.jpg)
រថយន្តអគ្គិសនីប្រភេទ FV e34 ដែលអភិវឌ្ឍដោយ VinFast។ VNA
ទីក្រុងហាណូយៈ សមាគមផលិតរថយន្តវៀតណាម (VAMA) បានដាក់ចេញនូវផែនការអភិវឌ្ឍឧស្សាហកម្មរថយន្តអគ្គិសនីក្នុងប្រទេសវៀតណាម ខណៈដែលនិន្នាការរីកច្រើននៃតម្រូវការមានកម្រិតខ្ពស់សម្រាប់រថយន្តអគ្គិសនី។
ផែនការដើម្បីសិក្សាពីផែនទីបង្ហាញផ្លូវសម្រាប់ការអភិវឌ្ឍរថយន្តអគ្គិសនីនៅប្រទេសវៀតណាម ត្រូវបានពិភាក្សាអំឡុងពេលសន្និសីទតាមអនឡាញរៀបចំ ដោយសារព័ត៌មានដឹកជញ្ជូនក្នុងប្រទេសវៀតណាមក្នុងកិច្ចសហការជាមួយសមាគមផលិតរថយន្តវៀតណាម(VAMA) និង សមាគមផលិតម៉ូតូវៀតណាម (VAMM)។
គោលនយោបាយរថយន្តអគ្គិសនីរបស់វៀតណាមដើរយឺតជាងប្រទេសផ្សេងៗមួយចំនួនក្នុងតំបន់ដូចជា ប្រទេសថៃ ម៉ាឡេស៊ី និង ឥណ្ឌូនេស៊ី។ ទោះជាបែបណា ការផ្លាស់ប្តូរដ៏យឺត ប៉ុន្តែប្រាកដណាស់វានឹងកើតមានឡើងក្នុងប្រទេសនេះ។
លោក Dao Cong Quyt តំណាងសមាគម VAMA បាននិយាយថា ហេដ្ឋារចនាសម្ព័ន្ធសម្រាប់ការអភិវឌ្ឍរថយន្តអគ្គិសនីរបស់វៀតណាម ប្រហែលមិនរួចរាល់ក្នុងពេលឆាប់ៗនេះទេ។ ស្ថានីយ៍សាកអាគុយក៏មានការខ្វះខាត។ បច្ចុប្បន្ននេះ ស្ទើរតែគ្មានស្ថានីយ៍សាកអាគុយសម្រាប់រថយន្តអគ្គិសនីក្នុងប្រទេសវៀតណាម។ ផលិតកម្មថាមពល និងការផ្គត់ផ្គង់ក៏មានបញ្ហាសម្រាប់ការអភិវឌ្ឍរថយន្តអគ្គិសនីផងដែរ។
គ្រួសារភាគច្រើននៅប្រទេសវៀតណាម មិនអាចមានលទ្ធភាពដំឡើងកន្លែងបញ្ចូលអាគុយនៅតាមផ្ទះបានទេ ខណៈរឿងនេះសាមញ្ញសម្រាប់ប្រទេសជាច្រើនទៅហើយ។
ជាងនេះទៅទៀត ការផ្លាស់ប្តូរពីការផលិតរថយន្តបែបប្រពៃណីជាមួយម៉ាស៊ីនប្រើប្រាស់ប្រេងឥន្ធនៈ ទៅជារថយន្តអគ្គិសនីនឹងនាំទៅដល់ការបញ្ឈប់ផលិតកម្មនៃផ្នែករថយន្តដែលលែងប្រើប្រាស់។ ព្រោះហេតុដូច្នោះ ការផ្លាស់ប្តូរពិតប្រាកដត្រូវបានគេតម្រូវ ខណៈពេលដែលរថយន្តអគ្គិសនី និងរថយន្តបំភាយឧស្ម័នទាប គួរត្រូវបានអភិវឌ្ឍអំឡុងពេលផ្លាស់ប្តូរនេះ។
សមាគមផលិតរថយន្តវៀតណាមមានផែនការអភិវឌ្ឍឧស្សាហកម្មរថយន្តអគ្គិសនីក្នុង ៣ ដំណាក់កាលដូចខាងក្រោមនេះ។
នៅចន្លោះឆ្នាំ ២០២១-២០៣០ ឧស្សាហកម្មយានយន្តរបស់វៀតណាមនឹងកំណត់ទិសដៅផលិតរថយន្តប្រហែលមួយលានគ្រឿងគ្រប់ប្រភេទ និងម៉ាស៊ីនចំហេះខាងក្នុង (ICE) ។ ទោះយ៉ាងណាចំនួនយានយន្តអគ្គិសនីក៏នឹងកើនឡើងជាលំដាប់ផងដែរ។
រវាងឆ្នាំ ២០៣០ ដល់ ២០៤០ ការអភិវឌ្ឍរថយន្តអគ្គិសនីនឹងឃើញកំណើនកាន់តែខ្លាំង ដោយមានសមត្ថភាពផលិត ៣,៥ លានគ្រឿងក្នុងរយៈពេលនោះ។
ចាប់ពីឆ្នាំ ២០៤០ ដល់ឆ្នាំ ២០៥០ ឧស្សាហកម្មយានយន្តក្នុងស្រុកនឹងមើលឃើញការអភិវឌ្ឍ stable ប្រកបដោយស្ថិរភាពហើយបន្ទាប់មកវានឹងពោរពេញទៅដោយសមត្ថភាពផលិតពី ៤ ទៅ ៤,៥ លានគ្រឿង៕ VNS-ANN/RR
