឺជាគំនិតផ្តួចផ្តើមវិស័យឯកជនដែលត្រូវបានបង្កើតឡើងនៅពេលថ្មីៗ ដោយមានចក្ខុវិស័យដើម្បីធ្វើឱ្យអគារបៃតង និងសហគមន៍មានសម្រាប់ប្រជាជនកម្ពុជាទាំងអស់។
សមាគមនេះមានបំណងចូលរួមជាមួយក្រុមអ្នកបង្កើតគោលនយោបាយ ក្រុមអ្នកជំនាញ និងសង្គម ដើម្បីផ្លាស់ប្តូរឧស្សាហកម្មសំណង់ទៅជាឧស្សាហកម្មមួយដែលគោរពដល់បរិស្ថាន។
ស្ថិតក្រោមកិច្ចព្រមព្រៀងនៃកិច្ចសហប្រតិបត្តិការថ្មីនេះ GGGI នឹងគាំទ្រប្រតិបត្តិការរបស់សមាគមផ្ដល់ប្រឹក្សាសំណង់អគារបៃតងកម្ពុជា។ អង្គការទាំង ២ នេះនឹងធ្វើការងារជាមួយគ្នា ដើម្បីដំណើរការការវាយតម្លៃអគារបៃតងជាក់លាក់នៅកម្ពុជា និងផ្ដល់ហិរញ្ញប្បទានដល់ផែនការនេះ។
រាជរដ្ឋាភិបាលកម្ពុជាបានចាប់ផ្ដើមអភិវឌ្ឍគំនិតផ្តួចផ្ដើមរយៈពេលវែងជាច្រើន ដើម្បីបង្កើតវិស័យសំណង់ប្រកបដោយនិរន្តរភាព នៅក្នុងប្រទេសកម្ពុជា ដែលរួមមានច្បាប់សំណង់ ស្ថិតក្រោមការអភិវឌ្ឍដោយក្រសួងរៀបចំដែនដីនគរូបនីយកម្ម និងសំណង់ (MUPLMC) និងគោលការណ៍ណែនាំអគារបៃតង និងផែនការសកម្មភាពថ្នាក់ជាតិ ស្ថិតក្រោមការអភិវឌ្ឍ ដោយក្រសួងបរិស្ថាន (MoE)។
ការរួមចំណែកកំណត់ដោយជាតិ (NDC) ដែលធ្វើបច្ចុប្បន្នភាពរបស់កម្ពុជា ដែលបានបញ្ជូនកាលពីខែធ្នូឆ្នាំ ២០២០ ក៏បញ្ជាក់ពីមហិច្ឆតាដែលបានពង្រឹងសម្រាប់វិស័យនេះផងដែរ ដែលរួមមានសកម្មភាពដែលជាប់ទាក់ទងនឹងការបង្កើតប្រសិទ្ធភាពថាមពល និងភាពត្រជាក់។
លោក សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ប្រកបដោយចីរភាព បានថ្លែងក្នុងអំឡុងពេលដាក់ឱ្យដំណើរការក្របខ័ណ្ឌផែនការកម្ពុជា (CPF) កាលពីខែមិថុនាថា កំណើនបៃតងគឺជាគំរូអភិវឌ្ឍន៍សេដ្ឋកិច្ចមួយដែលស្វែងរកកំណើនសេដ្ឋកិច្ចទាំងអស់ ខណៈពេលកំពុងខិតខំដើម្បីការរួមបញ្ចូលសង្គម និងការប្រើប្រាស់ធនធានធម្មជាតិប្រកបដោយចីរភាព។
លោកឱ្យដឹងថា រាជរដ្ឋាភិបាលកម្ពុជា (RGC) អនុវត្តគោលការណ៍កំណើនបៃតងនៅក្នុងផែនការយុទ្ធសាស្ត្រ និងការអភិវឌ្ឍរបស់ខ្លួន។
លោកកត់សម្គាល់ថា៖ «យើងប្ដេជ្ញាចិត្តចំពោះសកម្មភាពធាតុអាកាស និងសម្រេចបានការអភិវឌ្ឍប្រកបដោយចីរភាព នៅក្នុងវិស័យទាំងអស់តាមរយៈការផ្តល់អាទិភាពដល់វិធីសាស្ត្រកំណើនបៃតង»។
វិស័យសំណង់ គឺជាវិស័យប្រើប្រាស់ថាមពលចុងក្រោយដ៏សំខាន់បំផុតនៅកម្ពុជា ជាមួយនឹងចំណែកដែលប៉ាន់ប្រមាណប្រហែល ៥២ ភាគរយ។ អគារលំនៅឋាន និងអគារពាណិជ្ជកម្មប្រើប្រាស់អគ្គិសនី។
ប្រហែល ៨០ ភាគរយនៅក្នុងប្រទេស ហើយការប្រើប្រាស់ថាមពលនៅក្នុងអគារជាច្រើននឹងកើនឡើង ២ ដងរហូតដល់ឆ្នាំ ២០៤០។ នេះបើយោងតាមការសង្ខេបគោលនយោបាយ និងករណីសិក្សានៅក្នុងប្រទេសក្នុងឆ្នាំ ២០២០ របស់ UNDP។
UNDP បានឱ្យដឹងដែរថា លុះត្រាតែសម្រេចបានកិច្ចខិតខំប្រឹងប្រែងឆ្ពោះទៅរកការបង្កើនប្រសិទ្ធភាពថាមពល កំណើនបច្ចុប្បន្នក្នុងការប្រើប្រាស់ថាមពលប្រចាំឆ្នាំនៅក្នុងអគារត្រូវបានរំពឹងថា នឹងបន្តកើនឡើងនោះនឹងរួមចំណែកច្រើនដល់ការកាត់បន្ថយការបំភាយឧស្ម័នផ្ទះកញ្ចក់នៅកម្ពុជា។ កត្តាជំរុញសំខាន់ៗនៃកំណើនតម្រូវការថាមពលគឺការកើនឡើងនៅក្នុងសំណង់អគារថ្មីៗ ការប្រើប្រាស់ថាមពលមិនគ្រប់គ្រាន់ នៅក្នុងអគារដែលមានស្រាប់ និងការកើនឡើងជាបន្តនូវឧបករណ៍ប្រើប្រាស់ក្នុងផ្ទះដែលប្រើប្រាស់អគ្គិសនី៕LA
