.jpg)
តួកុងតឺន័រត្រៀបត្រានៅកំពង់ផែ Yantian ក្នុងទីក្រុងស៊ីនជិននៃខេត្ត Guangdong ប្រទេសចិន។ AFP
ទីក្រុងប៉េកាំងៈ ទិន្នន័យចេញផ្សាយនៅថ្ងៃព្រហស្បតិ៍នេះបានបង្ហាញថា នីហរ័ណ និងអាហរ័ណរបស់ចិនរីករាយជាមួយកំណើនដូចការព្យាករក្នុងខែសីហា ដោយមានតម្រូវការរថយន្ត គ្រឿងអេឡិចត្រូនិក និងទំនិញប្រើប្រាស់កើនឡើង ខណៈការងើបឡើងវិញវីរុសកូរ៉ូណាត្រូវបានទាញទម្លាក់មកវិញ។
ព័ត៌មាននេះបានកើតឡើង បន្ទាប់ពីតួលេខថ្មីៗដែលខ្សោយដែលបានបង្ហាញថា ការងើបឡើងវិញនៃសេដ្ឋកិច្ចរបស់ប្រទេសដែលមានសេដ្ឋកិច្ចធំបំផុតទី ២ របស់ពិភពលោកនេះបានធ្លាក់ចុះ ដោយសារតែការកើនឡើងនៃវីរុសបំប្លែង Delta ដែលបានបង្ខំឱ្យប្រទេសខ្លះដាក់ចេញវិធានការទប់ស្កាត់តឹងរ៉ឹង និងប៉ះពាល់ដល់អារម្មណ៍អ្នកប្រើប្រាស់។
តួលេខនេះក៏កើតឡើងទោះបីជាមានការបិទកំពង់ផែធំៗបណ្តាលមកពីការផ្ទុះឡើងវីរុស ដែលអ្នកអង្កេតការណ៍បានរំពឹងប៉ះពាល់ដល់ការនាំចេញ។
យោងតាមរដ្ឋបាលគយ តួលេខនីហរ័ណបានកើនឡើង ២៥,៦ ភាគរយធៀបនឹងខែសីហាឆ្នាំមុន ខណៈអាហរ័ណបានកើនឡើង ៣៣,១ ភាគរយ។ តួលេខនោះបានបង្ហាញពីការកើនឡើងយ៉ាងខ្លាំងធៀបខែកក្កដា ហើយប្រសើរជាងការព្យាករដែលបានស្ទង់មតិដោយ Bloomberg ដែលមានត្រឹមតែ ១៧,៣ ភាគរយ និង ២៦,៩ ភាគរយតាមលំដាប់រៀងគ្នា។
តួលេខគួរឱ្យចាប់អារម្មណ៍ត្រូវបានបង្កើនដោយការប្រៀបធៀបកម្រិតមូលដ្ឋានទាបកាលពីឆ្នាំមុន នៅពេលវីរុសកំពុងរីករាលដាលយ៉ាងឆាប់រហ័ស។
ខ្លឹមសារវិភាគរបស់ Moody កាលពីថ្ងៃចន្ទបានលើកឡើងថា នីហរ័ណត្រូវបានជួយដោយ «តម្រូវការអន្តរជាតិប្រសើរឡើងសម្រាប់ទំនិញប្រើប្រាស់»។
Iris Pang ប្រធានអ្នកសេដ្ឋកិច្ចប្រចាំមហាយក្សចិននៃក្រុមហ៊ុន ING បានបន្ថែមថា ការកើនឡើងយ៉ាងច្រើននៃការនាំចេញរថយន្តជាការសម្រេចបានដ៏អស្ចារ្យ សូម្បីតែការខ្វះខាតឧបករណ៍ពាក់កណ្តាលចម្លងជាសកលដែលបានដាក់ទម្ងន់ទៅលើឧស្សាហកម្មផលិតរថយន្ត។
នាង Iris Pang និយាយថា៖ «វាបង្ហាញថាចិនមានសមត្ថភាពផលិតកម្មសម្រាប់ឧបករណ៍ពាក់កណ្តាលចម្លង និងរថយន្តផងដែរ ហើយព្រោះហេតុដូច្នោះអាចធ្វើឲ្យការនាំចេញរបស់ខ្លួនកើនឡើង»។
រដ្ឋបាលគយបានឲ្យដឹងក្នុងសេចក្តីថ្លែងការណ៍ថា ការនាំចេញផលិតផលអេឡិចត្រូនិកបានកើនឡើងជាង ៨ ខែ។
ទន្ទឹមនឹងនោះដែរ គយបាននិយាយថា ការនាំចូលត្រូវបានជំរុញដោយការងើបឡើងតម្លៃផលិតផលប្រើប្រាស់ដូចជា រ៉ែដែក ប្រេង ធ្យូង ដែលទូទាត់ការធ្លាក់ចុះនៃបរិមាណទំនិញចូលក្នុងប្រទេស។
អតិរេកពាណិជ្ជកម្មចិនកើតមាន ៥៨,៣ ពាន់លានដុល្លារកើនឡើង ២,២ ភាគរយធៀបរយៈពេលដូចគ្នានៃឆ្នាំមុន និងខ្ពស់ជាងការរំពឹងទុកដែលមានតែ ៥៣,២ ពាន់លានដុល្លារ៕ RR
