ក្រុមហ៊ុន BPC មានមោទនភាពយ៉ាងក្រៃលែង សូមធ្វើការប្រកាសថា ធនាគារ ភីភីស៊ីប៊ែង ពិតជាបានដាក់ឱ្យដំណើរការដោយជោគជ័យនូវប្រព័ន្ធបច្ចេកវិទ្យាថ្មី SmartVista ដើម្បីជាជំនួយជំរុញដល់ការរីកចម្រើនទៅមុខទៀតរបស់ខ្លួន។
ធនាគារ ភីភីស៊ីប៊ែង គឺជាបុត្រសម្ព័ន្ធមួយរបស់ក្រុមហ៊ុនហិរញ្ញវត្ថុកូរ៉េខាងត្បូងឈ្មោះ JB Financial Group និង ក្រុមហ៊ុន OK Financial Group ដែលបានបង្កើតឡើងនៅក្នុងប្រទេសកម្ពុជា តាំងពីឆ្នាំ ២០០៨ មកម្ល៉េះក្នុងចក្ខុវិស័យដើម្បីជំរុញឱ្យមានការបង្កើតគំនិតថ្មីៗ និងផ្ដល់សេវាហិរញ្ញវត្ថុនៅទូទាំងព្រះរាជាណាចក្រមួយនេះ។
បន្ទាប់ពីការអនុវត្តដំណាក់កាលបច្ចុប្បន្នដោយជោគជ័យ ក្នុងការប្រមូលសាច់ប្រាក់តាមរយៈការចេញមូលបត្រ យើងឃើញថា ធនាគារបានរីកចម្រើនយ៉ាងឆាប់រហ័សទៅលើទ្រព្យសកម្ម និងបង្កើតបណ្ដាញរបស់ខ្លួនដោយផ្ដល់សេវាកម្មជូនអតិថិជននៅតាមតំបន់យុទ្ធសាស្ត្រនានា ហើយកំពុងអនុវត្តនូវចក្ខុវិស័យរបស់ខ្លួន ដើម្បីក្លាយជាអ្នកនាំមុខគេ និងបង្កើតឥទ្ធិពលនៅក្នុងព្រះរាជាណាចក្រមួយនេះ។
ធនាគារ ភីភីស៊ីប៊ែង កំពុងតែបម្រើសេវាជូនអតិថិជនទូទៅ ហើយក៏ផ្ដោតការយកចិត្តទុកដាក់ខ្លាំងទៅលើការចាប់យកអតិថិជន ដែលជាសហគ្រាសធុនតូច និងមធ្យម (SME) ផងដែរ ដែលជាចំណែកមួយនៃទីផ្សារមិនទទួលបានសេវាពេញលេញ ប៉ុន្តែមានឥទ្ធិពលខ្លាំងលើសេដ្ឋកិច្ច។
ធនាគារបានជ្រើសរើសយក SmartVista របស់ក្រុមហ៊ុន BPC ដើម្បីជំរុញនូវយុទ្ធសាស្ត្រពង្រីកទីផ្សារ និងធ្វើឱ្យកាន់តែមានភាពងាយស្រួលដល់អតិថិជនរបស់ខ្លួននូវបទពិសោធនៃការប្រើប្រាស់សេវាកម្ម ហើយក៏បានជ្រើសរើសប្រព័ន្ធបច្ចេកវិទ្យាមួយចំនួនពី SmartVista នេះផងដែរ។
• SmartVista បានដំឡើងបច្ចេកវិទ្យាកណ្ដាលឱ្យធនាគារនូវប្រព័ន្ធគ្រប់គ្រងការទូទាត់ប្រាក់ ពិនិត្យមើលម៉ាស៊ីន ATM និង បណ្ដាញម៉ាស៊ីន POS របស់ខ្លួន។
• SmartIssuer ត្រូវបានប្រើសម្រាប់គ្រប់គ្រងដំណើរការនៃការបង្កើតកាតតាំងពីដើមដល់ចប់ សម្រាប់កាតគ្រប់ប្រភេទ ទាំងកាតឥណពន្ធ កាតឥណទាន និង កាតបង់ប្រាក់ជាមុន រួមបញ្ជូលទាំងប្រព័ន្ធគ្រប់គ្រងកាតបញ្ជាក់ការលើកទឹកចិត្តដល់អតិថិជនផងដែរ។ ធនាគារបានចេញនូវកាតជាច្រើនប្រភេទ ហើយធនាគារ ភីភីស៊ីប៊ែង បានក្លាយជាអ្នកទី ១ ក្នុងការដាក់ឱ្យដំណើរការកាត DinersClub International ដល់ពលរដ្ឋកម្ពុជា តាមរយៈការចាប់ដៃគូជាមួយប្រព័ន្ធកាតមួយនេះ។
• ធនាគារក៏កំពុងតែឆ្លើយតបទៅនឹងសម្ទុះកំណើនអាជីវកម្មតាមអនឡាញនៅក្នុងប្រទេសផងដែរ ហើយនឹងប្រើប្រាស់នូវបច្ចេកវិទ្យាភ្នាក់ងារពាណិជ្ជកររបស់ SmartVista ដើម្បីផ្ដល់នូវការទូទាត់ចំណាយតាមអនឡាញឱ្យមានភាពងាយស្រួល និងល្អប្រសើរបំផុត។
• ជាមួយនឹងបច្ចេកវិទ្យា API របស់ SmartVista ជាកម្មវិធីសម្រាប់ភ្ជាប់ជាមួយនឹងប្រព័ន្ធបច្ចេកវិទ្យាផ្សេងៗទៀតដែលជាភាគីទី ៣ ដោយរហ័ស និងងាយស្រួល និងជាផ្នែកមួយនៃប្រព័ន្ធអេកូឡូហ្ស៊ីដូចជាសេវាធនាគារតាមរយៈទូរស័ព្ទចល័ត និងសេវាធនាគារតាមរយៈអ៊ីនធឺណិត ព្រមទាំងងាយស្រួលក្នុងការភ្ជាប់ប្រព័ន្ធ CRM និង ការទូទាត់វិក្កយបត្រ ជាមួយគ្រប់ចំណុចប៉ះទាំងអស់របស់ធនាគារ។
កម្មវិធី SmartVista របស់ក្រុមហ៊ុន BPC អាចឱ្យធនាគារ ភីភីស៊ីប៊ែង ផ្ដល់ឱ្យនូវការប្រើប្រាស់សេវាធនាគារកាន់តែមានភាពងាយស្រួល រហ័ស ហើយផ្ដល់បទពិសោធថ្មីៗដល់អតិថិជនរបស់ខ្លួន។ ធនាគារទទួលបាននូវភាពបត់បែនរហ័ស និង មានសេរីភាព ដើម្បីភ្ជាប់ការគ្រប់គ្រងប្រតិបត្តិការពាណិជ្ជកម្មរបស់អតិថិជន ជាមួយនឹងលក្ខណពិសេសនៃសេវាធនាគារ ដែលមានដូចជាការលើកទឹកចិត្តឱ្យផ្លាស់ទៅប្រើប្រាស់កាតស្កេនដោយប្រយោល (Contactless Card) តាមរយៈការផ្ដល់ប្រាក់លើកទឹកចិត្តត្រឡប់មកវិញនៅក្នុងដំណាក់កាលនៃការរីករាលដាលជំងឺកូវីតនេះ ឬការកត់ត្រាផែនការដោយចាប់ដៃគូជាមួយប្រព័ន្ធកាតផ្សេងៗ ដោយមិនចាំបាច់ពឹងលើអ្នកលក់ដំឡើងឱ្យទៀតឡើយ។
លោក Jongil Baek ប្រធានធនាគារភីភីស៊ីប៊ែង បានមានប្រសាសន៍ថា៖ «កម្ពុជាកំពុងតែផ្លាស់ប្ដូរយ៉ាងឆាប់រហ័ស ហើយយើងខ្ញុំត្រូវតែនាំមុខគេនៅលើទីផ្សារ សូម្បីតែនៅក្នុងថ្ងៃនេះ និងនៅម៉ោងនេះ។ សម្រាប់មូលហេតុនេះ ដែលយើងត្រូវតែប្រុងប្រយ័ត្នក្នុងការជ្រើសរើសដៃគូរបស់ខ្លួន ដែលត្រូវការចែករំលែកនូវចក្ខុវិស័យរបស់យើង ដើម្បីផ្ដល់នូវឧត្តមភាព និងការជឿទុកចិត្តជូនអតិថិជន ហើយយើងខ្ញុំមិនដែលរំពឹងថា បានទទួលកាន់តែច្រើនឡើងបែបនេះពី BPC ឡើយ។
អតិថិជនពឹងអាស្រ័យមកលើយើងចំពោះហិរញ្ញវត្ថុរបស់ពួកគេ ហើយរឿងល្អប្រសើរបំផុតដែលយើងអាចធ្វើបាន គឺបម្រើសេវាជូនពួកគាត់តាមរយៈបច្ចេកវិទ្យាទំនើបចុងក្រោយ ទៅតាមប្រភេទនៃបច្ចេកវិទ្យានោះ។ យើងខ្ញុំជឿជាក់ថា SmartVista នឹងធ្វើឱ្យជីវិតរបស់អតិថិជនយើងខ្ញុំកាន់តែងាយស្រួលឡើង នៅពេលប្រើប្រាស់សេវាធនាគារ នៅពេលសន្សំប្រាក់ នៅពេលចាយវាយ នៅពេលទូទាត់ ប្រាក់ ឬនៅពេលទទួលប្រាក់»។
លោក Veasna Nguon នាយក BPCCambodia បានមានប្រសាសន៍ថា៖ «កម្ពុជាគឺជាប្រទេស មួយក្នុងចំណោមបណ្ដាប្រទេសដែលរីកចម្រើនបំផុតនៅក្នុងអាស៊ីបាស៊ីហ្វិច (APAC) ហើយយើងខ្ញុំប្ដេជ្ញាចំពោះព្រះរាជាណាចក្រមួយនេះ ដោយបង្កើតក្រុមការងារក្នុងស្រុកដើម្បីនៅក្បែរ ព្រមទាំងចុះដល់កន្លែងធនាគារដែលជាដៃគូនីមួយៗភ្លាម នៅពេលដែលពួកគាត់ត្រូវការយើងជាជំនួយ។
SmartVista នឹងផ្ដល់នូវប្រព័ន្ធបច្ចេកវិទ្យានាំមុខគេ ដែលធនាគារភីភីស៊ីប៊ែង កំពុងស្វែងរកដោយផ្ដល់ជូនធនាគារនេះនូវគុណភាពសេវាកម្មដល់អតិថិជនរបស់ខ្លួននៅគ្រប់តម្រូវការទាំងអស់។ យើងខ្ញុំសង្ឃឹមថានឹងបន្តកិច្ចសហប្រតិបត្តិការរបស់យើងកាន់តែជិតស្និទ្ធបន្តទៀតជាមួយនឹងធនាគារ ភីភីស៊ីប៊ែង ដោយជួយលើកកម្ពស់បទពិសោធនូវភាពកាន់តែងាយស្រួលក្នុងការប្រើប្រាស់សេវាធនាគារ ពីសំណាក់អតិថិជនខ្លួន និងអាចសម្រេចដោយជោគជ័យ និងរីកចម្រើនតាមយុទ្ធសាស្ត្ររបស់ខ្លួនផងដែរ»៕
អំពីធនាគារ ភីភីស៊ីប៊ែង
ដោយបានចុះបញ្ជីនៅក្នុងប្រទេសនៅក្នុងខែកញ្ញា ឆ្នាំ ២០០៨ ធនាគារ ភីភីស៊ីប៊ែង គឺជាធនាគារដែលមានម្ចាស់ជាជនជាតិកូរ៉េ ជាបុត្រសម្ព័ន្ធមួយរបស់ក្រុមហ៊ុនហិរញ្ញវត្ថុកូរ៉េខាងត្បូងឈ្មោះ South Korean JB Financial Group និង ក្រុមហ៊ុន OK Financial Group។ ធនាគារ ភីភីស៊ីប៊ែង ធ្វើប្រតិបត្តិការនៅទូទាំងកម្ពុជា តាមរយៈសាខាទាំង ១៦ របស់ខ្លួននៅក្នុងរាជធានី-ភ្នំពេញ និង សាខាចំនួន ៧ ទៀតនៅតាមបណ្ដាខេត្តធំៗ ក្រៅពីនេះធនាគារក៏មានទូ ATM របស់ខ្លួនចំនួន ៦៥ គ្រឿងផងដែរ។
ធនាគារ ភីភីស៊ីប៊ែង ផ្ដល់នូវផលិតផលធនាគារ និងសេវាធនាគារពេញលេញរាប់ចាប់ពីការដាក់ប្រាក់ ការផ្ដល់កម្ចីរហូតដល់កម្មវិធីឌីជីថលទំនើបលើទូរស័ព្ទចល័ត សេវាសម្រាប់ក្រុមហ៊ុន តាមអ៊ីនធឺណិត «smartBiz» និងសេវា «Mobile Teller» របស់ខ្លួន សម្រាប់ការពិភាក្សាយោបល់នៅតាមសាខា និងពីចម្ងាយជាដើម។ល។
នៅក្នុងឆ្នាំ ២០២០ ធនាគារ ភីភីស៊ីប៊ែង បានចុះបញ្ជីលក់មូលបត្រអាជីវកម្មរបស់ខ្លួននៅក្នុងទីផ្សារមូលបត្រកម្ពុជា។ ធនាគារ ភីភីស៊ីប៊ែង គាំទ្រយ៉ាងសកម្មដល់គំនិតផ្ដួចផ្ដើម CSR នានា ដោយក្លាយជាធនាគារទី ១ ដែលផ្ដល់នូវកម្លាំងចិត្តដល់ជនពិការត្រចៀក តាមរយៈភាពជាដៃគូរបស់ខ្លួនជាមួយនឹង «Socials Coffee» ដែលអាចរកបាននៅតាមសាខារបស់ធនាគារ ភីភីស៊ីប៊ែង។ គំនិតផ្ដួចផ្ដើមផ្សេងៗទៀតមាន ដូចជាការគាំទ្រការដោះមីនដោយអង្គការ NGO, APOPO និងកម្មវិធី «HeroRATs» របស់ខ្លួន ដែលយើងខិតខំធ្វើសកម្មភាពរួមគ្នា ដើម្បីឱ្យកម្ពុជាគ្មានគ្រាប់មីន។
សម្រាប់ព័ត៌មានបន្ថែមសូមចូលមើលលើវេបសាយ www.ppcbank.com.kh
អំពី BPC
ត្រូវបានបង្កើតឡើងនៅក្នុងឆ្នាំ ១៩៩៦, BPC បានអភិវឌ្ឍខ្លួនឥតឈប់ឈរទៅតាមពេលវេលាក្នុងការផ្ដល់នូវដំណោះស្រាយប្រកបដោយគំនិតច្នៃប្រឌិត និងល្អជាងគេក្នុងចំណោមប្រព័ន្ធបច្ចេកវិទ្យាដែលជាប់ចំណាត់ថ្នាក់នានា ដើម្បីឆ្លើយតបទៅនឹងរបៀបរបបរស់នៅរបស់អតិថិជន ក្នុងសម័យបច្ចុប្បន្ននេះ នៅពេលប្រើប្រាស់សេវាធនាគារ ពេលទិញអីវ៉ាន់ ឬក៏ពេលផ្លាស់លំនៅទាំងនៅក្នុងទីក្រុង និងនៅតំបន់ជនបទជាដើម ដោយវាអាចផ្សារភ្ជាប់ជាមួយនឹងជីវិតពិត និងពិភពឌីជីថលបានភ្លាមៗ។
ជាមួយនឹងអតិថិជនចំនួន ៣៥០ ស្ថាប័ន នៅក្នុងចំណោមប្រទេសចំនួន ៩៥ នៅលើសាកលលោក BPC បានធ្វើសហប្រតិបត្តិការជាមួយនឹងតួអង្គការពារបរិស្ថានសំខាន់ៗជាច្រើនរាប់ចាប់តាំងពី ធនាគារស្រទាប់ទីមួយរហូតដល់ធនាគារតាមអនឡាញពីអ្នកផ្ដល់សេវាទូទាត់ប្រាក់ (PSPs) រហូតដល់អ្នកទូទាត់ប្រាក់ធំៗពីក្រុមហ៊ុនយក្សខាងធ្វើពាណិជ្ជកម្មតាមអនឡាញទៅអ្នកជំនួញថ្មីថ្មោង និងពីស្ថាប័នគ្រប់គ្រងទៅក្រុមហ៊ុនដឹកជញ្ជូនក្នុងស្រុក ជាដើម។ល។
ក្រៅពីនេះ ថ្នាលបច្ចេកវិទ្យា SmartVista របស់ BPC ក៏មានផ្ទុកនូវសេវាធនាគារទំនើបៗ កិច្ចការពាណិជ្ជកម្ម និងដំណោះស្រាយចល័តនានាផងដែរ រួមមានសេវាធនាគារតាមប្រព័ន្ធឌីជីថល សេវា ATM & switching ការទូទាត់ប្រាក់ ការគ្រប់គ្រងកាត និងការទប់ទល់នឹងការបោកប្រាស់ ការផ្ដល់សេវាហិរញ្ញវត្ថុ បច្ចេកវិទ្យាសម្រាប់អាជីវករតូចតាច ការដឹកជញ្ជូន និងដំណោះស្រាយសម្រាប់ទីក្រុងឆ្លាតវៃ៕
សូមចូលមើលវែបសាយ www.bpcbt.com