ហាង Fresh Mart របស់ក្រុមហ៊ុន ស៊ីភី បានចូលរួមជាមួយវិស័យលក់រាយម្ហូបអាហារនៅកម្ពុជាជាមួយនឹងហាងចំនួន ២ សាខា គឺនៅខេត្តសៀមរាប និងបាត់ដំបង ដែលផ្តល់នូវជម្រើសមួយផ្សេងទៀតក្នុងការទិញអាហារគុណភាពខ្ពស់ ថ្មី ស្រស់ ផលិតក្នុងស្រុក និងផលិតផលសម្រេចជាច្រើនទៀត។
សាខាទី១ នៅក្នុងខេត្តសៀមរាប គឺមានអាសយដ្ឋាននៅ ផ្លូវលោក តាណឺយ ភូមិដកពោធិ៍ សង្កាត់ស្លក្រាម ក្រុងសៀមរាប ខេត្តសៀមរាប ហើយចំពោះសាខានៅខេត្តបាត់ដំបង គឺមានអាសយដ្ឋាននៅ ផ្លូវ១ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ដែលមានលក់សាច់ និងអាហារសម្រេចជាច្រើនប្រភេទ។
ក្រុមហ៊ុន ស៊ីភី ខេមបូឌា គឺជាបុត្រសម្ព័ន្ធក្រុមហ៊ុន CP F ដែលជាក្រុមហ៊ុន កសិ-ឧស្សាហកម្ម ឈាន មុខគេរបស់ប្រទេសថៃ បានបើកដំណើរការហាងលក់រាយនេះឡើង ដើម្បីលើកកម្ពស់គុណភាព និងផ្គត់ផ្គង់ផលិតផល អាហារសម្រេច និងផលិតផលសាច់ស្រស់ប្រកបដោយគុណភាពខ្ពស់ នៅក្នុងតម្លៃសមរម្យ ដែលមានទាំងលក់ រាយនិងលក់បោះដុំ។ ហាង CP Fresh Mart គឺជាអ្នកផ្គត់ផ្គង់ និងចែកចាយដ៏ធំនៃមុខទំនិញជាច្រើនប្រភេទ មានចាប់ពីសាច់ជ្រូក សាច់-មាន់ ស៊ុត បន្លែ និងផលិតផលសម្រេចជាច្រើនទៀត។
លោក សែត បូរី អនុប្រធានការិយាល័យ អាជីវកម្ម CP Fresh Mart នៃក្រុមហ៊ុន ស៊ីភី ខេមបូឌា ចំកាត់ ប្រចាំសាខាមាន ប្រសាសន៍ថា ក្រុមហ៊ុន CP ខេមបូឌា បានយកចិត្តទុកដាក់យ៉ាងខ្លាំងក្នុងការចូលរួមពង្រីកអាជីវកម្ម CP Fresh Mart ឱ្យមានភាពរីកចម្រើនដើម្បីឆ្លើយតបតាមតម្រូវការទីផ្សារក្នុងស្រុកនិង ផ្តល់ នូវផលិតផលដែលមានស្តង់ដា។
«បច្ចប្បន្ននេះក្រុមហ៊ុនស៊ីភី បានពង្រីកអាជីវកម្ម CP Fresh Mart ២ សាខារួចមកហើយដោយសាខាទី ១ នៅខេត្តសៀមរាប និងសាខាទី២ នៅខេត្តបាត់ដំបងដោយមានគោលបំណងសំខាន់ៗជាច្រើន ដូច ជាផ្តោតទៅលើការផ្គត់ផ្គង់ និងចែកចាយផលិតផលទាំងអស់របស់ ស៊ីភី ទាំងបោះដុំ និងលក់រាយ ផ្តល់នូវផលិតផលគ្រប់ប្រភេទរបស់ប្រ៊េន CP ដែលមានគុណភាពល្អជូនអតិថិជនដើម្បីឱ្យស្របទៅនឹងពាក្យស្លោកមួយឃ្លាថា៖ "កាលបើយើងបរិភោគនៅអាហារដ៏ល្អ យើងនឹងទទួលបាននូវគុណភាពជីវិតដ៏ល្អ" និងលើសពីនេះទៅទៀតដើម្បីផ្តល់នូវសេវាកម្មដ៏ល្អក្នុងការចែកចាយជូនដល់អតិថិជន ដើម្បីទទួលនូវផលិតផលល្អ និងតម្លៃដូចទីផ្សារក្នុងប្រទេសកម្ពុជា»។
លោកបន្ថែមថា៖ «យើងទទួល បានការគាំទ្រយ៉ាងខ្លាំងពីអតិថិជនរបស់យើង ហើយក្រុមហ៊ុន ស៊ីភី ខេមបូឌា គ្រោងនឹងពង្រីកហាង Fresh Mart របស់ខ្លួនទៅកាន់ខេត្តផ្សេងទៀតនាពេលអនាគត»។
អាជីវកម្មក្រុមហ៊ុន ស៊ីភី ខេមបូឌា គឺអនុលោមតាមចក្ខុវិស័យអាជីវកម្មរបស់ក្រុមហ៊ុនគឺ «ផ្ទះបាយពិភពលោក» ដោយផ្តោតលើការអភិវឌ្ឍប្រកបដោយនិរន្តរភាព ដែលផ្តល់អាទិភាពខ្ពស់ដល់ការអភិវឌ្ឍនៅក្នុងស្រុក ជីវភាពរស់នៅ និងបរិស្ថាន។
នៅឆ្នាំ ២០២០ ក្រុមហ៊ុនបានពង្រីកអាជីវកម្មលក់រាយម្ហូបអាហារ ខណៈហាងលក់រាយអាហារទំនើបកំពុងកើនឡើង ដោយសារតែការផ្លាស់ប្តូររបៀបរស់នៅរបស់អតិថិជន ដែលចូលចិត្តទិញទំនិញនៅក្នុងហាងដែលមានបរិយាកាសមានផាសុកភាព និងមានអនាម័យ។
អតិថិជនហាង Fresh Mart របស់ក្រុមហ៊ុន ស៊ីភី អាចជ្រើសរើសផលិតផលគុណភាពខ្ពស់ ស្តង់ដាអនាម័យខ្ពស់ផលិតនៅប្រទេស ថៃ និង កម្ពុជា ដោយប្រើសារធាតុគីមីតិចតួចបំផុត។ ហាងទាំង ២ សាខានេះមានលក់អាហារសម្រេចជាច្រើនប្រភេទ ដូចជា ហតដក ស្បាកេតទី ឬម៉ាកស៊ីភី ជាដើម។
ថ្មីៗនេះ ក្រុមហ៊ុន ស៊ីភី បានចុះទៅសម្ភាសអតិថិជនរបស់ហាង CP Fresh Mart ផ្ទាល់នៅសាខាខេត្តបាត់ដំបង ឈ្មោះ ប៉ុក សុភ័ណ ដែលជាស្ត្រីមេផ្ទះ ដោយអ្នកស្រីបានលើកឡើងថា៖ «គាត់ចូលចិត្តចូលទិញទំនិញក្នុងហាង CP Fresh Mart ណាស់ ដោយគាត់យល់ឃើញថា គ្រប់ផលិតផលរបស់ហាង CP Fresh Mart មានភាពស្រស់ៗល្អ គុណភាពល្អ អនាម័យខ្ពស់ និងតម្លៃសមរម្យ ជាពិសេសក្នុងហាងមានការរៀបចំផលិតផលមានសណ្ដាប់ធ្នាប់ល្អ ងាយស្រួលដើរមើល និងងាយស្រួលជ្រើសរើស ចំណែកឯបុគ្គលិកវិញ មាន ភាពរួសរាយ»។
ដូចច្នេះដើម្បីទទួល បាននៅសេវាកម្មល្អនិងផលិតផលគុណភាពខ្ពស់ ហាង CP Fresh Mart ជាជម្រើសដ៏ល្អ សម្រាប់អតិថិជនដែលជាស្ត្រីមេផ្ទះ ហាងអាហារ មេចុងភៅ ភោជនីយដ្ឋាន សណ្ឋាគារជាដើម។ លើសពីនេះទៅទៀតហាង CP Fresh Mart ផ្តល់នូវសេវាកម្មដ៏ល្អក្នុងការចែកចាយផលិតផលទាំងការបោះដុំ និងលក់រាយដើម្បីឲ្យគ្រប់អតិថិជនទទួលនូវផលិតផលល្អ និងតម្លៃដូចទីផ្សារក្នុងប្រទេសកម្ពុជា៕
សម្រាប់អតិថិជនដែលមានចំណាប់អារម្មណ៍អាចទាក់ទងមកកាន់យើងខ្ញុំ តាមរយៈ QR