.jpg)
ទំនិញម្ហូបអាហារតាំងលក់ក្នុងហាងក្នុងប្រទេសសិង្ហបុរី។ ST
សិង្ហបុរីៈ តម្លៃផលិតផលប្រើប្រាស់នៅក្នុងប្រទេសសិង្ហបុរីកើនឡើងយ៉ាងលឿនកាលពីខែមុនដែលគាំទ្រ ដោយការកើនឡើងថ្លៃអគ្គិសនី និងឧស្ម័នឥន្ធនៈ ថ្លៃម្ហូបអាហារ និងថ្លៃជួលផ្ទះ។
អតិផរណានៃទំនិញសព្វសារពើកើនឡើង ២,៥ ភាគរយក្នុងខែកញ្ញាប្រៀបធៀបលើមូលដ្ឋានដូចគ្នាកាលពីឆ្នាំមុន ដែលកើនឡើងបន្តិចពី ២,៤ ភាគរយពីខែមុន។
ទន្ទឹមនឹងនេះដែរ អតិផរណាស្នូលដែលមិនរាប់បញ្ចូលការស្នាក់នៅ និងតម្លៃដឹកជញ្ជូនតាមផ្លូវឯកជន ដែលបង្ហាញកើនឡើង ១,២ ភាគរយក្នុងខែកញ្ញា ពីចំនួន ១,១ ភាគរយក្នុងខែសីហា។
អាជ្ញាធររូបិយវត្ថុសិង្ហបុរី (MAS) និង ក្រសួងពាណិជ្ជកម្ម និងឧស្សាហកម្ម (MTI) បានចេញសេចក្តីប្រកាសរួមគ្នានៅថ្ងៃចន្ទដោយអះអាងថា ការកើនឡើងនេះត្រូវបានរុញច្រានយ៉ាងខ្លាំងដោយតម្លៃម្ហូបអាហារកើនឡើងច្រើន។
អតិផរណាស្នូលដែលចាប់យកបានល្អប្រសើរនូវនិន្នាការមូលដ្ឋាននៃតម្លៃអ្នកប្រើប្រាស់ គឺជាវិធានការដែល MAS តាមដានយ៉ាងដិតដល់បំផុតក្នុងការពិនិត្យឡើងវិញអំពីគោលនយោបាយរូបិយវត្ថុរបស់បុរី។
តម្លៃអគ្គិសនី និងឧស្ម័នបានកើនឡើងជាង ៩,៩ ភាគរយ ដោយសារកើនឡើងតម្លៃអគ្គិសនីជាមធ្យម ដែលបានចំណាយតម្លៃអគ្គិសនីចំណាយដោយប្រជាពលរដ្ឋតាមគ្រួសារស្ថិតក្រោមទីផ្សារអគ្គិសនីបើកចំហរ ប្រៀបធៀបជាមួយ ៩,៧ ភាគរយក្នុងខែសីហាអតិផរណាចំណីអាហារមានមុខកើនឡើង ១,៦ ភាគរយ កើនឡើងពី ១,៥ កាលពីខែមុនពេលដែលតម្លៃអាហារមិនទាន់ឆ្អិន និងអាហារត្រៀមទុកកើនឡើងក្នុងល្បឿនលឿនជាងបន្តិចបន្តួច។
តម្លៃស្នាក់នៅក៏បានហក់ឡើងផងដែរ ដោយកើនខ្លាំងដល់ ១,៩ ភាគរយក្នុងខែកញ្ញា ខ្ពស់ជាងខែសីហាដែលកើនត្រឹម ១,៧ ភាគរយ ពេលដែលតម្លៃផ្ទះជួលហក់ឡើងក្នុងអត្រាលឿនជាង។
MAS និង MTI បានឱ្យដឹងថា អតិផរណាដឹកជញ្ជូនឯកជនមិនប្រែប្រួលទេ នៅអត្រា ១០,៨ ភាគរយ ពេលដែលតម្លៃរថយន្តកើនឡើងក្នុងល្បឿនស្រដៀងទៅនឹងខែសីហា។ ខណៈពេលដែលមានការកើនឡើងតម្លៃកាន់តែខ្លាំងសម្រាប់ម៉ូតូ វាត្រូវបានគេធ្វើឱ្យមានតុល្យភាព ដោយការធ្លាក់ចុះតម្លៃមធ្យោបាយធ្វើធ្វើដំណើរផ្សេងៗទៀត៕ ST-ANN/RR
