.jpg)
ផលិតផលឧស្សាហកម្ម ៥៤ ប្រភេទ ពីក្រុមហ៊ុន ៣៤ បានដាក់ពាក្យទទួលស្គាល់ជាងផលិតផល KIP ក្នុងឆ្នាំ ២០២១ ប៉ុន្តែមានតែផលិតផល ៤៦ ប្រភេទ ត្រូវបានទទួលស្គាល់។ VNA
ទីក្រុងហាណូយៈ ទីក្រុងហាណូយបានដាក់ចេញផែនការដើម្បីជំរុញការអភិវឌ្ឍផលិតផលឧស្សាហកម្មសំខាន់ (KIP) នៅឆ្នាំ ២០២២ ដោយរំពឹងថាមានផលិតផលពី ៣០ ទៅ
៣៥ ប្រភេទ ដើម្បីទទួលបានការទទួលស្គាល់។
អាជ្ញាធរទីក្រុងហាណូយក៏កំពុងធ្វើការងារដើម្បីធានាក្រុមហ៊ុនដែលផលិតផលិតផល KIPs នឹងទទួលបានផលប្រយោជន៍ពីការគោលនយោបាយគាំទ្ររបស់រដ្ឋាភិបាល ហើយក្រុមហ៊ុនទាំងនោះនឹងជំរុញតម្លៃផលិតកម្មរបស់ពួកគេកើនឡើងចន្លោះ ១០-១២ ភាគរយធៀបឆ្នាំ ២០២១ ហើយរួមចំណែក ៣៥ ទៅ ៤០ ភាគរយនៃផលិតកម្មឧស្សាហកម្មសរុបរបស់ទីក្រុង ហើយ ១៥ ភាគរយនៃការនាំចេញសរុប។
ទីក្រុងហាណូយកំពុងដាក់ចេញវិធានការ ៦ ដូចជា ធ្វើឱ្យប្រសើរឡើងនូវបរិយាកាសធុរកិច្ចសម្រាប់ក្រុមហ៊ុនផលិត KIP គាំទ្រការអភិវឌ្ឍបច្ចេកវិទ្យាដល់ក្រុមហ៊ុនផលិត KIP អភិវឌ្ឍធនធានមនុស្ស ជ្រើសរើសនិងផ្តល់កិត្តិយសក្រុមហ៊ុនផលិត KIP លើកកម្ពស់ពាណិជ្ជកម្មនិងការវិនិយោគ ហើយ ដាក់ចេញគោលនយោបាយគាំទ្រ។
កាលពីពេលមុន ទីក្រុងហាណូយបានផ្តល់កិត្តិយសដល់ផលិតផល ២៦ ប្រភេទ ជាផលិតផលឧស្សាហកម្មសំខាន់ក្នុងឆ្នាំ ២០២០ ហើយ ផលិតផល ៤៦ ប្រភេទនៅឆ្នាំនេះ។ រហូតដល់ពេលនេះ ទីក្រុងហាណូយបានទទួលស្គាល់ផលិតផល ១៦៣ ប្រភេទពីក្រុមហ៊ុន ១០៧ បន្ទាប់ពីរយៈពេល ៤ ឆ្នាំ ពីឆ្នាំ ២០១៨ ដល់ឆ្នាំ ២០២១។ សម្រាប់រយៈពេល ២០២១-២០២៥, អាជ្ញាធរក្រុងមានបំណងទទួលស្គាល់ផលិតផលពី ១៥០ ទៅ ១៨០ ប្រភេទជាផលិតផលឧស្សាហកម្មសំខាន់។
អាជ្ញាធរទីក្រុងហាណូយសង្ឃឹមថា ការទទួលស្គាល់ KIP នឹងបន្ថែមតម្លៃដល់ឈ្មោះយីហោ ដែលអនុញ្ញាតឱ្យពួកគេដើម្បីទទួលបានតម្លៃកាន់តែប្រសើរ ចំពេលការរីករាលដាលជំងឺ ហើយបង្កើតលក្ខខណ្ឌគាំទ្រសម្រាប់ការអភិវឌ្ឍ។
ទន្ទឹមនឹងនោះដែរ ឧបសម្ព័ន្ធផលិតកម្មឧស្សាហកម្មរបស់ទីក្រុងហាណូយក្នុងខែវិច្ឆិកា កើនឡើង ៤,៨ ភាគរយធៀបខែតុលា និង ៧,១ ភាគរយ ប្រៀបធៀបទៅនឹងរយៈពេលដូចគ្នាកាលពីឆ្នាំមុន៕ VNS-ANN/RR
