The Phnom Penh Post Search

Search form

Logo of Phnom Penh Post newspaper Phnom Penh Post - មាស​មាន​ទំនោរ​កើនឡើង ខណៈ​ជំងឺ​បំប្លែង​ខ្លួន​ថ្មី Omicron រំខាន​ដល់​ការស្ដារ​សេដ្ឋកិច្ច​ពិភពលោក




មាស​មាន​ទំនោរ​កើនឡើង ខណៈ​ជំងឺ​បំប្លែង​ខ្លួន​ថ្មី Omicron រំខាន​ដល់​ការស្ដារ​សេដ្ឋកិច្ច​ពិភពលោក

Content image - Phnom Penh Post
លោក ឈា ឆាយហេង ប្រធាន​ផ្នែក​ប្រឹក្សា​យោបល់​ហិរញ្ញវត្ថុ​នៃ​ក្រុមហ៊ុន ហ្គោលដេន អេហ្វ អិកស៍ លីង ឃែភីថល

មាស​មាន​ទំនោរ​កើនឡើង ខណៈ​ជំងឺ​បំប្លែង​ខ្លួន​ថ្មី Omicron រំខាន​ដល់​ការស្ដារ​សេដ្ឋកិច្ច​ពិភពលោក

តម្លៃ​មាស​បាន​ធ្លាក់ចុះ​យ៉ាងខ្លាំង​ក្នុង​រយៈពេល​ ៥ ​ថ្ងៃ ពី​តម្លៃ ១ ៨៦៦ ដុល្លារ​ក្នុង​ ១ ​អោនស៍​នៅ​ថ្ងៃទី​ ១៨ ខែវិច្ឆិកា មកដល់ ១ ៧៨៨ ​ដុល្លារ​នៅ​ថ្ងៃទី​ ២៣ ខែវិច្ឆិកា​។ ថ្ងៃ​ដែល​ធ្លាក់​នោះបាន​កើតឡើង​ស្របពេល​ដែល​ប្រធានាធិបតី​សហរដ្ឋ អាមេរិក​លោក Joe Biden បានប្រកាស​ពី​ចេតនា​របស់​គាត់​ក្នុង​ការតែងតាំង​លោក Jerome Powell សម្រាប់​អាណត្តិ​ទី​ ២ ជា​ប្រធាន​ក្រុមប្រឹក្សាភិបាល​នៃ​ប្រព័ន្ធ​ធនាគារ កណ្ដាល​សហរដ្ឋអាមេរិក​។

Content image - Phnom Penh Post

ទោះជា​យ៉ាងនេះ​ក្ដី តម្លៃ​មាស​ដែលជា​តម្លៃ​បញ្ច្រាស​ទៅ​ប្រាក់​ដុល្លារ​អាមេរិក ឥឡូវ នេះ​កំពុង​បង្កើត​ទំនោរ​កើនឡើង ខណៈ​ដែល​ជំងឺ​កូវីដ​ ១៩ បំប្លែង​ថ្មី Omicron បាន​កំពុង​ធ្វើឱ្យប៉ះពាល់​ដល់​ការស្ទុះ​ងើបឡើង​វិញ​នៃ​សេដ្ឋកិច្ច​ពិភពលោក​។ គេហទំព័រ Investing.com បានឱ្យ​ដឹងថា​៖ «​វីរុស Omicron បានធ្វើឱ្យ​ប្រទេសមួយ​ចំនួន​បិទ​ព្រំដែន​របស់​ពួកគេ​រួចទៅហើយ ហើយ​កំពុង​គំរាមកំហែង​ដល់​ការងើប​ឡើងវិញ​នៃ​សេដ្ឋកិច្ច​»​។

លោក Jerome Powell ក៏បាន​និយាយ​ដែរ​ថា​៖ «​ការកើនឡើង​នៃ​ករណី​កូវីដ​ ១៩ ថ្មីៗ និង​ការលេចឡើង​នៃ​វីរុស Omicron បង្ក​ឱ្យ​មាន​ហានិភ័យ​ដល់​កំណើន​ការងារ និង​សកម្មភាព​សេដ្ឋកិច្ច ក៏ដូចជា​ការកើនឡើង​នូវ​ភាពមិន​ច្បាស់លាស់​សម្រាប់​អតិផរណា​»​។ ក្នុង​ករណី​នេះដែរ សហរដ្ឋអាមេរិក​បាន​ដាក់​បម្រាម​ការធ្វើដំណើរ​លើ​ប្រទេស​អាហ្វ្រិក​ខាងត្បូង​មួយចំនួន ដែលមាន​ការឆ្លង​រាលដាល​ខ្លាំង​។ ម្យ៉ាងទៀត​បញ្ហា​នេះ​អាច​កាត់បន្ថយ​ឆន្ទៈ​របស់​មនុស្ស​ក្នុង​ការធ្វើ​ការងារ​ដោយផ្ទាល់ ដែល​នឹងធ្វើ​ឱ្យមាន​ដំណើរការ​យឺតយ៉ាវ​ក្នុង​ទីផ្សារការងារ និង​ធ្វើឱ្យមាន​ការរំខាន​ដល់​ខ្សែចង្វាក់​ផ្គត់ផ្គង់​កាន់តែ​ខ្លាំង នេះ​បើតាម​ការបញ្ជាក់​បន្ថែម​ពី​លោក Jerome Powell ។

តាម​លក្ខណៈ​បច្ចេកទេស​វិញ តម្លៃ​មាស​កំពុង​ប្រែប្រួល​ក្នុង​ចន្លោះ​តម្លៃ​ពី ១ ៧៧០ ទៅ ១ ៨២០ ​ដុល្លារ ហើយ​កំពុង​បង្កើត​ទម្រង់​នៃ​ទំនោរ​កើនឡើង​ក្នុង​ប្រអប់​ទីផ្សារ​។ ដូច្នេះ សម្រាប់​សប្តាហ៍​នេះ វិនិយោគិន​​អាច​រង់ចាំ​ទិញ​មាស​នៅ​តម្លៃ​ទាប​ជា​មធ្យម​ ១ ៧៨០ ​ដុល្លារ ដោយ​កំណត់​មុខងារ​ការពារ​ហានិភ័យ​នៅ​តម្លៃ ១ ៧៧០ ​ដុល្លារ​៕

Content image - Phnom Penh Post

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។