.jpg)
អ្នកដំណើរនៅលើកំពុងជិះរថភ្លើងនៅក្រុងប៉េកាំង។ រូបភាព: AFP
ទីក្រុងប៉េកាំងៈ ទិន្នន័យចេញផ្សាយនៅថ្ងៃអង្គារ៍នេះ បង្ហាញឲ្យឃើញថា វិស័យសេវាកម្មរបស់ប្រទេសចិនធ្លាក់ចុះក្នុងខែសីហា ដែលជាការធ្លាក់ចុះលើកដំបូងចាប់តាំងពីការចាប់ផ្តើមនៃការរីករាលដាល ខណៈដែលសកម្មភាពរបស់រោងចក្រធ្លាក់ចុះយឺតបន្ថែមទៀត ពេលដែលការទប់ស្កាត់ការធ្វើដំណើរបណ្តាលមកពីវីរុសកូរ៉ូណាក្នុងប្រទេសបានវាយប្រហារតម្រូវការសម្រាប់មធ្យោបាយធ្វើដំណើរ និងទេសចរណ៍។
ការិយាល័យស្ថិតិជាតិ (NBS) បាននិយាយថាសន្ទស្សន៍អ្នកគ្រប់គ្រងការទិញ (PMI) មិនមែនផលិតកម្មដែលជារង្វាស់សំខាន់នៃសកម្មភាពនៅក្នុងវិស័យសេវាកម្ម និងសំណង់របស់ប្រទេសចិនបានធ្លាក់ចុះមកត្រឹម ៤៧,៥ ក្នុងខែសីហាពីចំនួន ៥៣,៣ កាលពីខែកក្កដា។
សន្ទស្សន៍គ្រប់គ្រងការទិញផ្នែកកម្មន្តសាល ការវាស់វែងសកម្មភាពរោងចក្រធ្លាក់មកនៅត្រឹម ៥០,១ ក្នុងខែសីហាពី ៥០,៤ កាលពីខែកក្កដា។ ការវាស់វែងមានកម្រិតលើ ៥០ បង្ហាញពីការកើនឡើង ខណៈដែលក្រោមនោះជាតួលេខធ្លាក់ចុះ។
ការងើបឡើងវិញសេដ្ឋកិច្ចរបស់ប្រទេសចិនត្រូវបានប្រឈមការស្រុតចុះនៅរដូវក្តៅ ដោយសារការផ្ទុះឡើងនៃមេរោគឆ្លងដ៏ធំបំផុតនៅក្នុងប្រទេសចិនអស់រយៈពេលជាច្រើនខែ ដោយសារអាជ្ញាធរបានបិទការធ្វើដំណើររាប់លាននាក់ និងទប់ស្កាត់ការធ្វើដំណើរក្នុងកំឡុងពេលទេសចរណ៍រដូវក្តៅ។
លោក Zhao Qinghe អ្នកស្ថិតិជាន់ខ្ពស់នៃ NBS បាននិយាយថា ខណៈពេលដែលសកម្មភាពសាងសង់កើនឡើងល្បឿនក្នុងខែសីហា វិស័យសេវាកម្មបានធ្លាក់ចុះក្រោមកម្រិតមធ្យមភាគ។
នេះជាការធ្លាក់ចុះវិស័យមិនមែនកម្មន្តសាលលើកដំបូងដែលបានកត់ត្រា ចាប់តាំងពីខែកុម្ភៈឆ្នាំ ២០២០ ពេលដែលការបិទខ្ទប់ដោយសារកូវីដ ១៩ ធ្វើឱ្យសេដ្ឋកិច្ចទី ២ របស់ពិភពលោកធ្លាក់ចុះ។
លោក Zhao បាននិយាយថា៖ «ការរីករាលដាលបានទាញទម្លាក់តម្រូវការចំពោះឧស្សាហកម្មសេវាដែលទាក់ទងការប្រាស្រ័យទាក់ទងគ្នា និងការជួបជុំ»។ លោក បន្ថែមថា វាបានប៉ះពាល់ដល់ឧស្សាហកម្មជាច្រើន រួមទាំងការដឹកជញ្ជូន ភោជនីយដ្ឋានចល័ត វប្បធម៌ និង ការកំសាន្ត។
អ្នកនាង And Liu Peiqian នៃក្រុមហ៊ុន Natwest Markets បាននិយាយថា ជាថ្មីម្តងទៀត ទិន្នន័យឆ្លុះបញ្ចាំងពីភាពតក់ស្លុតខ្លាំងលើវិស័យសេវាកម្មពីការរឹតត្បិតទាក់ទងនឹងកូវីដ»។
អ្នកនាងនិយាយថា ខណៈពេលដែលតួលេខឆ្លងថ្មីទាំងត្រូវបានគ្រប់គ្រងបាន ការកើនឡើងថ្មីបែបនេះក្នុងពេលអនាគតទំនងប៉ះពាល់ដល់វិស័យសេវាកម្ម៕ RR
