ទិដ្ឋភាពរោងចក្រថាមពលដើរដោយធ្យូងថ្មនោភាគខាងជើងនៃខេត្ត Thai Binhប្រទេសវៀតណាម។ VNA
ទីក្រុងហាណូយៈ វៀតណាមនឹងមិនអភិវឌ្ឍរោងចក្រថាមពលដើរដោយធ្យូងថ្ម បន្ទាប់ពីឆ្នាំ២០៣០ ដើម្បីបំពេញការប្តេជ្ញាចិត្តជាអន្តរជាតិរបស់ខ្លួនលើការសម្រេចការបំភាយកាបូនសូន្យត្រឹមឆ្នាំ២០៥០។
ក្រៅពីនោះ រដ្ឋាភិបាលបានប្រគល់ឱ្យក្រសួងឧស្សាហកម្ម និងពាណិជ្ជកម្ម (MoIT)សិក្សា និងអនុវត្តផែនការអភិវឌ្ឍន៍ថាមពលជាតិរយៈពេល ២០២១-៣០ ជាមួយនឹងចក្ខុវិស័យដល់ឆ្នាំ២០៤៥ (PDP8) ដើម្បីដាក់បញ្ចូលនូវវិធានការកាត់បន្ថយការបំភាយឧស្ម័នផ្ទះកញ្ចក់។ ដើម្បីសម្រេចបានការបំភាយកាបូនសុទ្ធត្រឹមឆ្នាំ២០៥០តាមការប្តេជ្ញាចិត្តរបស់នាយករដ្ឋមន្ត្រីវៀតណាម លោក Pham Minh Chinhនៅសន្និសីទស្តីពីការប្រែប្រួលអាកាសធាតុ (COP26)។
ក្រោមទិសដៅនេះ ក្រសួងMoIT នឹងត្រួតពិនិត្យមើលរោងចក្រថាមពលដើរដោយធ្យូងថ្ម នឹងមិនត្រូវអភិវឌ្ឍបន្ថែមទៀតទេ និងស្វែងរកប្រភពថាមពលផ្សេងសម្រាប់រោងចក្របន្ទាប់ពីឆ្នាំ២០៣០។
ក្រៅពីនោះ រដ្ឋាភិបាលក៏តម្រូវឱ្យក្រសួងMoIT ធ្វើផែនទីលើគោលនយោបាយលើកទឹកចិត្តដើម្បីអភិវឌ្ឍថាមពលខ្យល់នៅតាមតំបន់សមុទ្រ។
រដ្ឋាភិបាលក៏បានកត់សម្គាល់ថា វាក៏ត្រូវការដើម្បីស្រាវជ្រាវគោលនយោបាយ និងដំណោះស្រាយសម្រាប់ការប្រើប្រាស់ប្រភពថាមពលព្រះអាទិត្យប្រកបដោយប្រសិទ្ធភាព។
ក្រសួង MoIT ត្រូវតែបញ្ជាក់ឱ្យច្បាស់នូវលក្ខណវិច្ឆ័យនៃគម្រោងសំខាន់ៗ និងអាទិភាពលើការវិនិយោគដើម្បីធានាការអនុវត្តនៃ PDP8 ដើម្បីបើកចំហ តម្លាភាព និងអនុវត្តបាន។
ក្រៅពីនេះ វាមានសារៈសំខាន់ដើម្បីស្នើប្រកបដោយប្រសិទ្ធភាពនិងយន្តការគ្រប់គ្រងអាចអនុវត្តបាន ដើម្បីធានាថា PDP8 ទទួលបានជោគជ័យ និងចៀសវាងការខ្វះខាតថាមពលអគ្គិសនីនៅក្នុងប្រទេស។
ក្រសួង MoITកំពុងសម្រួល PDP8 ដែលផ្តល់ផែនទីបង្ហាញផ្លូវសម្រាប់វិស័យថាមពលរបស់ប្រទេស រួមទាំងបញ្ជីពេញលេញនៃគម្រោងដែលបានស្នើឡើង។
នៅក្រោមកំណែចុងក្រោយបំផុតនៃផែនការដែលរៀបចំដោយ ក្រសួង MoITក្នុងសន្និសីទកាលពីខែមុន សមត្ថភាពផលិតថាមពលពី LNG ដែលនាំចូលថ្មីនឹងត្រូវកាត់បន្ថយមកត្រឹម ២២,៤ជីហ្គាវ៉ាត់ (GW)នៅឆ្នាំ២០៣០ពី៤០,៩៥ GW នៅក្នុងសេចក្តីព្រាងដែលបានចេញផ្សាយកាលពីខែមីនា។ សមត្ថភាពផលិតថាមពលដែលបានគ្រោងទុកពី LNGថ្មីនៅឆ្នាំ២០៤៥ក៏នឹងធ្លាក់ចុះមកត្រឹម៥៥,៧៥GWពី៨៣,៥៥GWនៅក្នុងសេចក្តីព្រាងខែមីនា។
ទោះជាយ៉ាងណាក៏ដោយ សមត្ថភាពផលិតថាមពលពីឧស្ម័នធម្មជាតិក្នុងស្រុក និងការបំប្លែងរោងចក្រធ្យូងថ្មទៅជា LNGនឹងរក្សាមិនផ្លាស់ប្តូរនៅ១៤,៧៨GW ត្រឹមឆ្នាំ២០៣០នៅក្នុងសេចក្តីព្រាងច្បាប់ថ្មី។
នៅក្នុងសេចក្តីព្រាងខែមីនាការផលិតថាមពលដោយធ្យូងថ្មនឹងត្រូវកាត់បន្ថយមកត្រឹម៣៩,៧ GW នៅឆ្នាំ២០៣០នៅក្នុងសេចក្តីព្រាងចុងក្រោយបង្អស់ ដែលធ្លាក់ចុះពី៤៦,៤GW៕ VNS-ANN/RR
