ទីក្រុងវ៉ាស៊ីនតោនៈ ប្រមុខដឹកនាំអង្គការពាណិជ្ជកម្មពិភពលោក (WTO) បាននិយាយថា ការឧបត្ថម្ភធនក្នុងវិស័យកសិកម្មដែលសម្បើម ជាពិសេសសម្រាប់ក្រុមហ៊ុនក្នុងប្រទេសអ្នកមាន បន្តធ្វើឱ្យប៉ះពាល់ពាណិជ្ជកម្មសកល និងបង្កើតការប្រកួតប្រជែងគ្មានយុត្តិធម៌ សម្រាប់កសិករក្នុងប្រទេសក្រីក្រ។
លោកស្រី Ngozi Okonjo-Iweala ប្រធាន WTO បាននិយាយកាលពីថ្ងៃសុក្រថា៖«យើងមានបញ្ហាធំខ្លាំងណាស់» ដោយជំរុញឱ្យប្រទេសទាំងឡាយរកដំណោះស្រាយ ពេលដែលការឧបត្ថម្ភធនកសិកម្មក្នុងស្រុក«កំពុងកើនឡើងឥតឈប់ឈរ»។
អំឡុងពេលកិច្ចពិភាក្សាជាមួយប្រធានធនាគារពិភពលោក David Malpass ការអត្ថាធិប្បាយកើតមានពេលពាណិជ្ជកម្មពិភពលោក ធ្វើកិច្ចការដើម្បីសម្រេចបានកិច្ចព្រមព្រៀងលើបញ្ហានៅកិច្ចប្រជុំថ្នាក់រដ្ឋមន្ត្រីនៅពេលខាងមុខក្នុងទីក្រុងសឺណែវនៅចុងខែវិច្ឆិកា។
ភ្នាក់ងារអង្គការសហប្រជាជាតិ នៅក្នុងរបាយការណ៍ថ្មីៗនេះបានប៉ានស្មានថា ការគាំទ្រជាសកលចំពោះអ្នកផលិតកសិកម្មដែលមានសរុប៥៤០ពាន់ពាលដុល្លារ (៤៥៧ពាន់លានអឺរ៉ូ)ក្នុងមួយឆ្នាំ ហើយត្រូវបានគេរំពឹងថាកើនឡើង៣ដងរហូតដល់ជិត១,៨ពាន់ពាន់លានដុល្លារត្រឹម២០៣០។
ទីភ្នាក់ងារទាំងនោះបាននិយាយថា ៨៧ភាគរយនៃជំនួយនោះ ៤៧០ពាន់លានដុល្លារ គឺជាការបង្ខូចតម្លៃនិងប៉ះពាល់ដល់បរិស្ថាននិងសង្គម។
អ្នកស្រី Ngozi បាននិយាយថា សមាជិក WTO ភាគច្រើនចង់ដោះស្រាយបញ្ហា។
ការឧបត្ថម្ភទាំងឡាយ គឺជាចំណុចនៃការកកិតតាំងពីការចាប់កំណើតនៃអង្គការនេះ ដែលចុងបញ្ចប់បានគ្រប់គ្រងកិច្ចព្រមព្រៀងដើម្បីហាមឃាត់ការឧបត្ថម្ភធននាំចេញក្នុងឆ្នាំ២០១៥។
ប្រធានអង្គការ WTO ព្រួយបារម្ភអំពីផលប៉ះពាល់លើប្រទេសក្រីក្រ។
លោកស្រី Ngozi បាននិយាយថា៖«យើងត្រូវតែព្រួយបារម្ភអំពីរបៀបដែលការឧបត្ថម្ភធនទាំងនេះគ្មានសណ្តាប់ធ្នាប់ ហើយថាតើពួកគេបង្កឧបសគ្គយ៉ាងណាចំពោះការប្រកួតប្រជែង។ ប្រសិនបើ យើងមិនធ្វើអ្វីផ្សេងដើម្បីដោយរក្សារឿងនេះ នឹងមានប្រទេសក្រីក្រជាច្រើន ដែលមិនអាចប្រកួតប្រជែង ដោយសារតែការឧបត្ថម្ភធនធំៗពីប្រទេសអ្នកមាន»។
ប្រធានធនាគារពិភពលោក Malpass បានកត់សម្គាល់ថា បញ្ហានោះក៏ប៉ះពាល់ដល់បរិយាកាសចាប់តាំងពីការឧបត្ថម្ភធនសម្រាប់ជីគីមីដែលអាច«ធ្វើខ្សោះដី...ដំណើរអ្វីលួតលាស់បាន»។
លោក និយាយនៅព្រឹត្តិការណ៍ដែលប្រារព្ធឡើងអំឡុងពេលកិច្ចប្រជុំប្រចាំឆ្នាំនៃធនាគារពិភពលោក និងមូលនិធិរូបិយវត្ថុអន្តរជាតិ ថា៖«វាក៏មានតម្លៃខ្ពស់ផងដែរ និងការហូររបស់ជីគីមីជាផ្នែកធំនៃការបំពុលសមុទ្រ»៕ AFP/RR