The Phnom Penh Post Search

Search form

Logo of Phnom Penh Post newspaper Phnom Penh Post - ក្រុមហ៊ុន ២ ទទួល​វិញ្ញាបនបត្រ​បញ្ជាក់​ស្តង់ដា ហាឡាល




ក្រុមហ៊ុន ២ ទទួល​វិញ្ញាបនបត្រ​បញ្ជាក់​ស្តង់ដា ហាឡាល

Content image - Phnom Penh Post
លោក អូស្មាន ហាស្សាន់ អនុប្រធានគណៈកម្មការត្រួតពិនិត្យផលិតផលហាទ្បាលកម្ពុជា ធ្វើទស្សន:កិច្ចការងារហាទ្បាលនៅក្រុមហ៊ុន LYLY Food Industry Co., Ltd កាលពីថ្ងៃទី ២៧ កញ្ញា។ រូបថត FN

ក្រុមហ៊ុន ២ ទទួល​វិញ្ញាបនបត្រ​បញ្ជាក់​ស្តង់ដា ហាឡាល

ភ្នំពេញៈ ក្រុមហ៊ុន​ផលិត​ទឹកដោះគោ អង្គរ ឌែរី ប្រូដាក ខូអិលធីឌី និង​ក្រុមហ៊ុន​ផលិត​នំស្រួយ លីលី ហ៊្វូដ អ៊ិនដាសទ្រី ខូ អិលធីឌី បានទទួល​វិញ្ញាបនបត្រ​បញ្ជាក់​ស្តង់ដា​ផលិតផល​ហាឡាល​ (HALAL) ​កម្ពុជា​។ នេះ​បើ​យោងតាម លោក អូស្មាន ហាស្សាន់ អនុប្រធាន​គណៈកម្មការ​ត្រួតពិនិត្យ​ផលិតផល​ហាឡាល​កម្ពុជា​។

នៅក្នុងពេល​ដឹកនាំ​ប្រតិភូ​ទៅ​ទស្សនកិច្ច​ពិនិត្យ និង​វាយតម្លៃ​ផលិតផល​ ហាឡាល​កម្ពុជា នៅ​ក្រុមហ៊ុន អង្គរ ឌែរី ប្រូដាក និង​ក្រុមហ៊ុន លីលី ហ៊្វូត កាលពី​ថ្ងៃទី​ ២៧ ខែកញ្ញា លោក អូស្មាន ហាស្សាន់ បាន​លើកឡើង​ថា អង្គរ ឌែរី ប្រូដាក គឺជា​ក្រុមហ៊ុន​ផលិត​ទឹកដោះគោ​ដ៏ធំ​មួយ​នៅ​កម្ពុជា​ដែល​បាន​បង្កើតឡើង​នៅ​ឆ្នាំ​ ២០១៣ ហើយ​បច្ចុប្បន្ន​មាន​បុគ្គលិក​ជាង ៥០០ ​នាក់​កំពុង​បម្រើការ​។ ក្រុមហ៊ុន​នេះ​ត្រូវបាន​ទទួលស្គាល់​ពី​ស្ថាប័ន​ជាតិ និង​អន្តរជាតិ​ជាច្រើន​។ លោក​ឱ្យដឹងទៀតថា ក្រុមហ៊ុន អង្គរ ឌែរី ប្រូដាក មាន​ផលិតផល​ចំនួន ១៥ ​មុខ​ក្នុងនោះ​មាន​ទឹកដោះគោឆៅ​ប្រមាណ​ជាង ៥០ ​លាន​លីត្រ និង​បាន​លក់​ក្នុង​តម្លៃ​ទាប​ជាង​ទំនិញ​របស់​ប្រទេសជិតខាង​ចន្លោះ​ពី ២០ ​ទៅ ៣០ ​ភាគរយ​។

លោក​និយាយថា​៖ «​បន្ទាប់ពី​មាន​ការបញ្ជាក់ថា​ជា​ផលិតផល​ហាឡាលមក ការចរាចរ​លក់​នៅ​ទីផ្សារ​បាន​កើនឡើង​ជាង ៨ ​ភាគរយ​»​។

អគ្គនាយិកា​ក្រុមហ៊ុន លីលី ហ៊្វូដ លោកស្រី កែវ មុំ បានឱ្យដឹងថា ការទទួល​បាន​វិញ្ញាបនបត្រ​បញ្ជាក់​ស្តង់ដា HALAL នឹង​ជំរុញ​ទីផ្សារ​ឱ្យ​ផលិតផល​នំស្រួយ លីលី កាន់តែ​មាន​ទំនុកចិត្ត​ពី​អតិថិជន​។ លោកស្រី​បន្តថា ការ​ចុះមក​ធ្វើការ​អនុវត្ត​ស្តង់ដា HALAL នៅក្នុង​ក្រុមហ៊ុន​ផ្ទាល់​បែបនេះ គឺជា​ការជួយ​ផ្សព្វផ្សាយ​ផលិតផល​នំ​ស្រួយ​លីលី​ដល់​បងប្អូន​ជនជាតិ​អ៊ិស្លាម​ពី​គុណភាព​គួរឱ្យ​ទុកចិត្ត​ផងដែរ​។

រោងចក្រ​ទឹកដោះគោ អង្គរ ឌែរី បាន​វិនិយោគ​ក្នុង​ទំហំ​ទឹកប្រាក់ ២៣ ​លាន​ដុល្លារ​ពី​ការរួម​គ្នា​រវាង​ភាគហ៊ុន Vietnam Dairy Product Joint-Stock ​ដែលមាន​ឈ្មោះថា Vinamilk និង​ក្រុមហ៊ុន BPC Trading Co Ltd​។ ការបណ្តាក់ទុន​រួមគ្នា​នេះ​ត្រូវបាន​ចុះ​ធ្វើ​ក្នុង​ឆ្នាំ​ ២០១៣ និង​បង្កើត​ផលិតផល​ក្រោម​ម៉ាក​សញ្ញា អង្គរមីល​។

យោងទៅតាម​របាយការណ៍​ហិរញ្ញវត្ថុ​របស់​ក្រុមហ៊ុន វៀតណាម ឌែរី (​ឆ្នាំ​ ២០១៥) ដែល​ចុះបញ្ជី​នៅ​ផ្សារហ៊ុន​នៅ​ហាណូយ​បាន​ប្រកាស​ពី​ចំណូល​បន្ទាប់ពី​កាត់​ពន្ធ​ជិត ៣៥០ ​លាន​ដុល្លារ​កាលពី​ឆ្នាំ​ ២០១៥ កើន ២៨ ​ភាគរយ​បើ​ធៀប​នឹង​ឆ្នាំ​ ២០១៤​។ ចំណូល​សរុប​របស់​ក្រុមហ៊ុន​ក្នុង​ឆ្នាំ​ ២០១៥ កើនឡើង​ដល់ ១,៨ ​ពាន់​លាន​ដុល្លារ កើន ១៤ ​ភាគរយ​បើ​ប្រៀបធៀប​នឹង​ឆ្នាំ​ ២០១៤​។

គិត​ត្រឹម​ថ្ងៃទី​ ២៧ ខែកញ្ញា ឆ្នាំនេះ​ក្រុម​ឯកទេស​ផលិតផល​ហាឡាល​កម្ពុជា និង​ក្រសួងពាណិជ្ជកម្ម​បាន​ចុះ​ត្រួតពិនិត្យ​វាយតម្លៃ​លក្ខខណ្ឌ​បច្ចេកទេស​ស្តង់ដា​ផលិតផល​ហាឡាល​កម្ពុជា និង​សម្រេច​ចេញ​វិញ្ញាបនបត្រ​សរុប ១៧៣ ដែល​រួមមាន អាហារដ្ឋាន ភោជនីយដ្ឋាន ក្រុមហ៊ុន​សិប្បកម្ម រោងចក្រ ជាដើម​៕ LA

អត្ថបទគួរចាប់អារម្មណ៍