ទីក្រុងប្រ៊ុចសែលៈ សហភាពអឺរ៉ុបនៅថ្ងៃចន្ទបានផ្តល់យោបល់ឲ្យរដ្ឋជាសមាជិករបស់ខ្លួនដាក់ការរឹតបន្តឹងជាថ្មីលើការធ្វើដំណើរចំពោះអ្នកទេសចរអាមេរិក ដោយបារម្ភចំពោះការឆ្លងកូវីដដែលកើនក្នុងប្រទេសនេះ។
ក្រុមប្រឹក្សាអឺរ៉ុបដែលតំណាងឲ្យរដ្ឋាភិបាល ២៧ ប្រទេសរបស់ប្លុកនេះបានឲ្យដឹងថា ខ្លួនបានជម្រើសដែនដី ៦ ពីបញ្ជីនៃទីតាំងដែលបានលើកលែងពីការរឹតត្បិតលើការធ្វើដំណើរមិនចាំបាច់ អំឡុងពេលនៃការរីករាលដាលវីរុសកូរ៉ូណា។
សេចក្តីថ្លែងការណ៍បាននិយាយថា៖ «ប្រទេសអ៊ីស្រាអែល កូសូវ៉ូ លីបង់ ម៉ុងតេណេក្រូ សាធារណៈរដ្ឋម៉ាសេដូនៀខាងជើង និង សហរដ្ឋអាមេរិកត្រូវបានដកចេញពីបញ្ជីរបស់ខ្លួន។
ការសម្រេចថ្មីនេះមិនមានកាតព្វកិច្ចលើរដ្ឋធានីរបស់ប្រទេសដែលអាចជ្រើសរើសអនុញ្ញាតឱ្យអ្នកទេសចរអាមេរិកដែលបានចាក់វ៉ាក់សាំងពេញលេញចូលទស្សនាទេ ទោះបីជាមានការព្រួយបារម្ភអំពីការកើនឡើងនៃករណីកូវីដនៅក្នុងប្រទេសនោះក៏ដោយ។
ប៉ុន្តែសមាជិកអឺរ៉ុបភាគច្រើនបានធ្វើតាមការណែនាំការធ្វើដំណើររបស់ទីក្រុងប្រ៊ុចសែល អំឡុងពេលមានវិបត្តិរហូតដល់ពេលនេះ។
សេចក្តីថ្លែងការណ៍បានលើកឡើងថា៖ «នេះគ្មានការរើសអើងចំពោះលទ្ធភាពសម្រាប់ប្រទេសជាសមាជិកក្នុងការដកការរឹតបន្តឹងបណ្តោះអាសន្នលើការធ្វើដំណើរដែលមិនចាំបាច់ទៅកាន់សហភាពអឺរ៉ុបសម្រាប់អ្នកដំណើរដែលបានចាក់វ៉ាក់សាំងពេញលេញ»។
ការធ្វើដំណើរមិនចាំបាច់ទៅកាន់តំបន់នេះពីប្រទេសខាងក្រៅសហភាពអឺរ៉ុប និងប្រទេសមានទំនាក់ទំនង ៨ ផ្សេងទៀត ដូចជា អ៊ីស្លង់ (Iceland),លីចតេនសៀន (Lichtenstein), ន័រវែស (Norway), ស្វីស (Switzerland), អង់ដូរ៉ា (Andorra), ម៉ូណាកូ (Monaco), សាន់ ម៉ារីណូ ( San Marino) និង បុរីវ៉ាទីកង់ (Vatican) ត្រូវបានរឹតត្បិត។
ទោះបីជាបែបណា ប្រទេសមួយចំនួន និងដែនដីអធិបតេយ្យខ្លះទៀតបានលើកលែងពីបញ្ជីរឹតត្បិតនេះ ប៉ុន្តែចំនួនអ្នកដំណើរធ្លាក់ចុះក្នុងខែថ្មីៗនេះ ហើយឥឡូវនេះរួមមានសមាជិក ១៧ ប៉ុណ្ណោះ បូកប្រទេសចិន ប្រសិនទីក្រុងប៉េកាំងយល់ព្រមទៅវិញទៅមក។
សហភាពអឺរ៉ុបបានផ្តល់អនុសាសន៍ឲ្យរដ្ឋជាសមាជិករបស់ខ្លួនលើកលែងការរិតត្បិតលើការធ្វើដំណើរមិនចាំបាច់ពីអាមេរិកក្នុងខែមិថុនា នៅមុខរដូវកើនឡើងភ្ញៀវទេសចរក្នុងរដូវក្តៅ។
ការសម្រេចចិត្តនោះបានកើតមានឡើងពេលសហរដ្ឋអាមេរិក កំពុងបោះជំហានធំមួយជាមួយកម្មវិធីចាក់វ៉ាក់សាំងរបស់ខ្លួន។
ចំនួនករណីឆ្លងក្នុងប្រទេសចាប់តាំងពីនោះមកបានកើនឡើងពេលដែលវីរុសបំប្លែងថ្មីឆ្លងរហ័ស Delta បានរីករាលដាលយ៉ាងលឿនហើយប្រជាជនមួយចំនួនធំបានបដិសេធមិនទទួលថ្នាំបង្ការ។
ក្រុមហ៊ុនអាកាសចរណ៍ជាច្រើនរបស់អាមេរិកបានថ្កោលទោសចំពោះការសម្រេចចុងក្រោយពីទីក្រុងប្រ៊ុចសែល ដោយទទួចថា ខ្លួនរក្សាគោលជំហរជជែកជាមួយរដ្ឋជាសមាជិកដើម្បីធ្វើអាទិភាពសុវត្ថិ និងសុខុមាលភាពសម្រាប់អ្នកដំណើរទាំងអស់៕ RR