ទីក្រុងប៉េកាំងៈ នៅពេលដែលភាពចលាច័លទីផ្សារភាគហ៊ុនប្រព័ន្ធជុំវិញក្តីព្រួយបារម្ភក្រុមហ៊ុនយក្សចិននឹងមិនអាចដោះបំណុល ប្រព័ន្ធផ្សព្វផ្សាយរដ្ឋរបស់ប្រទេសចិនបានផ្សព្វផ្សាយនៅថ្ងៃអង្គារនេះថាប្រធានក្រុមហ៊ុន Evergrande ដែលអភិវឌ្ឍនលំនៅឋានចិន និងជំពាក់បំណុលគេ បានប្រាប់បុគ្គលិកថា លោកជឿជាក់ថា ក្រុមហ៊ុនយក្សនេះនឹង «ឆ្លងរួចផុតពីគ្រាដ៏ខ្មៅងងឹតបំផុតក្នុងពេលឆាប់ៗនេះ»។
ក្រុមហ៊ុនអភិវឌ្ឍន៍អចលនទ្រព្យដែលចុះស្រអាប់បានតស៊ូ ដើម្បីលួងលោមអ្នកទិញផ្ទះ និងវិនិយោគិនដែលមានកំហឹងនៅពេលដែលខ្លួនកំពុងឈានដល់ការដួលរលំជាមួយនឹងបំណុលលើសពី ៣០០ ពាន់លានដុល្លារ។
សារព័ត៌មាន Securities Times ដែលគ្រប់គ្រងដោយរដ្ឋបានរាយការណ៍ថា លោក Xu Jiayin ដែលបង្កើតក្រុមហ៊ុននេះនៅក្នុងឆ្នាំ ១៩៩៦ បានប្រាប់បុគ្គលិកនៅក្នុងលិខិតប្រារព្ធពិធីបុណ្យពាក់កណ្តាលរដូវស្លឹកឈើជ្រុះ ថាគាត់ជឿជាក់យ៉ាងមុតមាំថា Evergrande នឹងអាចដើរចេញពីគ្រាដ៏ខ្មៅងងឹតក្នុងពេលឆាប់ៗនេះ។
លោកបានបន្តថា Evergrande នឹងបង្កើនការងារ និងផលិតកម្មពេញលេញ ធានាការប្រគលអគារ និងផ្តល់ចម្លើយប្រកបដោយការទទួលខុសត្រូវទៅកាន់អ្នកទិញផ្ទះ អ្នកវិនិយោគ ដៃគូទាំងឡាយ និងស្ថាប័នហិរញ្ញវត្ថុ។
លោកក៏បានអរគុណដល់បុគ្គលិកនៅក្នុងលិខិតចំពោះការខិតខំបំពេញការងាររបស់ពួកគេ នៅពេលប្រទេសចិនប្រារព្ធការឈប់សម្រាកសាធារណៈរយៈពេល ២ ថ្ងៃ។
លិខិតនោះបានចេញមក ពេលដែលក្តីបារម្ភនៃភាពប្រទាក់ក្រឡាគ្នានៃការធ្លាក់ចុះនៅផ្សារហ៊ុនហុងកុង និងផ្សារហ៊ុនតូក្យូនៅពេលជួញដូរពេលព្រឹក ដោយក្រុមហ៊ុនអចលនទ្រព្យផ្សេងៗទៀតក៏ស្ថិតនៅក្នុងបណ្តាញរងគ្រោះដែរ។
វិបត្តិរបស់ Evergrande បានអុជឲ្យមានការតវ៉ាដ៏កម្រនៅក្រៅការិយាល័យក្រុមហ៊ុនក្នុងប្រទេសចិនដោយក្រុមអ្នកវិនិយោគ និងអ្នកផ្គត់ផ្គង់ដែលទាមទារប្រាក់របស់ពួកគេ ដោយអ្នកខ្លះក្នុងចំណោមនោះអះអាងថា ពួកគេត្រូវក្រុមហ៊ុនជំពាក់ច្រើនរហូតដល់ ១ លានដុល្លារ។
ក្រុមហ៊ុនបានសារភាពនៅដើមខែនេះថា ខ្លួនបានស្ថិតនៅក្រោមសម្ពាធដ៏ខ្លាំងក្លា និងប្រហែលមិនមានលទ្ធភាពដើម្បីបំពេញតាមការសន្យារបស់ខ្លួននោះទេ៕ RR