The Phnom Penh Post Search

Search form

Logo of Phnom Penh Post newspaper Phnom Penh Post - កសស បន្ធូរបន្ថយ​រយៈពេល​ស្តុកកុងតឺន័រ




កសស បន្ធូរបន្ថយ​រយៈពេល​ស្តុកកុងតឺន័រ

Content image - Phnom Penh Post
ទិដ្ឋភាពកុងតឺន័រដែលស្តុកទុកនៅកំពង់ផែស្វយ័តក្រុងព្រះសីហនុ នាពេលកន្លងមក។

កសស បន្ធូរបន្ថយ​រយៈពេល​ស្តុកកុងតឺន័រ

ភ្នំពេញៈ កំពង់ផែ​ស្វយ័ត​ក្រុង​ព្រះសីហនុ (កសស) បាន​សម្រេច​ការ​កែសម្រួល​រយៈពេល​ស្តុក​កុងតឺន័រ​នាំចេញ​នៅ​កំពង់ផែ​ស្វយ័ត​ក្រុង​ព្រះសីហនុ ​ដោយ​មិន​គិត​ថ្លៃ​រហូតដល់​រយៈពេល ១ សប្តាហ៍ ដែល​នឹង​អនុវត្ត​នៅ​ខែ​ក្រោយ​នេះ​តទៅ។

សេចក្តី​ជូន​ដំណឹង​របស់​កំពង់ផែ​ស្វយ័ត​ក្រុង​ព្រះសីហនុ​បាន​ឱ្យដឹង​ថា ​សេចក្តី​សម្រេច​នេះ គឺ​យោង​តាម​ស្មារតី​អង្គប្រជុំ​រវាង កសស ​និង​តំណាង​ក្រុមហ៊ុន​នាវា​ កាលពី​ថ្ងៃទី ៣០​ ខែ សីហា​ ឆ្នាំ ២០២១​ កន្លងមក។​

សេចក្តី​ជូនដំណឹង​ចុះហត្ថលេខា​ដោយ​ លោក ថៃ ឫទ្ធី អគ្គនាយករង កសស បន្តថា ដើម្បី​ចូលរួម​ចំណែក​ក្នុង​កិច្ច​សម្របសម្រួល​ពាណិជ្ជកម្ម​ក្នុង​វិស័យ​ដឹកជញ្ជូន និង​ភ័ស្តុភារកម្ម​ ក្នុង​គោលដៅ​សម្រួល​ដល់​ការ​ធ្វើ​ធុរៈកិច្ច​ និង​ការ​ធ្វើ​ពាណិជ្ជកម្ម​របស់​ធុរជន ​កំពង់ផែ​ស្វយ័ត​ក្រុង​ព្រះសីហនុ​ សូម​ធ្វើ​ការ​កែ​សម្រួល​រយៈពេល​ស្តុក​កុងតឺន័រ​នាំចេញ ពីការ​អនុគ្រោះ​មិន​គិត​ថ្លៃ​ស្តុក​ក្នុង​រយៈពេល ៥ថ្ងៃ មក​អនុគ្រោះ​មិន​គិត​ថ្លៃ​ស្តុក​ក្នុង​រយៈ​ពេល​ ៧ថ្ងៃ គិតចាប់​ពីថ្ងៃ​ដែល​កុងតឺន័រ​ចូល​ដល់​ទីលាន​រហូត​ដល់​ថ្ងៃ​នាវា​ចេញ​ដំណើរ​។

ប៉ុន្តែ​ប្រសិនបើ ​ហួស​ពី​រយៈពេល​កំណត់​ខាង​លើ​ចាប់ពី​ថ្ងៃទី៨ គឺ​គិតថ្លៃ​ស្តុក​ចំនួន ១ ថ្ងៃ ​និង​កំណើន​ជា​លំដាប់​តាម​ចំនួន​ថ្ងៃ​ស្តុក។ ចំពោះ​រយៈពេល​ស្តុក​កុងតឺន័រ​ កែសម្រួល​ថ្មីនេះ ​នឹង​ត្រូវ​អនុវត្ត​ចាប់ពី​ថ្ងៃទី ០១ ខែ តុលា ឆ្នាំ ២០២១ តទៅ៕

អត្ថបទគួរចាប់អារម្មណ៍