.jpg)
នារីម្នាក់ដើរឆ្លងកាត់ផ្ទាំងព័ត៌មាននៅផ្សារភាគហ៊ុនហុងកុងកាលពីពេលថ្មីៗនេះ៕ រូបថត AFP
ទីក្រុងហុងកុង៖ តម្លៃភាគហ៊ុន និងតម្លៃប្រេងបានធ្លាក់ចុះជាថ្មីម្ដងទៀតកាលពីថ្ងៃអង្គារ បន្ទាប់ពីប្រធានក្រុមហ៊ុន Moderna បានព្រមានថាវ៉ាក់សាំងការពារមេរោគបច្ចុប្បន្នអាចមានប្រសិទ្ធភាពតិចតួចក្នុងការទប់ស្កាត់វីរុសអូមីក្រុងវ៉ារ្យ៉ង់ដោយបង្កឲ្យមានការបារម្ភថាប្រទេសនានាអាចត្រូវបានបង្ខំឲ្យធ្លាក់ចុះចូលទៅក្នុងការបិទខ្ទប់ដែលរងផលប៉ះពាល់ដល់សេដ្ឋកិច្ច។
តម្លៃភាគហ៊ុនភាគច្រើនបានកើនឡើង បន្ទាប់ពីការលក់ចេញរយៈពេល ២ ថ្ងៃមកនេះ ប៉ុន្តែដោយសារព័ត៌មានកាលពីថ្ងៃសុក្រអំពីវីរុសវ៉ារ្យង់ថ្មីនេះដែលក្រុមអ្នកសង្កេតការណ៍មួយចំនួនបានឲ្យដឹងថាមានមនុស្សរាប់ពាន់លាននាក់ត្រូវបានចាក់វ៉ាក់សាំងរួចក៏ដោយក៏អាចនឹងប៉ះពាល់ផងដែរ។
ប៉ុន្តែការអត្ថាធិប្បាយរបស់លោក Stephane Bancel នៅក្នុងបទសម្ភាសមួយជាមួយកាសែត Financial Times បានបង្កការបារម្ភយ៉ាងខ្លាំងនៅលើទីផ្សារភាគហ៊ុនជាថ្មីម្តងទៀត ខណៈដែលលោកបានឲ្យថាបរិមាណនៃការវិវត្តកម្រិតខ្ពស់របស់វីរុសអូមីក្រុង និងការរីករាលដាលយ៉ាងឆាប់រហ័សរបស់វីរុសនេះនៅអាហ្វ្រិកខាងត្បូងបានបង្ហាញថាការចាក់វ៉ាក់សាំងនៅពេលបច្ចុប្បន្ន នឹងចាំបាច់ត្រូវការកែប្រែតិចតួច។
តម្លៃភាគហ៊ុននៅផ្សារហ៊ុនក្រុងតូក្យូហុងកុងសិង្ហបុរីបាងកក និងហ្សាការតាបានធ្លាក់ចុះជាង ១ ភាគរយ ខណៈតម្លៃផ្សារហ៊ុនសេអ៊ូលបានធ្លាក់ចុះជាង ២ ភាគរយ។
តម្លៃភាគហ៊ុននៅផ្សារហ៊ុនទីក្រុងឡុងដ៍ប៉ារីស និងហ្វ្រេងហ្វឺតមានឱនភាព និងតម្លៃក្នុងកិច្ចសន្យានៅផ្សារហ៊ុនញូវយ៉កក៏ធ្លាក់ចុះកាន់តែទាបផងដែរ។
ផ្សារហ៊ុន ស៊ីដនីវែរលីងតុន និងតៃប៉ិបានបិទការជួញដូរក្នុងតម្លៃកាន់តែខ្ពស់មុនពេលបទសម្ភាសនេះត្រូវបានចុះផ្សាយ។
ការលក់ក៏បានរីករាលដាលដល់ទីផ្សារប្រេងដែលតម្លៃក្នុងកិច្ចសន្យាសំខាន់ទាំង ២ បានធ្លាក់ចុះជាង ៣ ភាគរយ បន្ទាប់ពីការស្ទុះងើបឡើងវិញបន្តិចម្តងៗពីការធ្លាក់ចុះកាលពីថ្ងៃសុក្រជាង ១០ ភាគរយ ខណៈដែលការភ័យខ្លាចនៃតម្រូវការបានស្ទុះងើបឡើងវិញ។
ក្រុមហ៊ុនដែលទាក់ទងនឹងវិស័យទេសចរណ៍ស្ថិតក្នុងចំណោមក្រុមហ៊ុនដែលរងគ្រោះខ្លាំងជាងគេដោយក្រុមហ៊ុន Cathay Pacific ខាតបង់ច្រើនជាង ៤ ភាគរយនៅផ្សារហ៊ុន ហុងកុងដោយត្រូវបានរងផលប៉ះពាល់ដោយការរឹតបន្តឹងថ្មីៗលើការធ្វើដំណើរទៅកាន់ទីក្រុងមួយនេះហើយតម្លៃភាគហ៊ុនរបស់ក្រុមហ៊ុនអាកាសចរណ៍ Singapore Airlines បានធ្លាក់ចុះជាង ១ ភាគរយផងដែរ។
លោក Kelvin Wong នៅក្រុមហ៊ុន CMC Markets បានឲ្យដឹងថា៖ «ព័ត៌មានអំពីវីរុសវ៉ារ្យ៉ង់អូមីក្រុងមានលក្ខណៈស្រពេចស្រពិលថា តើរោគសញ្ញារបស់វានឹងមានសភាពធ្ងន់ធ្ងរប៉ុនណា ហើយថា តើវាអាចរីករាលដាលបានយ៉ាងណានោះក៏មិនទាន់ដឹងដែរក៏ដូចជាប្រសិទ្ធភាពនៃវ៉ាក់សាំងបច្ចុប្បន្នផងដែរ" ។
លោកថ្លែងថា៖ «ខ្ញុំរំពឹងថានឹងមានហានិភ័យធ្លាក់ចុះបន្ថែមទៀត ក្នុងអំឡុងពេល ២-៣ សប្តាហ៍បន្ទាប់ លុះត្រាតែមានភាពច្បាស់លាស់បន្ថែមទៀតអំពីសម្ពាធរបស់វីរុសវ៉ារ្យ៉ង់អូមីក្រុង»៕LA
