ទីក្រុងហុងកុងៈ Dongfeng ដែលជាក្រុមហ៊ុនផលិតរថយន្តគ្រប់គ្រងដោយរដ្ឋរបស់ប្រទេសចិនបានឲ្យដឹងនៅថ្ងៃពុធនេះថា ខ្លួនបានលក់ក្រុមហ៊ុន Stellantis ក្រុមហ៊ុនផលិតរថយន្តលំដាប់ពិភពលោកក្នុងតម្លៃប្រហែល ៦០០ លានអឺរ៉ូ (៧១០ លានដុល្លារ) ដែលស្មើនឹងភាគហ៊ុន ១,១៥ ភាគរយ។
នៅក្នុងសេចក្តីថ្លែងការណ៍ផ្ញើទៅកាន់ផ្សារមូលបត្រទីក្រុងហុងកុង ក្រុមហ៊ុន Dongfeng បាននិយាយថា ខ្លួនបានលក់ភាគហ៊ុននៅក្រុមហ៊ុន Stellantis ក្នុងតម្លៃ ៣៦,១ លានអឺរ៉ូ ដោយតម្លៃ ១៦,៦៥ អឺរ៉ូក្នុងមួយហ៊ុន។
ក្រុមហ៊ុន Stellantis ជាក្រុមហ៊ុនផលិតរថយន្តអាមេរិក-អឺរ៉ុប ដែលត្រូវបានបង្កើតឡើងរួមគ្នារវាងក្រុមហ៊ុនផលិតរថយន្តរបស់បារាំង Peugeot និង ក្រុមហ៊ុនផលិតរថយន្តអាមេរិក-អ៊ីតាលី Fiat Chrysler កាលពីដើមឆ្នាំនេះ ដែលរួមមាន Alfa Romeo, Jeep និង Maserati
ក្រុមហ៊ុនផលិតរថយន្ត Dongfeng ដែលមានស្នាក់ការកណ្តាលនៅទីក្រុងវូហាននៅភាគកណ្តាលប្រទេសចិន ជាអតីតៈវិនិយោគិននៃក្រុមហ៊ុនផលិតរថយន្តម៉ាក Peugeot របស់បារាំង និងត្រូវបានតម្រូវឲ្យលក់នូវភាគហ៊ុននៅចុងឆ្នាំ ២០២២ ជាផ្នែកមួយនៃកិច្ចព្រមព្រៀងរួមបញ្ចូលគ្នា។
ក្រុមហ៊ុននេះនៅតែរក្សាភាគហ៊ុនប្រហែល ៤,៥ ភាគរយក្នុងក្រុមហ៊ុន Stellantis។
សេចក្តីថ្លែងការណ៍មិនបានលើកឡើងថាតើក្រុមហ៊ុនណាដែលជាអ្នកទិញភាគហ៊ុនដែលលក់ចេញដោយ Dongfeng នោះទេ៕ RR