The Phnom Penh Post Search

Search form




Logo of Phnom Penh Post newspaper Phnom Penh Post - BeeApp នឹង​ជួយ​សម្រួល​ដល់​ផ្នែក​ពាក់ព័ន្ធ​នានា​ក្នុង​វិស័យ​កសិកម្ម

BeeApp នឹង​ជួយ​សម្រួល​ដល់​ផ្នែក​ពាក់ព័ន្ធ​នានា​ក្នុង​វិស័យ​កសិកម្ម

Content image - Phnom Penh Post
លោក ម៉ាក ចំរើន ប្រធាន​ក្រុមហ៊ុន Agribee​។ រូបថត សហការី

BeeApp នឹង​ជួយ​សម្រួល​ដល់​ផ្នែក​ពាក់ព័ន្ធ​នានា​ក្នុង​វិស័យ​កសិកម្ម

ភ្នំពេញៈ Agribee(Cambodia) គឺជា​ក្រុមហ៊ុន​បច្ចេកវិទ្យា​ផ្នែក​កសិកម្ម​ដែល​ជួយ​សម្រួល​គ្រប់ភាគី​ពាក់ព័ន្ធ​ទាំងអស់​ក្នុង​វិស័យ​កសិកម្ម​។ តាមរយៈ​ថ្នាល​បច្ចេកវិទ្យា​ដែល​ខ្លួន​កំពុង​អភិវឌ្ឍ​ (BeeApp) Agribee នឹង​ជួយ​សម្រួល​ដល់​គ្រប់ភាគី​ពាក់ព័ន្ធ​ទាំងអស់​ក្នុង​វិស័យ​កសិកម្ម​តាមរយៈ​ការផ្ដល់​នូវ​ការសម្របសម្រួល​ដើមទុន បច្ចេកទេស​កសិកម្ម ទីផ្សារ​លក់​កសិផល និង​សេវា​គាំទ្រ​ផ្សេងៗ​ទៀត​ដល់​គ្រប់ភាគី​ពាក់ព័ន្ធ​ក្នុង​ការអនុវត្ត​សកម្មភាព​របស់​ពួកគេ​ឱ្យ​កាន់តែ​ប្រសើរ ដើម្បី​ធ្វើឱ្យ​វិស័យ​កសិកម្ម​កម្ពុជា​រីកចម្រើន​។

លោក ម៉ៃ គុណមករា ការីនិពន្ធ​ព័ត៌មាន​សេដ្ឋកិច្ច​កាសែត​ភ្នំពេញ​ប៉ុស្តិ៍ បាន​ជួប​សម្ភាស​លោក ម៉ាក ចំរើន ប្រធាន Agribee (Cambodia) ដើម្បី​ចង់ដឹង​អំពី​អ្វីដែល Agribee កំពុង​ធ្វើ និង​ការរួមចំណែក​កែលម្អ​ខ្សែចង្វាក់​តម្លៃ​កសិកម្ម​កម្ពុជា​។

កសិករ​គឺជា​តួអង្គ​ដែល​ងាយ​រងគ្រោះ​បំផុត​នៅក្នុង​វិស័យនេះ ខណៈ​បញ្ហា​ទីផ្សារ​គឺជា​ឧបសគ្គ​ដ៏សំខាន់​។ តើ​ក្រុមហ៊ុន​លោក​អាច​ដោះស្រាយ​បញ្ហា​នោះ​ដោយ​របៀប​ណា​?

យើង​ចាត់ថ្នាក់​កសិករ​ងាយរងគ្រោះ​ជា​ ៣ ​ដំណាក់កាល​៖

១-​ដំណាក់កាល​ផ្តល់​មូលនិធិ​៖ កសិករ​ត្រូវបាន​គេ​ស្គាល់​ថា ជា​ក្រុម​ងាយ​ទទួលរង​គ្រោះ​ក្នុងការ​ទទួល​បាន​ហិរញ្ញប្បទាន​មាន​ការប្រាក់​ខ្ពស់ ហើយ​ត្រូវ​ចាត់ទុកថា​ «​ជាការ​ផ្តល់​ហិរញ្ញប្បទាន​មាន​ហានិភ័យ​ខ្ពស់​» ដោយសារ​កត្តា​ជាច្រើន​ដូចជា ការគោរពវិន័យ​មាន​កម្រិត​ទាប និង​ចំណេះដឹង​ផ្នែក​ហិរញ្ញវត្ថុ​នៃ​របៀប​ប្រើប្រាស់​មូលនិធិ​នៅ​កម្រិត​ទាប​។ កសិករ​ភាគច្រើន​បានទទួល​ហិរញ្ញប្បទាន​ពី​គ្រឹះស្ថាន​ហិរញ្ញវត្ថុ​ជា​សាច់ប្រាក់​។ នៅពេល​មនុស្ស​បានទទួល​កម្ចី​ជា​សាច់ប្រាក់​ (​ទាំង​ក្នុង​គណនី​ធនាគារ ឬ​ជា​សាច់ប្រាក់​ផ្ទាល់​) ពួកគេ​អាច​ប្រើប្រាស់​ដោយ​សេរី​សម្រាប់​គោលបំណង​ណាមួយ​ប្រាសចាក​ពី​កិច្ចព្រមព្រៀង​ប្រាក់កម្ចី​របស់​ពួកគេ​។ បន្ទាប់ពី​បទពិសោធ​ជាមួយ​កសិករ​ចំនួន ៥ ០០០ ​នាក់​នៅក្នុង​ខេត្ត​ចំនួន ​១៤ យើង​បាន​កត់សម្គាល់​ឃើញថា កសិករ​ភាគច្រើន​ (៨០ ​ភាគរយ​) បាន​ទិញ​ផលិតផល​កសិកម្ម «​ទិញជឿ​» ដែល​មានន័យថា ពួកគេ​បាន​យក​ធាតុ​ចូល​កសិផល​ពី​ហាង​ធាតុ​ចូល​កសិកម្ម ដោយមាន​តម្លៃ​កាន់តែ​ខ្ពស់ ហើយ​សង​ទៅវិញ​នៅពេល​ប្រមូល​ផល​។ បន្ទាប់មក​តម្លៃ​កម្ចី​នឹង​កើន​ពី ៣-៥ ​ភាគរយ នៅក្នុង ១ ​ខែ ខណៈ​ពួកគេ​នៅតែ​ជំពាក់​ស្ថាប័ន​ហិរញ្ញវត្ថុ​ពី​ ១,៥ ​ភាគរយ​ទៅ ២,៥ ​ភាគរយ​ដដែល​។ ជា​ដំណោះស្រាយ Agribee នឹង​ផ្តល់នូវ​ដំណោះស្រាយ​ការទូទាត់​តាម​ឌីជីថល ដែល​កសិករ​មិនអាច​ដក​ប្រាក់​បាន និង​អាច​មាន​សក្តានុពល​ក្នុង​ការប្រើប្រាស់​មូលនិធិ​ខុស​។

២- ដំណាក់កាល​មុន​ប្រមូល​ផល ឬ​ដំណាក់កាល​ដាំដុះ៖ យើង​គាំទ្រ​កសិករ​ឱ្យទទួល​បាន​តម្លៃ​កាន់តែ​ទាប គុណភាព​កាន់តែ​ខ្ពស់ និង​មាន​ការបញ្ជាក់​អំពី​ទិន្នផល​កសិកម្ម​នៅ​ (BeeShop) ​ជា​ហាង​ទិន្នផល​កសិកម្ម​ចំនួន​ ៣៥០ របស់​យើង​តាមរយៈ​ថា្នល BeeApps​។ នៅក្នុង​ចំណុច​នេះ​យើង​ក៏បាន​ធ្វើការ​ជាមួយ​ក្រុមហ៊ុន Cros Insurance Albo (​ក្រុមហ៊ុន​ធានារ៉ាប់រង​ដំណាំ​មូលដ្ឋាន​របស់​អាមេរិក​កាលពី​ឆ្នាំ​ ២០២០ និង​ជាមួយ​ក្រុមហ៊ុន Forte សម្រាប់​ឆ្នាំ​ ២០២២) ដើម្បី​ការពារ​កសិករ​ពី​គ្រោះធម្មជាតិ​។ ឧទាហរណ៍ បើ​ដំណាំ​កសិកម្ម​រង​ផលប៉ះពាល់​ដោយសារ​ទឹកជំនន់ ឬ​គ្រោះរាំងស្ងួត​នោះ​ក្រុមហ៊ុន​ធានារ៉ាប់រង​នឹង​ទទួល​រ៉ាប់រង​ការចំណាយ​សម្រាប់​កសិករ ហើយ​ថែមទាំង​ការពារ​ប្រាក់កម្ចី​ដែល​ផ្តល់​មូលនិធិ​ពី MFI ផងដែរ​។ កសិករ​អាច​ទទួលបាន​ការប្រឹក្សា​យោបល់​ផ្នែក​បច្ចេកទេស​កសិកម្ម​ពី​ភាគី​ពាក់ព័ន្ធ​សំខាន់ៗ​របស់ Agribee ក៏ដូចជា​ក្រុមហ៊ុន​ផ្គត់ផ្គង់​ធាតុ​ចូល​កសិកម្ម​ជាដើម​។

៣-​ដំណាក់កាល​ក្រោយ​ការប្រមូលផល៖ Agribee បានរៀបចំ​ការត្រៀមខ្លួន​ផ្នែក​ទីផ្សារ​សម្រាប់​កសិករ​។ ពួកគេ​អាច​ចុះហត្ថលេខា​លើ​កិច្ចសន្យា​តម្លៃ​ថេរ (​ការធ្វើ​កសិកម្ម​តាម​កិច្ចសន្យា​) មុនពេល​ការដាំដុះ ឬ​ពួកគេ​អាច​លក់​ទៅ​ក្រុមហ៊ុន Crops Trader របស់ Agribee តាមរយៈ BeeApps នៅលើ​តម្លៃ​ទីផ្សារ​។ ប្រាក់កម្ចី​នឹងត្រូវ​បាន​ទូទាត់​តាមរយៈ BeeApps នៅពេល​ដែល​ពួកគេ​លក់​ដំណាំ​កសិកម្ម និង​ទទួល​បាន​ការទូទាត់​ពី Crops Trader​។

ក្នុង​អំឡុងពេល​វិបត្តិ​សុខភាព​វិស័យ​កសិកម្ម​ទទួល​កំណើន​គួរឱ្យ​កត់សម្គាល់ ប៉ុន្តែ​យើង​នៅតែ​ប្រឈមមុខ​នឹង​បញ្ហា​ជាច្រើន ដោយសារតែ​ផលិតផល​យើង​ភាគច្រើន​ត្រូវបាន​នាំចេញ​ជា​វត្ថុធាតុដើម​។ តើ​លោក​មើលឃើញ​ឧបសគ្គ​អ្វីខ្លះ​ទាក់ទង​នឹង​ការទាក់ទាញ​ការវិនិយោគ​បន្ថែមទៀត​ក្នុង​ឧស្សាហកម្ម​កែច្នៃ​?

មាន​ឧបសគ្គ​តិចតួច​ដែល​យើង​អាច​ឮជា​ទូទៅ​ពី​ក្រុម​អ្នកជំនាញ​ដូចជា​បញ្ហា​ហេដ្ឋារចនាសម្ព័ន្ធ​ (​ឡូជីស្ទីក ប្រព័ន្ធ​ធារាសាស្ត្រ ការសម្ងួត និង​ការស្តុក​ទុក ការកែច្នៃ​) និង​ការផ្តល់​មូលនិធិ​។

ទោះយ៉ាងណា​ក៏ដោយ តាម​ទស្សនៈ​របស់ Agribee បញ្ហា​ប្រឈម​បំផុត​គឺ​ការផ្តាច់​ទំនាក់ទំនង​របស់​ភាគី​ពាក់ព័ន្ធ​ក្នុង​វិស័យ​កសិកម្ម​។ កសិករ​មិនអាច​ទទួល​បាន​ហិរញ្ញប្បទាន​ដោយ​ងាយស្រួល​ទេ គ្រឹះស្ថាន​ហិរញ្ញវត្ថុ​មិនអាច​ផ្តល់​មូលនិធិ​ដល់​អតិថិជន​របស់​ពួកគេ​បានទេ ដោយសារ​ខ្វះ​ទិន្នន័យ​ភាពត្រឹមត្រូវ​នៃ​ឥណទាន​។​ល​។

Agribee គឺជា​ថ្នាល​គ្រប់គ្រង​ខ្សែចង្វាក់​តម្លៃ​កសិកម្ម​ជាក់ស្ដែង ហើយក៏​ជា​ថ្នាល​ទូទាត់​សម្រាប់​ខ្សែចង្វាក់​តម្លៃ​កសិកម្ម​ផងដែរ​ដែល​អាចជួយ​សម្រួល​ពួកគាត់​បាន​។

តើ​ផែនការ​របស់ Agribee សម្រាប់​ឆ្នាំ​ ២០២២ ​គឺជា​អ្វី​?

ចក្ខុវិស័យ​របស់ Agribee គឺ​ដើម្បី​គាំទ្រ​ផលិតកម្ម​ស្រូវ​អង្ករ​ប្រកប​ដោយ​និរន្តរភាព​ (SRP) ហើយនឹង​ចូលរួម​ក្នុង​កិច្ចខិតខំ​ប្រឹងប្រែង​ជាមួយ​រដ្ឋាភិបាល​កម្ពុជា ដើម្បី​សម្រេចបាន​នូវ​ការនាំចេញ​អង្ករ ១ ​លាន​តោន​ទៅកាន់​ទីផ្សារ​ក្រៅប្រទេស​។ យើង​កំណត់​គោលដៅ​លើ​កសិករ​ ១០០ ០០០ ​នាក់ ហាង BeeShop ចំនួន ៣ ០០០ ក្រុមហ៊ុន BeeDepo ចំនួន ៣០០ ម៉ាស៊ីនកិនស្រូវ ១០០ Crop Traders ១០០ ​នាក់ អ្នកផ្គត់ផ្គង់​កសិកម្ម ២០ ​នាក់ ពាណិជ្ជករ​ស្រូវ​អង្ករ ១០ ​នាក់ និង​យ៉ាងហោចណាស់​ស្ថាប័ន​ហិរញ្ញវត្ថុ​ចំនួន​ ១០ ​លើ​ខ្សែចង្វាក់​តម្លៃ​របស់ AgriBee ឬ​ប្រព័ន្ធ​អេកូឡូស៊ី​៕ LA

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។