The Phnom Penh Post Search

Search form




Logo of Phnom Penh Post newspaper Phnom Penh Post - ធនាគារ មេយប៊ែង ត្រូវ​បាន​ទទួល​ស្គាល់​ជា​ធនាគារ​អន្តរជាតិ​ល្អ​បំផុត​នៅ​កម្ពុជា​ឆ្នាំ ២០២១

ធនាគារ មេយប៊ែង ត្រូវ​បាន​ទទួល​ស្គាល់​ជា​ធនាគារ​អន្តរជាតិ​ល្អ​បំផុត​នៅ​កម្ពុជា​ឆ្នាំ ២០២១

Content image - Phnom Penh Post
ធនាគារ មេយប៊ែង ត្រូវ​បាន​ទទួល​ស្គាល់​ជា​ធនាគារ​អន្តរជាតិ​ល្អ​បំផុត​នៅ​កម្ពុជា​ឆ្នាំ ២០២១។ រូបថត សហការី

ធនាគារ មេយប៊ែង ត្រូវ​បាន​ទទួល​ស្គាល់​ជា​ធនាគារ​អន្តរជាតិ​ល្អ​បំផុត​នៅ​កម្ពុជា​ឆ្នាំ ២០២១

ធនាគារ មេយប៊ែង កម្ពុជា​ត្រូវ​បាន​ទទួល​ស្គាល់​ជា​ ធនាគារ​អន្តរជាតិ​ល្អ​បំផុត​នៅ​កម្ពុជា​រយៈពេល ២ ឆ្នាំ​ជាប់​គ្នា ពី​កម្មវីធី​ផ្តល់​ពាន​រង្វាន់ Asiamoney Best Bank Awards តាមរយៈ​ការ​ដាក់​បញ្ចូល​ចីរភាព​ទៅ​ក្នុង​ដំណើរការ​អាជីវកម្ម និង​ការ​ផ្តួចផ្តើម​សហគមន៍​នានា ដែល​រួមមាន​កិច្ច​ខិតខំ​ប្រឹងប្រែង​របស់​ធនាគារ​ក្នុង​ការ​បង្កើន​បរិយាប័ន្ន​ហិរញ្ញវត្ថុ​ទូទាំង​តំបន់។

លោក ដាតុ ហានីវ ស៊ូហាឌី នាយក​ប្រតិបត្តិ​ធនាគារ មេយប៊ែង (ខេមបូឌា) ភីអិលស៊ី​បាន​មាន​ប្រសាសន៍៖ «ពួក​យើង​ពិត​ជា​មាន​សេចក្ដី​សោមនស្ស​រីករាយ​យ៉ាង​ខ្លាំង សម្រាប់​ការ​ឈ្នះ​ពាន​រង្វាន់​ប្រកប​ដោយ​កិត្យានុភាព​មួយ​នេះ បើ​ទោះបី​ជា​ពួក​យើង​កំពុង​តែ​ឆ្លង​កាត់​ពេលវេលា​ដ៏​លំបាក ដែល​ពិភព​លោក​ទាំង​មូល​កំពុង​តែ​ប្រឈម​នឹង​បញ្ហា​នានា​ ដែល​បណ្តាល​មក​ពី​ជំងឺ​រាតត្បាត​កូវីដ ១៩ ក្តី។ សមិទ្ធផល​មួយ​នេះ គឺ​អាច​កើត​ឡើង​បាន​ដោយ​មាន​ការ​គាំទ្រ និង​ទំនុក​ចិត្ត​ពី​អតិថិជន សហគមន៍ និង​ភាគី​ពាក់ព័ន្ធ​របស់​ពួក​យើង»។

Content image - Phnom Penh Post
ស្នាក់ការកណ្ដាលធនាគារមេយប៊ែង តាមបណ្ដោយមហាវិថីព្រះនរោត្តម រាជធានីភ្នំពេញ។ រូបថត សហការី

កាល​ពី​ឆ្នាំ​មុន ធនាគារ មេយប៊ែង ក៏​បាន​សម្រេច​បាន​នូវ​ជោគជ័យ​ថ្មី​មួយ ដែល​ត្រូវ​បាន​ជ្រើសរើស​ជា​ធនាគារ អន្តរជាតិ​ដំបូង​គេ​បង្អស់ ដោយ​ធនាគារ​ជាតិ​នៃ​កម្ពុជា ដើម្បី​ចូលរួម​ក្នុង​ការ​ផ្តួចផ្តើម និង​ដាក់​ឱ្យ​ដំណើរការ​សេវា​ផ្ទេរ​ប្រាក់​ឆ្លង​ប្រទេស មេយប៊ែង-បាគង។ នេះ​គឺ​ជា​លើក​ដំបូង​គេ​បង្អស់​ចំពោះ​ដំណោះស្រាយ​នៃ​សេវាកម្ម​ផ្ទេរ​ប្រាក់​ឆ្លង​ប្រទេស​ដែល​បាន​ដាក់​ចេញ​ឱ្យ​ដំណើរការ​នៅ​លើ​ទីផ្សារ​ក្នុង​ប្រទេស​កម្ពុជា តាមរយៈ​បច្ចេកវិទ្យា​ដែល​មាន​ភាព​ច្នៃ​ប្រឌិត Blockchain-based។

លោក ដាតុ ហានីវ​ មាន​ប្រសាសន៍​បន្ថែម​ថា៖ «ខណៈ​ពេល​ដែល​ឆ្នាំ ២០២២ បាន​មក​ដល់ ពួក​យើង​នៅ​តែ​បន្ដ​ប្ដេជ្ញា​ចិត្ត​ក្នុង​ការ​បម្រើ​សេវាកម្ម និង​ការ​អភិវឌ្ឍ​ផ្សេងៗ​ ជូន​អតិថិជន​របស់​ពួក​យើង​ក៏​ដូច​ជា​សហគមន៍​ទៅ​លើ​ផ្នែក​ឌីជីថល និង​ប្រកប​ដោយ​ចីរភាព»។

«នៅ​ក្នុង​ចំណោម​ការ​ផ្តួចផ្តើម​នានា ពួក​យើង​រំពឹង​ឆ្ពោះ​ទៅ​រក​ការ​ពង្រីក​វិសាលភាព​នៃ​ការ​ផ្ញើ​ប្រាក់​ឆ្លង​ប្រទេស​តាម​ប្រព័ន្ធ​បាគង​ឱ្យ​កាន់​តែ​ទូលំទូលាយ បង្កើន​ការ​ផ្តល់​ជូន​ដំណោះស្រាយ​ហិរញ្ញវត្ថុ​បុគ្គល និង​អាជីវកម្ម​កាន់​តែ​ល្អ​ប្រសើរ ដែល​រួម​បញ្ចូល​នូវ​ការ​ផ្តល់​ជូន​នៃ​ប័ណ្ណ​ឥណទាន​ទៅ​លើ​ផលិតផល​របស់​ពួក​យើង»។

កាល​ពី​ដើម​ខែ​តុលា ឆ្នាំ​មុន ធនាគារ មេយប៊ែង បាន​ឈ្នះ​ពាន​រង្វាន់ ធនាគារ​បុគ្គល​ល្អ​បំផុត​នៅ​ប្រទេស​កម្ពុជា ហើយ​ទទួល​បាន​ការ​កោត​សរសើរ​ចំពោះ​គំនិត​ផ្ដួចផ្ដើម​ផ្នែក​ទំនួល​ខុស​សង្គម​ល្អ​បំផុត​ពី​កម្មវិធី Annual Retail Banker Asia Trailblazer Awards ឆ្នាំ ២០២១ ផង​ដែរ៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។