The Phnom Penh Post Search

Search form

Logo of Phnom Penh Post newspaper Phnom Penh Post - Square ​ជា​ក្រុមហ៊ុន​ទូទាត់​ទទួលបាន​ឈ្មោះ​សាជីវកម្ម​ថ្មី៖ Block




Square ​ជា​ក្រុមហ៊ុន​ទូទាត់​ទទួលបាន​ឈ្មោះ​សាជីវកម្ម​ថ្មី៖ Block

Content image - Phnom Penh Post
លោក​ Jack Dorsey អតីត​នាយក​ប្រតិបត្តិ​ក្រុមហ៊ុន​ Twitter ​និង​ជា​សហ​ស្ថាបនិក​ក្រុមហ៊ុន​ Square​។​រូបភាព​៖AFP

Square ​ជា​ក្រុមហ៊ុន​ទូទាត់​ទទួលបាន​ឈ្មោះ​សាជីវកម្ម​ថ្មី៖ Block

សហរដ្ឋអាមេរិក៖Square ជា​ក្រុមហ៊ុន​ទូទាត់​ឌីជីថល ដែល​ត្រូវបាន​សហស្ថាបនិក និង​នៅតែ​ដឹកនាំ​ដោយ​លោក Jack Dorsey អតីត​ប្រធាន​ក្រុមហ៊ុន Twitter កាលពី​ថ្ងៃ​ពុធ​បាន​ប្តូរ​ឈ្មោះ​សាជីវកម្ម​របស់ខ្លួន​ទៅជា Block ខណៈ​ដែល​ក្រុមហ៊ុន​មួយ​នេះ ពង្រីក​ទៅជា​រូបិយប័ណ្ណ​ឌីជីថល និង​ឧបករណ៍​បច្ចេកវិទ្យា​ហិរញ្ញវត្ថុ​ផ្សេងៗ​ទៀត​។

កម្មវិធី​ទូទាត់​របស់​ក្រុមហ៊ុន​ Square ​ដែលជា​ការផ្តល់ជូន​តែ​ ១ ​គត់​របស់​ក្រុមហ៊ុន​មួយ​នេះ​នៅពេល​ដែល​វា​ត្រូវបាន​បង្កើតឡើង​នៅ​ទីក្រុង​ San Francisco ដោយ​លោក​ Jim McKelvey ​និង​លោក​ Dorsey កាលពី​ឆ្នាំ​ ២០០៩ ​នឹង​រក្សា​ឈ្មោះ​របស់ខ្លួន ហើយ​ក្រុមហ៊ុន​សាធារណៈ​នៅពេល​នេះ​នឹង​បន្តធ្វើ​ពាណិជ្ជកម្ម​ក្រោម​និមិត្តសញ្ញា "SQ"​។

ក្រុមហ៊ុន Square បាន​ចាប់ផ្តើម​ផ្តល់​អាជីវកម្ម​ខ្នាតតូច​ជាមួយ​នឹង​ឧបករណ៍​ដែល​ភ្ជាប់​ជាមួយ​ទូរស័ព្ទ​ស្មាតហ្វូន ឬ​កុំព្យូទ័រ​ថេប្ល៊ិត ដើម្បី​ដំណើរការ​ការទូទាត់​កាត​ឥណទាន ឬ​ឥណពន្ធ​។

ចាប់តាំងពី​ពេលនោះ​មក ក្រុមហ៊ុន​មួយ​នេះ​បាន​ពង្រីក​ដើម្បី​រួមបញ្ចូល​កម្មវិធី​ Cash App និង​សេវាកម្ម​ចាក់​តន្ត្រី Tidal របស់ Jay-Z ។

លោក Dorsey បាន​និយាយ​នៅក្នុង​សេចក្ដី​ប្រកាស​ព័ត៌មាន​មួយ​ថា​៖ យើង​បាន​បង្កើត​យីហោ​ក្រុមហ៊ុន Square សម្រាប់​អាជីវកម្ម Seller របស់​យើង​ជា​កន្លែង​ដែលជា​កម្មសិទ្ធិ​»​។

« Block គឺជា​ឈ្មោះ​ថ្មី​មួយ ប៉ុន្តែ​គោលបំណង​នៃ​ការពង្រឹង​សេដ្ឋកិច្ច​របស់​យើង​នៅតែ​ដដែល​«​។

ការផ្លាស់ប្តូរ​ឈ្មោះ​សាជីវកម្ម​គឺ​មានន័យថា​ជា​ការយល់ព្រម​មួយ ដើម្បី​រីកចម្រើន​របស់​ក្រុមហ៊ុន ហើយ​នឹងមិន​ពាក់ព័ន្ធ​នឹង​ការរៀបចំ​រចនាសម្ព័ន្ធ​ឡើងវិញ​នោះទេ​។ នេះ​បើ​យោងតាម Block ។

ថ្មីៗ​នេះ ក្រុមហ៊ុន Facebook បាន​ប្តូរ​ឈ្មោះ​សាជីវកម្ម​របស់ខ្លួន​ទៅជា Meta ជា​វិធានការ​ស្រដៀង​គ្នា​នេះដែរ​ ខណៈ​ដែល ក្រុមហ៊ុន Google កាលពី​ជា​ច្រើន​ឆ្នាំមុន​បាន​ប្តូរ​ឈ្មោះ​សាជីវកម្ម​ទៅជា​ក្រុមហ៊ុន​ Alphabet ។

ក្រុមហ៊ុន Square បាន​ឲ្យ​ដឹង​នៅក្នុង​វេទិកា នៅក្រោម​ Twitter ​របស់​លោក​ Dorsey ​អំពី​ការផ្លាស់ប្តូរ​ឈ្មោះ​នេះ​ថា​៖ «​មិនមែន​ដើម្បី​ទទួលបាន​ Meta ​ទាំងអស់​នោះទេ​... ប៉ុន្តែ​យើង​នឹង​ទទួលយក​«​។

លោក Dorsey បាន​ស្ថិតនៅក្រោម​សម្ពាធ​កាលពី​ឆ្នាំ ២០២០ ​ពី​ក្រុមហ៊ុន​ Elliott Management ចំពេល​មាន​ការព្រួយបារម្ភ​ថា​គាត់​បាន​ពង្រីក​ខ្លួនឯង​ខ្សោយ​ពេក តាមរយៈ​ការដំណើរការ​ទាំង​ក្រុមហ៊ុន​ Twitter និង​ក្រុមហ៊ុន​ Square ។

លោក Parag Agrawal ប្រធាន​ផ្នែក​បច្ចេកវិទ្យា​របស់​ក្រុមហ៊ុន​ Twitter បាន​ឡើង​កាន់តំណែង​កំពូល​នេះ ដោយ​លោក Dorsey បាន​ឲ្យ​ដឹងថា លោក​នឹង​នៅតែ​ជា​សមាជិក​ក្រុមប្រឹក្សាភិបាល​រហូតដល់​ខែឧសភា ដើម្បី​ជួយ​ដល់​ការផ្លាស់ប្តូរ​នេះ​៕ LA

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។