The Phnom Penh Post Search

Search form

Logo of Phnom Penh Post newspaper Phnom Penh Post - កម្ពុជា-វៀតណាម គ្រោង​នឹង​ចុះ​កិច្ចព្រមព្រៀង​កិច្ចសហប្រតិបត្តិការ​លើ​វិស័យ​កសិកម្ម​នៅក្នុង​ខែធ្នូ​នេះ




កម្ពុជា-វៀតណាម គ្រោង​នឹង​ចុះ​កិច្ចព្រមព្រៀង​កិច្ចសហប្រតិបត្តិការ​លើ​វិស័យ​កសិកម្ម​នៅក្នុង​ខែធ្នូ​នេះ

Content image - Phnom Penh Post
រដ្ឋមន្ត្រី​កសិកម្ម​កម្ពុជា លោក វេង សាខុន (ស្ដាំ) ក្នុងជំនួប​ជាមួយឯកអគ្គរដ្ឋទូត​ថ្មី​នៃ​សាធារណរដ្ឋ​សង្គមនិយម​វៀតណាម ​លោក ង្វៀន ហ៊ុយតាំង (Nguyen Huy Tang) កាលពី​ថ្ងៃទី​ ៣០ ខែវិច្ឆិកា​។ រូបថត Sakhon Veng

កម្ពុជា-វៀតណាម គ្រោង​នឹង​ចុះ​កិច្ចព្រមព្រៀង​កិច្ចសហប្រតិបត្តិការ​លើ​វិស័យ​កសិកម្ម​នៅក្នុង​ខែធ្នូ​នេះ

ភ្នំពេញៈ ប្រទេស​សមាជិក​ប្រជាជាតិ​អាស៊ាន​ជាប់​ព្រំដែន​គ្នា កម្ពុជា-វៀតណាម គ្រោង​នឹង​ចុះ​កិច្ចព្រមព្រៀង​សហប្រតិបត្តិការ​លើ​វិស័យ​កសិកម្ម​នៅក្នុង​ខែធ្នូ​នេះ ដើម្បី​ឈានទៅ​សម្រេច​ឱ្យបាន​នូវ​កំណើន​ពាណិជ្ជកម្ម​រវាង​ប្រទេស​ទាំង​ ២ ជាពិសេស​ការនាំចេញ​កសិផល​កម្ពុជា​។

គម្រោង​កិច្ចសហប្រតិបត្តិការ​លើ​វិស័យ​កសិកម្ម​នេះ​ត្រូវ​បានលើកឡើង​ដោយ​ឯកអគ្គរដ្ឋទូត​ថ្មី​នៃ​សាធារណរដ្ឋ​សង្គមនិយម​វៀតណាម ក្នុងជំនួប​ជាមួយ​រដ្ឋមន្ត្រី​កសិកម្ម​កម្ពុជា លោក វេង សាខុន កាលពី​ថ្ងៃទី​ ៣០ ខែវិច្ឆិកា​។ នេះ​បើ​យោងតាម​លោក ហ៊ាន វណ្ណហន រដ្ឋលេខាធិការ​ក្រសួងកសិកម្ម​។

លោក ហ៊ាន វណ្ណហន បាន​ប្រាប់ ​ភ្នំពេញ​ ប៉ុស្តិ៍​ នៅ​ថ្ងៃទី​ ១ ខែធ្នូ​ថា កន្លងមក​កម្ពុជា​មាន​កិច្ចព្រមព្រៀង​មួយចំនួន​ជាមួយ​នឹង​វៀតណាម ដូចជា​កិច្ចព្រមព្រៀង​ស្តីពី​ការអភិវឌ្ឍ​តំបន់​ព្រំដែន​ជាដើម ប៉ុន្តែ​ឥឡូវនេះ​តាម​មតិ​របស់​ឯកអគ្គរដ្ឋទូត​វៀតណាម កម្ពុជា​នឹង​ពិភាក្សា​លើ​ចំណុច​ជាច្រើន​ទៀត​ដែល​ពាក់ព័ន្ធ​នឹង​វិស័យ​កសិកម្ម​។

លោក​បន្តថា លោក​ត្រៀម​នឹង​អញ្ជើញ​អ្នកជំនាញ​តាម​អង្គភាព​ពាក់ព័ន្ធ​នៅ​ក្រសួងកសិកម្ម​ ដើម្បី​ពិគ្រោះ​យោបល់​គ្នា​មុននឹង​ឈានដល់​ការចុះ​កិច្ចព្រមព្រៀង ពិសេស​ការស្វែងរក​ផលចំណេញ​ឱ្យបាន​ជា​អតិបរមា​ដល់​ប្រជាជន និង​សេដ្ឋកិច្ចជាតិ​។

លោក​ប្រាប់ថា​៖ «​យើង​ចង់បាន គឺ​ធ្វើ​ម៉េច​ឱ្យ​ចំណូល​របស់​កសិករ​មាន​កំណើន និង​កាត់បន្ថយ​ភាពក្រីក្រ​របស់​ប្រជាជន​តាមរយៈ​លំហូរ​រលូន​នៃ​ទីផ្សារ​កសិផល​។ តាមពិតទៅ វា​មាន​លក្ខណពិសេស​ដែរ​ដោយសារ​ប្រទេស​វៀតណាម​នៅ​ជិត​យើង ដូចនេះ​របស់​ធ្ងន់ៗ​យើង​មិន​ចាំបាច់​ត្រូវ​ដឹក​ទៅ​ឆ្ងាយ​ទេ​»​។

អគ្គនាយក​ក្រុមហ៊ុន Date Investment Cambodia លោក តាន់ មុនីវណ្ណ បាន​ស្វាគមន៍​ចំពោះ​ផែនការ​នេះ ដោយ​លោក​មើលឃើញ​ថា​ជា​រឿងល្អ​សម្រាប់​កម្ពុជា​ក្នុង​ការចុះ​កិច្ចព្រមព្រៀង​កិច្ចសហប្រតិបត្តិការ​នេះ ពិសេស​បើ​កិច្ចព្រមព្រៀង​នោះ​មាន​បញ្ចូល​ពី​ការផ្លាស់ប្តូរ​បច្ចេកទេស​កសិកម្ម​មក​ឱ្យ​ដល់​ប្រទេស​កម្ពុជា​។

លោក​បន្ថែមថា វៀតណាម​ជា​ប្រទេស​ដែលមាន​បច្ចេកទេស​ខ្លាំង​លើ​ផ្នែក​កសិកម្ម​ ជាពិសេស​ការចិញ្ចឹម​សត្វ​នៅក្នុង​ទឹក វៀតណាម​ធ្វើ​បានល្អ​ជាងគេ​នៅក្នុង​តំបន់​អាស៊ាន​។

យោងតាម​ប្រព័ន្ធ​ទិន្នន័យ​គ្រឹះ​ភូតគាម​អនាម័យ​ជាតិ ទទួល​បាន​ពី​អគ្គនាយកដ្ឋាន​កសិកម្ម​ឱ្យ​ដឹងថា ក្នុង​រយៈពេល ១១ ​ខែ ឆ្នាំ​ ២០២១ ការនាំចេញ​កសិផល​ទៅ​ក្រៅប្រទេស​សម្រេច​បាន​បរិមាណ​សរុប ៧ ១៣១ ៩១៥,០៤ ​តោន (​ទៅ​ទិសដៅ ៦៨ ​ប្រទេស​) កើនឡើង ៣ ៤៤៤ ២៨៨,១៨ ​តោន​ស្មើនឹង ៨៧,៥៣ ​ភាគរយ​បើ​ធៀប​ទៅនឹង​រយៈពេល​ដូចគ្នា​ឆ្នាំ​ ២០២០ ដែលមាន​ត្រឹមតែ ៣ ៦៨៧ ៦២៦,៨៦ ​តោន​៕ LA

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។