.jpg)
ទីស្នាក់ការកណ្តាលរបស់ធនាគារកណ្តាលអឺរ៉ុបនៅទីក្រុងហ្វ្រេងហ្វឺត ប្រទេសអាល្លឺម៉ង់។ AFP
ទីក្រុងប្រ៊ុចសែលៈ ទិន្នន័យផ្លូវការបានបង្ហាញកាលពីថ្ងៃអង្គារថាអតិផរណាតំបន់ចាយប្រាក់អឺរ៉ូបានកើនឡើងដល់កម្រិតខ្ពស់បំផុតក្នុងកំណត់ត្រាកាលពីខែវិច្ឆិកាដែលជំរុញដោយការកើនឡើងតម្លៃថាមពល។
តម្លៃទំនិញប្រើប្រាស់បានកើនឡើងពី ៤,១ ភាគរយដល់ ៤,៩ ភាគរយកាលពីខែមុនដែលជាតួលេខខ្ពស់បំផុតចាប់តាំងពីទីភ្នាក់ងារស្ថិតិផ្លូវការ Eurostat បានចាប់ផ្តើមចងក្រងទិន្នន័យកាលពីជាង ២០ ឆ្នាំមុន។
តួលេខនេះគឺកើនឡើងច្រើនជាង ២ ដងនៃទិសដៅកំណត់របស់ធនាគារកណ្តាលអឺរ៉ុប (ECB) ចំនួន ២ ភាគរយ។
លោក Isabel Schnabel សមាជិកនៃក្រុមប្រឹក្សាប្រតិបត្តិរបស់ ECB បានព្យាករកាលពីដើមខែវិច្ឆិកាថាអតិផរណានឹងកើនឡើងដល់កម្រិតខ្ពស់បំផុតក្នុងខែនេះចាប់តាំងពីប្រាក់អឺរ៉ូត្រូវបានដាក់ឲ្យប្រើប្រាស់កាលពីឆ្នាំ ១៩៩៩។
លោក Schnabel បានឲ្យដឹងថាល្បឿននៃការកើនឡើងតម្លៃនេះនឹងធ្លាក់ចុះក្នុងឆ្នាំខាងមុខនេះ។
ការកើនឡើងអតិផរណាបានដាក់សម្ពាធលើ ECB និងធនាគារកណ្តាលអាមេរិកដើម្បីគ្រប់គ្រងកម្មវិធីជំរុញសេដ្ឋកិច្ចដ៏ធំរបស់ពួកគេដោយទីផ្សារបារម្ភថាអ្នកបង្កើតគោលនយោបាយអាចកាត់បន្ថយអត្រាការប្រាក់មុនពេលវេលាកំណត់ ដើម្បីគ្រប់គ្រងតម្លៃ៕ LA
