The Phnom Penh Post Search

Search form

Logo of Phnom Penh Post newspaper Phnom Penh Post - សកម្មភាព​រោងចក្រ​ចិន​កើន​បន្តិច​ក្នុង​ខែ​វិច្ឆិកា ​ពេល​ការខ្វះខាត​ថាមពល​ធូរស្រាល




សកម្មភាព​រោងចក្រ​ចិន​កើន​បន្តិច​ក្នុង​ខែ​វិច្ឆិកា ​ពេល​ការខ្វះខាត​ថាមពល​ធូរស្រាល

Content image - Phnom Penh Post
កម្មករ​ចិន​ផលិត​កាបូប​នៅក្នុង​រោងចក្រ​សម្រាប់​ការនាំចេញ​។ AFP

សកម្មភាព​រោងចក្រ​ចិន​កើន​បន្តិច​ក្នុង​ខែ​វិច្ឆិកា ​ពេល​ការខ្វះខាត​ថាមពល​ធូរស្រាល

ទីក្រុងប៉េកាំងៈ សកម្មភាព​ផលិតកម្ម​ក្នុង​ប្រទេស​ចិន​កើនឡើង​នៅក្នុង​ខែវិច្ឆិកា បន្ទាប់ពី​ការបន្ធូរបន្ថយ​ការខ្វះខាត​ថាមពល និង​ការធ្លាក់ចុះ​នៃ​តម្លៃ​វត្ថុធាតុដើម​មួយចំនួន​។

បច្ចេកទេស​វាស់វែង​សំខាន់​នៃ​សកម្មភាព​ផលិតកម្ម​គឹ​សន្ទស្សន៍​អ្នកគ្រប់គ្រង​ការទិញ (PMI) នៅក្នុង​ប្រទេស​ដែលមាន​សេដ្ឋកិច្ច​ធំ​បំផុត​ទី​ ២ ​របស់​ពិភពលោក បាន​កើនឡើង​ដល់​ ៥០,១ ដោយ​ត្រឡប់មកវិញ​លើសពី​ ៥០ ​ពិន្ទុ ដែល​បំបែក​កំណើន​ពី​ការធ្លាក់ចុះ​បន្ទាប់ពី​ ២ ​ខែ​។

ទិន្នន័យ​ចុងក្រោយ​ពី​ការិយាល័យ​ស្ថិតិ​ជាតិ​ក៏ប្រសើរ​ជាង​តួលេខ​ ៤៩,៧ ដែល​បាន​ស្ទង់​មតិ​ដោយ​អ្នកវិភាគ Bloomberg​។

លោក Zhao Qinghe អ្នក​ស្ថិតិ​ជាតិ​ជាន់ខ្ពស់​នៃ NBS បាន​និយាយ​ក្នុង​សេចក្តី​ថ្លែងការណ៍​ថា​៖ «​វិធានការ​គោលនយោបាយ​ជា​ស៊េរី​ដែល​បានដាក់​ចេញ​ថ្មីៗ​ដើម្បី​ពង្រឹង​ការធានា​នៃ​ការផ្គត់ផ្គង់​ថាមពល និង​ធ្វើឱ្យ​តម្លៃ​ទីផ្សារ​មាន​ស្ថិរភាព បានបង្ហាញ​លទ្ធផល​»​។

លោក​បាន​បន្ថែមថា​៖ «​ភាពតានតឹង​» ​ក្នុង​ការផ្គត់ផ្គង់​ថាមពល​បាន​ធូរស្រាល​នៅ​ខែ​នេះ អនុញ្ញាត​ឱ្យ​សមត្ថភាព​ផលិតកម្ម​ហក់​ឡើង ខណៈ​តម្លៃ​នៃ​វត្ថុធាតុដើម​ខ្លះ​បាន​ធ្លាក់​ថ្លៃ​យ៉ាងច្រើន​»​។

លោក Zhao បាន​និយាយថា ជាមួយ​ការងើបឡើង​សេដ្ឋកិច្ច​សកល​ និង​រដូវកាល​ចុងឆ្នាំ​ប្រកប​ដោយ​ការរំពឹងទុក ពាណិជ្ជកម្ម​បរទេស​ក៏បាន​បន្ត​ធ្វើឱ្យ​ប្រសើរឡើង​។

ទោះបី​យ៉ាងណា PMI ផ្នែក​មិនមែន​ផលិតកម្ម​របស់​ប្រទេស​ចិន​បាន​ធ្លាក់ចុះ​តិចតួច ដល់​ ៥២,៣ ធ្លាក់​ពី​ ៥២,៤ ​ពិន្ទុ​ក្នុង​ខែតុលា ពេលដែល​ប្រទេស​នេះ​បាន​ជួបនឹង​ការផ្ទុះ​ឡើង​នៃ​មេរោគ​ឆ្លង​ក្នុងស្រុក​ថ្មីៗ​។

ក្រុមអ្នកវិភាគ​បាន​ព្យាករ​កំណើន​យឹត បន្ទាប់ពី​ការកើនឡើង​ករណី​ឆ្លង​ក្នុង​ចុងខែ​តុលា ដែល​រីករាលដាល​ដល់​ ២១ ​ខែ​ និង​ដាក់​វិធានការ​រឹតត្បិត​ការធ្វើដំណើរ និង​បិទ​តាម​តំបន់​។

ក្រុមហ៊ុន Capital Economics បាន​និយាយ​នៅក្នុង​របាយការណ៍​មួយ​កាលពី​ថ្ងៃ​ចន្ទ​ថា វីរុស​បំប្លែង​ «Omicron» ​ថ្មី​នៃ​មេរោគ​នឹង​សាកល្បង​យុទ្ធសាស្ត្រ​ «​កូវីដ​សូន្យ​ (zero-Covid)»​។ ដ៏តឹងរ៉ឹង​របស់​ប្រទេស​ចិន ដោយ​បន្ថែមថា​ប្រសិនបើ​រឿងនេះ​បង្ហាញឱ្យ​ឃើញ​កាន់តែ​ពិបាក​ក្នុង​ការទប់ស្កាត់​ជាង​វីរុស​បំប្លែង​ Delta វា​នឹង​ «​រំពឹងថា​មន្ត្រី​នឹង​រឹតបន្តឹង​វិធានការ​ទប់ស្កាត់​» ​រំខាន​ដល់​សេវាកម្ម​បន្ថែមទៀត​៕ RR

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។