ទីក្រុងសេអ៊ូលៈ ចំពេលការផ្លាស់ប្តូរជាសកលទៅរកយានយន្តអគ្គិសនី ក្រុមហ៊ុនផលិតរថយន្តអគ្គិសនី (EV) កំពុងផ្លាស់ប្តូរយ៉ាងឆាប់រហ័សក្នុងការរៀបចំហេដ្ឋារចនាសម្ព័ន្ធសាកថ្មនៅក្នុងប្រទេសកូរ៉េ មិនត្រឹមតែបង្កើនការលក់របស់ពួកគេប៉ុណ្ណោះទេ ប៉ុន្តែថែមទាំងដើម្បីទទួលបានការគ្របដណ្តប់នៅក្នុងប្រទេសដែលមិនទាន់មានអ្នកដឹកនាំទីផ្សារច្បាស់លាស់នៅឡើយ។
សម្រាប់ក្រុមហ៊ុនផលិតរថយន្ត ការកសាងស្ថានីយ៍បញ្ចូលថាមពលថ្មដែលនៅតែស្ថិតក្នុងដំណាក់កាលដំបូងនៅទីនេះ ទាំងចំនួន និងការថែទាំបានក្លាយជាចំណុចសំខាន់ ដើម្បីយកឈ្នះលើភាពទន់ខ្សោយទូទៅ និងធំបំផុតរបស់ EVs។
យោងតាមទិន្នន័យរបស់រដ្ឋាភិបាលមានកន្លែងសាកអាគុយរថយន្តអគ្គិសនី ៧០ ០០០ កន្លែងរួមទាំង ៥៤ ០០០ កន្លែងសាកយឺត សម្រាប់រថយន្តអគ្គិសនី ១៧៧ ០០០គ្រឿង ដែលបានដំណើរការនៅទូទាំងប្រទេសគិតត្រឹមខែមិថុនា។
អ្នកនៅក្នុងទីផ្សារនេះបានយល់ឃើញថា ចំពោះក្រុមហ៊ុនផលិតរថយន្តអគ្គិសនី ការប្រកួតប្រជែងដ៏ខ្លាំងក្លា ដើម្បីសាងសង់ហេដ្ឋារចនាសម្ព័ន្ធសាកអាគុយរថយន្តអគ្គិសនីនឹងសម្រេចក្រុមហ៊ុនមួយណាដឹកមុខក្នុងទីផ្សាររថយន្តអគ្គិសនីក្នុងមូលដ្ឋាន។
យោងតាមឧស្សាហកម្មរថយន្តអគ្គិសនី ក្រុមហ៊ុន Tesla ដែលមានស្ថានីយសាកអាគុយប្រមាណ ១៨៤ ០០០ កន្លែងក្នុងសហរដ្ឋអាមេរិកកាន់កាប់ ៥៥ ភាគរយនៃចំណែកទីផ្សារ នៅពេលដែលខ្លួនបានងាកទៅការបញ្ចូលអាគុយរហ័ស។ ក្រុមហ៊ុននេះបច្ចុប្បន្នប្រតិបត្តិការស្ថានីយបញ្ចូលអាគុយប្រហែល ៣០ កន្លែង។
នៅក្នុងប្រទេសកូរ៉េ ការដំឡើងស្ថានីយបញ្ចូលអាគុយសម្រាប់រថយន្ត EV ត្រូវបានដឹកនាំជាចម្បងដោយរដ្ឋាភិបាល ដោយសារតែប្រាក់ចំណេញទាបសម្រាប់ក្រុមហ៊ុន ព្រោះតែតម្រូវការនៅមិនទាន់ខ្ពស់នៅឡើយ។
ប៉ុន្តែកាលពីខែកុម្ភៈ រដ្ឋាភិបាលបានបញ្ចេញផែនការអនុញ្ញាតឱ្យក្រុមហ៊ុននានាបង្កើតស្ថានីយសាកអាគុយលឿននៅលើដីដែលជាកម្មសិទ្ធិរបស់ស្ថាប័នសាធារណៈ។
អាជ្ញាធរបាននិយាយថា ពួកគេក៏ពិចារណាផងដែរសាងសង់ស្ថានីយបញ្ចូលអាគុយបន្ថែមទៀតនៅតាមស្ថានីយបញ្ចូលហ្គាសប្រមាណ ១២ ០០០ នៅទូទាំងប្រទេស។
Hyundai Motor Group ដែលជាក្រុមហ៊ុនផលិតរថយន្តដ៏ធំបំផុតរបស់ប្រទេស បានដំណើរការស្ថានីយ៍សាកអាគុយល្បឿនលឿនចំនួន ១២ កន្លែងដែលមានឈ្មោះថា E-Pit ។ រថយន្តម៉ូដែល Ioniq 5 និង Kia EV6 របស់ក្រុមហ៊ុន Hyundai Motor អាចសាកបានរហូតដល់ ៨០ ភាគរយក្នុងរយៈពេល ១៨ នាទីនៅស្ថានីយ៕ Korea Herald-ANN/RR