ទីក្រុងម៉ានីលៈ អាកាសចរណ៍ហ្វីលីពីនបានឲ្យដឹងនៅថ្ងៃសៅរ៍ថា ខ្លួនបានដាក់ពាក្យប្រកាសក្ស័យធននៅសហរដ្ឋអាមេរិក ដើម្បីកាត់បន្ថយបំណុល ២ ពាន់លានដុល្លារ ពេលដែលខ្លួនព្យាយាមបន្តជីវិតអាជីវកម្ម ដែលលេបត្របាក់ដោយការរីករាលដាលវីរុសកូរ៉ូណា។
អាកាសចរណ៍ជាតិហ្វីលីពីនបានឲ្យដឹងថា ការដាក់ពាក្យនឹងអនុញ្ញាតឲ្យខ្លួនរៀបចំកិច្ចសន្យាឡើងវិញ និងកាត់បំណុលយ៉ាងហោច ២ ពាន់លានដុល្លារ ខណៈពេលដែលដែលទទួលបានមូលនិធិថ្មីចំនួន ៦៥៥ លានដុល្លារ ពេលដែលខ្លួនរួមបញ្ចូលគ្នាពីដំណើរការ ១១ ជំពូក។
អាកាសចរណ៍ហ្វីលីពីនក៏នឹងទម្លាក់ជើងហោះហើរដែលធ្លាប់មានត្រឹម ២៥ ភាគរយ និងកិច្ចសន្យាចរចាឡើងវិញ ដើម្បីកាត់បន្ថយការចំណាយលើការជួល។
លោក Nilo Thaddeus Rodriguez អនុបប្រធានជាន់ខ្ពស់ និងប្រធានផ្នែកហិរញ្ញវត្ថុនៃក្រុមហ៊ុននេះ បាននិយាយថា៖ «អាកាសចរណ៍ហ្វីលីពីននឹងបន្តប្រតិបត្តិការអាជីវកម្មធម្មតា ខណៈបញ្ចប់ការរៀបចំហេដ្ឋារចនាសម្ព័ន្ធនៃបណ្តាញជើងហោះហើរ និងអង្គការលេខរបស់យើង»។
លោក Rodriguez បាននិយាយថា ជាផ្នែក ១នៃកិច្ចព្រមព្រៀងដែលបានសម្រេចជាមួយអ្នកផ្គត់ផ្គង់ អ្នកផ្តល់ប្រាក់កម្ចី និងអ្នកជួល ក្រុមហ៊ុននេះនឹងធានាបាននូវទឹកប្រាក់ ៥០៥ លានដុល្លារ ដើម្បីប្រតិបត្តិការផែនការស្តារឡើងវិញ។ ទឹកប្រាក់នឹងប្រែក្លាយទៅជាភាគហ៊ុនរបស់ក្រុមហ៊ុន និងកម្ចីរយៈពេលវែង។
លោក Rodriguez បាននិយាយថា ក្រុមហ៊ុនក៏នឹងទទួលបានផងដែរនូវទឹកប្រាក់ ១៥០ លានដុល្លារជាមូលនិធិបំណុល បន្ទាប់ពីខ្លួនបានបញ្ចូលគ្នាពីដំណើរការររៀបចំឡើងវិញ «ក្នុងរយៈពេលប៉ុន្មានខែ»។
លោក Gilbert Santa Maria ប្រធានក្រុមហ៊ុនអាកាសចរណ៍ហ្វីលីពីន បាននិយាយថា ទំហំនៃការធ្វើដំណើរតាមផ្លូវអាកាសបានធ្លាក់ចុះរហូតដល់ ៧៥ ភាគរយពីអ្នកដំណើរប្រហែល ៣០ លាននាក់ក្នុងឆ្នាំ ២០១៩ មកនៅត្រឹមតែ ៧ លាននាក់កាលពីឆ្នាំមុន ដោយសារការរឹតត្បិតដោយសារការរីករាលដាលជំងឺឆ្លង។
ក្រុមហ៊ុននេះបានលុបចោលការហោះហើរជាង ៨០ ០០០ ជើង ដែលបាត់បង់ចំណូល ២ ពាន់លានដុល្លារ និងកាត់បន្ថយបុគ្គលិក ២ ៣០០ នាក់។
ភាគហ៊ុនិកធំបំផុតរបស់ក្រុមហ៊ុនបានចាក់បញ្ចូលសាច់ប្រាក់ជាង ១៣០ លានដុល្លារជាសន្ទនីយភាពគ្រាអាសន្ន និងទ្រព្យសម្បត្តិមិនស្ថិតនៅក្នុងចំណុចយុទ្ធសាស្រ្តត្រូវបានលក់បានជាង ៧០ លានដុល្លារ។
លោក Santa Maria បាននិយាយថា ក្រុមហ៊ុនអាកាសចរណ៍ពេលនេះប្រតិបត្តិការការហោះហើរតឹ្រមតែ ២១ ភាគរយធៀបនឹងការហោះហើរនៅកម្រិតមុនការរីករាលដាលដល់ ៧០ ភាគរយនៃគោលដៅហោះហើរធម្មតា៕ RR