The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន​ចុះបញ្ជី​តាម​ «Single Portal» កើន​ដល់ ១០ ៥៣៦

ក្រុមហ៊ុន​ចុះបញ្ជី​តាម​ «Single Portal» កើន​ដល់ ១០ ៥៣៦

Content image - Phnom Penh Post
បុរស​ម្នាក់​កំពុង​ស្វែងរក​របៀប​នៃ​ការចុះបញ្ជី​តាម​ «Single Portal​។ ហុង មិនា

ក្រុមហ៊ុន​ចុះបញ្ជី​តាម​ «Single Portal» កើន​ដល់ ១០ ៥៣៦

ភ្នំពេញៈ ក្រុមហ៊ុន​ចំនួន ១០ ៥៣៦ បាន​ចុះបញ្ជី​ដោយ​ជោគជ័យ​តាមរយៈ​ការចុះបញ្ជី​អាជីវកម្ម​តាម​ថ្នាល​បច្ចេកវិទ្យា​ព័ត៌មាន​ «Single Portal» នា​រយៈពេល ១៨ ​ខែ បន្ទាប់ពី​កម្មវិធី​នេះ​ត្រូវបាន​រាជរដ្ឋាភិបាល​កម្ពុជា​ប្រកាស​ដាក់ឱ្យ​ដំណើរការ​ជា​ផ្លូវការ​កាលពី​ពាក់កណ្តាល​ឆ្នាំ​ ២០២០​។

តួលេខ​វឌ្ឍនភាព​នៃ​ប្រព័ន្ធ​ចុះបញ្ជី​អាជីវកម្ម​តាម​ថ្នាល​បច្ចេកវិទ្យា​ព័ត៌មាន​បង្ហាញថា គិត​ត្រឹម​រសៀល​ថ្ងៃទី ​១២ ខែមករា ឆ្នាំ​ ២០២២ ក្រុមហ៊ុន​ដែល​បាន​ចុះបញ្ជី​ដោយ​ជោគជ័យ​មាន​ចំនួន​សរុប ១០ ៥៣៦ ចំណែក​ក្រុមហ៊ុន​ដែល​ស្ថិតក្នុង​ដំណាក់កាល​ត្រួតពិនិត្យ​មាន​ចំនួន ១ ១៤៩​។

ជាមួយ​គ្នា​នេះដែរ ចំនួន​នាម​ករណ៍​បម្រុង​ទុក​ដែល​ទទួល​ជោគជ័យ​មាន ៨ ២៧២ និង​កំពុង​ត្រួតពិនិត្យ​មាន​ចំនួន ៣៥៨​។

ប្រព័ន្ធ​នៃ​ការចុះបញ្ជី​អាជីវកម្ម​តាម​ថ្នាល​បច្ចេកវិទ្យា​ព័ត៌មាន ត្រូវបាន​រដ្ឋាភិបាល​កម្ពុជា​ដាក់ឱ្យ​ដំណើរការ​កាលពី​ថ្ងៃទី​ ១៥ ខែមិថុនា ឆ្នាំ​ ២០២០ ​ដោយបាន​ដាក់​ក្រសួង និង​ស្ថាប័នរដ្ឋ​ចំនួន ៦ ជាមួយ​គ្នា​។

ក្រសួង និង​ស្ថាប័ន​ទាំង ៦ រួមមាន ក្រសួង​សេដ្ឋកិច្ច និង​ហិរញ្ញវត្ថុ​, ក្រសួងពាណិជ្ជកម្ម​, ក្រសួងមហាផ្ទៃ​, ក្រសួង​ការងារ និង​បណ្ដុះបណ្ដាល​វិជ្ជាជីវៈ​, អគ្គនាយកដ្ឋាន​ពន្ធដារ​, និង​ក្រុម​ប្រឹក្សា​អភិវឌ្ឍន៍​កម្ពុជា​។ បន្ថែម​ពីលើ​នេះ កាលពី​ថ្ងៃទី​ ១ ខែកញ្ញា ឆ្នាំ​ ២០២១ រដ្ឋាភិបាល​ក៏បាន​ដាក់បញ្ចូល​ក្រសួង​ស្ថាប័ន​ថ្មី​ចំនួន ៤ ថែមទៀត​នៅក្នុង​ដំណាក់កាល​ទី ​២ រួមមាន ក្រសួង​ទេសចរណ៍​, ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍​, ក្រសួង​ប្រៃសណីយ៍ និង​ទូរគមនាគមន៍ និង​និយតករ​អាជីវកម្ម​អចលនវត្ថុ និង​បញ្ចាំ​នៃ​សេវា​ហិរញ្ញវត្ថុ​មិនមែន​ធនាគារ​។

អនុប្រធាន​សភាពាណិជ្ជកម្ម​កម្ពុជា​លោក លឹម ហេង បាន​ប្រាប់​ភ្នំពេញ-ប៉ុស្តិ៍​ថា ចាប់តាំងពី​ប្រព័ន្ធ​ចុះបញ្ជី​អាជីវកម្ម​តាម​ថ្នាល​បច្ចេកវិទ្យា​ព័ត៌មាន​ត្រូវបាន​ដាក់ឱ្យ​ដំណើរការ វា​ទទួល​បាន​នូវ​ការសាទរ​យ៉ាងច្រើន​ទៅលើ​ប្រសិទ្ធភាព និង​ជា​ជំហាន​វិជ្ជមាន​ក្នុង​ការបន្ធូរបន្ថយ​បរិយាកាស​អាជីវកម្ម​សម្រាប់​វិស័យ​ឯកជន ព្រមទាំង​បាន​ជួយ​កាត់បន្ថយ​ពេលវេលា ថវិកា និង​នីតិវិធី​ស្មុគស្មាញ​ជាច្រើន​។ លោក​បាន​បន្តថា ការកែទម្រង់​នៅក្នុង​វិស័យ​សេដ្ឋកិច្ច​ដែល​រាជរដ្ឋាភិបាល​កំពុង​ធ្វើ បាននិង​កំពុង​នាំមក​នូវ​សញ្ញា​វិជ្ជមាន​ក្នុង​ការបង្កើន​ទំនុកចិត្ត​ក្នុងចំណោម​វិស័យ​ឯកជន ដោយ​មិនមាន​ភាពស្ទាក់ស្ទើរ​ក្នុងការ​ពង្រីក​អាជីវកម្ម ឬ​បើក​អាជីវកម្ម​ថ្មី​នោះទេ​។

លោក​លើកឡើង​ថា​៖ «​សមាជិក​ទាំងអស់​របស់​សភាពាណិជ្ជកម្ម​កម្ពុជា និង​ក្រុម​វិនិយោគិន​បរទេស​ស្វាគមន៍​ចំពោះ​នីតិវិធី​ក្នុង​ការចុះបញ្ជី​អាជីវកម្ម​តាម​ថ្នាល​បច្ចេកវិទ្យា​ព័ត៌មាន ដែល​អាច​សន្សំ​ការចំណាយ ពេលវេលា និង​ការិយាធិបតេយ្យ​។ ជាមួយគ្នានេះ វា​កាន់តែ​ងាយស្រួល ដោយសារ​តែ​យើង​អាច​ចុះបញ្ជី​នៅ​កន្លែង​ណាក៏ដោយ​ឱ្យតែ​យើង​ចង់​»​។

លោក មាស សុខសេនសាន អ្នកនាំពាក្យ​ក្រសួង​សេដ្ឋកិច្ច និង​ហិរញ្ញវត្ថុ ធ្លាប់បាន​ប្រាប់​ភ្នំពេញ​ប៉ុស្តិ៍​ថា កាលពីមុន​បានឱ្យដឹងថា Single Portal នឹង​តម្រូវឱ្យ​ក្រុមហ៊ុន​បំពេញបែបបទ​ចុះបញ្ជី​អាជីវកម្ម​តែម្ដង ដោយ​ត្រូវការ​ពេលវេលា​ច្រើន​បំផុត ៨ ​ថ្ងៃ​។ លោក​បាន​កត់សម្គាល់ថា ទិន្នន័យ​ទាំងអស់​ដែល​បាន​ដាក់ជូន​ដោយ​ក្រុមហ៊ុន​នានា ស្ថិតក្រោម Single Portal មួយ​នេះ​នឹងត្រូវ​បញ្ជូន​ដោយ​ស្វ័យប្រវត្ដិ​ទៅកាន់​ក្រសួង​ទាំងអស់ និង​ស្ថាប័ន​ដែល​ដំណើរការ​ដោយ​រដ្ឋ​ដែល​បានដាក់​បញ្ជូន​ទៅក្នុង​ប្រព័ន្ធ​នេះ​៕ LA

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។