.jpg)
ការរចនាខាងក្នុងពន្លាជាតិអ៊ីតាលីសម្រាប់ព្រឹតិ្តការណ៍ពិព័រណ៍ពាណិជ្ជកម្ម ២០២០ នៅទីក្រុងឌូបៃ។ AFP
ទីក្រុងឌូបៃៈ ប្រទេសអេមីរ៉ាតអារ៉ាប់រួម បានប្រកាសថាខ្លួននឹងបន្តចេញទិដ្ឋការដល់អ្នកទេសចរទាំងអស់ដែលបានចាក់វ៉ាក់សាំងការពារជំងឺកូវីដ ១៩ ចាប់ពីថ្ងៃចន្ទមួយខែ មុនពេលទីក្រុងឌូបៃធ្វើជាម្ចាស់ផ្ទះនៃពិព័រណ៍ពាណិជ្ជកម្ម ២០២០។
ការសម្រេចនេះកើតមានចំពេលមានការធ្លាក់ចុះការឆ្លងវីរុសកូរ៉ូណាក្នុងប្រទេសអ្នកមានដោយសារប្រេង បន្ទាប់ពីខ្លួនបានរាយការណ៍ពីការឆ្លងតិចជាង ១ ០០០ នាក់ ក្នុងមួយថ្ងៃជាលើកដំបូង ក្នុងរយៈពេលជាច្រើនខែ។
ភ្នាក់ងារព័ត៌មាន WAM ផ្លូវការរបស់អារ៉ាប់រួមបានរាយការណ៍នៅថ្ងៃសៅរ៍ថា ការសម្រេចចិត្តរបស់រដ្ឋាភិបាលអេមីរ៉ាតអារ៉ាប់រួម ដើម្បីទា្វររបស់ខ្លួនស្វាគមន៍ទេសចរពីគ្រប់ប្រទេសត្រូវបានចេញ ដើម្បីសម្រេចបាននូវការងើបឡើងប្រកបដោយនិរន្តរភាពនិងកម្ចីសេដ្ឋកិច្ច។
អ្នកដែលមានសិទ្ធិនឹងត្រូវចាក់វ៉ាក់សាំងការពារមួយក្នុងចំណោមវ៉ាក់សាំងកូវីដ ១៩ ដែលបានអនុម័តដោយអង្គការសុខភាពពិភពលោកដែលរួមមាន AstraZeneca, Johnson & Johnson, Moderna, Pfizer/BioNTech, Sinopharm និង Sinovac។
សេចក្តីរាយការណ៍បានអះអាងថា៖ «ការសម្រេចនេះត្រូវអនុវត្តចំពោះប្រជាពលរដ្ឋគ្រប់ប្រទេសទាំងអស់ រួមទាំងអ្នកទាំងឡាយដែលមកពីប្រទេសដែលបានហាមឃាត់កាលពីលើកមុន»។
សេចក្តីរាយការណ៍បន្ថែមថា៖ «អ្នកដំណើរមកដល់ដោយទិដ្ឋាការទេសចរណ៍ ត្រូវតែឆ្លងកាត់តេស្តរកមេរោគនៅព្រលានយន្តហោះជាកំហិត»។
ខណៈដែលការរស់នៅក្នុងប្រទេសត្រឡប់ទៅរកភាពធម្មតាវិញភាគច្រើន ចំពេលការីករាលដាលកូវីដ ប្រទេសអារ៉ាប់រួមអនុវត្តការគ្រប់គ្រងតឹងរ៉ឹងលើការពាក់ម៉ាស់និងគម្លាតសង្គម។
ទីក្រុងឌូបៃកាលពីឆ្នាំមុន ដែលត្រូវរៀបចំពិព័រណ៍ពាណិជ្ជកម្មឌូបៃ ២០២០ រយៈពេល ៦ ខែ បានពន្យាពេល១ឆ្នាំដោយសារវិបត្តិសុខភាព ហើយពេលនេះបានកំណត់បើកដំណើរការពិព័រណ៍នៅក្នុងខែតុលា ដើម្បីទាក់ទាញអ្នកទស្សនារាប់លាននាក់ និងបង្កើនកំណើនសេដ្ឋកិច្ច។
ដោយពឹងផ្អែកខ្លាំងលើវិស័យទេសចរណ៍ ប្រទេសអារ៉ាប់រួមជាទិសដៅដំបូងបំផុត១ដែលបើកទ្វារប្រទេសដល់អ្នកដំណើរ ទទួលទេសចរក្នុងខែកក្កដាឆ្នាំមុន គឺប៉ុន្មានប៉ុន្មានខែប៉ុណ្ណោះ បន្ទាប់ពីការីករាលបានចាប់ផ្តើម៕ AFP/RR
