ទីក្រុងប៉េកាំងៈ ទិន្នន័យផ្លូវការបានបង្ហាញនៅថ្ងៃចន្ទថា កំណើនសេដ្ឋកិច្ចចិនរអិលធ្លាក់ចុះច្រើនជាងអ្វីដែលរំពឹងទុកក្នុងត្រីមាសទី ៣ ដោយសារវិស័យអចលនទ្រព្យប្រឹងក្រាញននៀលជាមួយវិធានការគោលនយោបាយ និងវិបត្តិថាមពលដែលលេចឡើងស្ទង់ៗ។
បន្ទាប់ពីការវិលត្រឡប់មកវិញពីការរងឥទ្ធិពលដោយសារវីរុសកូរ៉ូណា ការងើបឡើងវិញសេដ្ឋកិច្ចក្នុងប្រទេសដែលមានសេដ្ឋកិច្ចធំបំផុតលំដាប់លេខពីរក្នុងពិភពលោក កំពុងបាត់បង់ចំហាយ ដោយកំណើនផលិតផលក្នុងស្រុកសរុបមានត្រឹម ៤,៩ ភាគរយធៀបរយៈពេលដូចគ្នា។ នេះយោងតាមការិយាល័យស្ថិតិជាតិ (NBS) ដោយលើកឡើងពីការងើបឡើងក្នុងស្រុកគ្មានស្ថិរភាព និងមិនស្មើគ្នា។
តួលេខចុងក្រោយនេះបានធ្វើឱ្យខកចិត្តចំពោះការព្យាករកំណើន ៥,០ ដែលបានដាក់ការព្យាករណ៍ដោយក្រុមអ្នកវិភាគស្ទង់មតិដោយការសារព័ត៌មាន AFP និង ជាការធ្លាក់ចុះពិន្ទុ ៣ ភាគរយត្រង់តែម្តងពីការរីកលូតលាស់ ៧,៩ ភាគរយក្នុងត្រីមាសទី ២ ពីខែមេសាដល់ខែមិថុនា។
លោក Fu Linghui អ្នកនាំពាក្យ NBS បាននិយាយនៅថ្ងៃចន្ទនេះថា៖ «យើងត្រូវតែកត់សម្គាល់ថា ភាពមិនច្បាស់លាស់ក្នុងបរិបទអន្តរជាតិកំពុងកើនឡើងខ្លាំង ហើយការងើបឡើងវិញក្នុងប្រទេសនៅតែមិនមានស្ថិរភាព និងមិនស្មើគ្នា»។
អាជ្ញាធរបានបន្ថែមថា ប៉ុន្តែ GDP សម្រាប់ត្រីមាសទីបី ៣ កើនឡើង ០,២ ភាគរយរយៈពេល ៣ ខែមុននោះ។
ទន្ទឹមនឹងនោះដែរ កំណើនផលិតកម្មឧស្សាហកម្មយឺតបន្ថែមទៀតដល់ទៅ ៣,១ ភាគរយក្នុងខែកញ្ញាធៀបរយៈពេលដូចគ្នានៃឆ្នាំមុន។
Louis Kuijs ប្រធានសេដ្ឋកិច្ចប្រចាំតំបន់អាស៊ីនៃមហាវិទ្យាល័យសេដ្ឋកិច្ចនៃសកលវិទ្យាល័យ Oxford បាននិយាយថា៖ «កំណើនត្រូវបានទាញទម្លាក់ដោយការយឺតយ៉ាវក្នុងវិស័យអចលនទ្រព្យដែលត្រូវបានពង្រីកថ្មីៗនេះដោយការហូរចេញពីការធ្វើដំណើររបស់ Evergrande»៕ RR