.jpg)
ការនាំចេញស្រូវ គឺមានបរិមាណសរុប ២ ៦៥៩ ៦៦០តោន គិតជាទឹកប្រាក់ប៉ាន់ស្មានប្រមាណ ៦៣៣,៨២ លានដុល្លារ។ សម្រាប់ខែតុលា ឆ្នាំ២០២១ ការនាំចេញអង្ករ សម្រេចបានចំនួន ៤៩,៤៧១តោន កើនឡើង៤,០៨ភាគរយ បើធៀបនឹងខែតុលា ឆ្នាំ២០២០។ ហេង ជីវ័ន
ភ្នំពេញៈ ទឹកប្រាក់ប្រមាណជាង ៩៥៧ លានដុល្លារត្រូវបានកម្ពុជាទទួលបានពីការនាំចេញស្រូវ-អង្ករ ក្នុងរយៈពេល ១០ខែឆ្នាំ ២០២១។ នេះបើយោងតាមសហព័ន្ធស្រូវអង្ករកម្ពុជា (CRF)។
សេចក្តីប្រកាសព័ត៌មានរបស់ CRF កាលពីថ្ងៃទី៥ ខែវិច្ឆិកា ឱ្យដឹងថា ចាប់ពីខែមករា ដល់ខែតុលា ឆ្នាំ ២០២១ កម្ពុជា បាននាំចេញស្រូវ និងអង្ករ ក្នុងបរិមាណសរុប ៣ ១១៩ ៨២៩តោន ដែលមានតម្លៃសរុប ៩៥៧,៣០ លានដុល្លារ។
ក្នុងនោះការនាំចេញអង្ករគ្រប់ប្រភេទ មានចំនួន ៤៦០ ១៦៩តោន គិតជាទឹកប្រាក់មានចំនួន ៣២៣,៤៧លានដុល្លារ ដោយបាននាំទៅគោលដៅទីផ្សារ ៥៥ប្រទេស និងតំបន់ស្វយ័ត។ ទីផ្សារចម្បងចំនួន ៥ បានគ្របដណ្តប់ ៧៩,០៣ ភាគរយនៃបរិមាណអង្ករនាំចេញសរុបរបស់កម្ពុជា ក្នុងនោះប្រទេសចិន និង តំបន់ស្វយ័តហុងកុង ម៉ាកាវ ចំនួន ២២៩ ១៧៧តោន (ស្មើនឹង ៤៩,៨០ ភាគរយនៃចំណែកទីផ្សារនាំចេញសរុប), បារាំង ៥០ ៩៥១តោន (១១,០៧ ភាគរយ), ហ្កាប៊ុង ៣៦ ៥៨៨តោន (៧,៩៥ភាគរយ), ម៉ាឡេស៊ី ៣០ ៦៥៦តោន(៦,៦៦ភាគរយ), និងប្រទេសហូឡង់ ១៦ ៣៣៨តោន (៣,៥៥ភាគរយ)។
បើតាម CRF ចំពោះប្រភេទអង្ករនាំចេញក្នុងរយៈពេល ១០ខែ ឆ្នាំ២០២១ នេះ គឺអង្ករក្រអូបគ្រប់ប្រភេទ មានចំនួន ៣២៤,៣៦៤តោន ក្រៅពីនោះជាប្រភេទអង្ករសគ្រាប់វែង, អង្ករចំហុយ និងអង្ករសរីរាង្គ។
ដោយឡែកការនាំចេញស្រូវ គឺមានបរិមាណសរុប ២ ៦៥៩ ៦៦០តោន គិតជាទឹកប្រាក់ប៉ាន់ស្មានប្រមាណ ៦៣៣,៨២ លានដុល្លារ។ សម្រាប់ខែតុលា ឆ្នាំ២០២១ ការនាំចេញអង្ករ សម្រេចបានចំនួន ៤៩,៤៧១តោន កើនឡើង៤,០៨ភាគរយ បើធៀបនឹងខែតុលា ឆ្នាំ២០២០។
កាលពីឆ្នាំ២០២០ ប្រទេសកម្ពុជាបាននាំចេញអង្ករសរុប ៦៩០ ៨២៩ តោន ដោយមានតម្លៃជិត ៥៣៩ លានដុល្លារ កើនឡើង ១១,៤០ ភាគរយ បើធៀបនឹងឆ្នាំ ២០១៩។ ចំណែកការនាំចេញស្រូវក្រៅផ្លូវការ មានចំនួន ២ ២០៨ ១២៦ តោន។ នេះបើតាមទិន្នន័យក្រសួងកសិកម្ម រុក្ខាប្រមាញ់ និង នេសាទ៕
វីដេអូ៖
