ទីក្រុងម៉ានីលៈ សេដ្ឋកិច្ចប្រទេសហ្វីលីពីនទំនងជាបានកើនឡើងជាង ៥ ភាគរយកាលពីឆ្នាំ ២០២១ ដែលបង្ហាញពីការស្ទុះងើបឡើងវិញដែលចាប់ផ្តើមកាលពីឆ្នាំមុន បន្ទាប់ពីប្រទេសមួយនេះបានទទួលរងផលប៉ះពាល់ពីការដើរថយក្រោយនៃសេដ្ឋកិច្ចក្រោយសង្គ្រាមដ៏អាក្រក់បំផុត ដោយសារតែការបិទខ្ទប់ដ៏តឹងរ៉ឹងបំផុតដែលបានកាត់បន្ថយការងាររាប់លាននាក់ និងបានបិទអាជីវកម្មរាប់ពាន់កន្លែងកាលពីឆ្នាំ ២០២០។
ក្នុងចំណោមការព្យាករចំនួន ២ ដែលបានប្រមូលដោយកាសែត Inquirer ពីក្រុមសេដ្ឋវិទូ និងក្រុមហ៊ុនផ្ដល់យោបល់ជាច្រើនផលិតផលក្នុងស្រុកសរុប (GDP) ដែលបានព្យាករចំនួន ២០ ឬទំនិញ និងសេវាកម្មសរុបដែលផលិតក្នុងប្រទេសនេះកាលពីឆ្នាំមុនបានកើនឡើងយ៉ាងហោចណាស់ ៥ ភាគរយដែលស្ថិតក្នុងចំណុចទាប ចុងក្រោយនៃផែនការឆ្នាំ ២០២១ របស់រដ្ឋាភិបាល។
ការព្យាករកំណើនពេញមួយឆ្នាំខ្ពស់បំផុតចំនួន ៥,៧ ភាគរយដែលត្រូវបានប៉ាន់ប្រមាណដោយលោក Ser Percival Pena-Reyes នៅសាកលវិទ្យាល័យ Ateneo de Manila គឺថែមទាំងខ្ពស់ជាងចំណុចខ្ពស់នៃផែនការរបស់រដ្ឋាភិបាលពីចំនួន ៥ ដល់ ៥,៥ ភាគរយ។
រដ្ឋាភិបាលនឹងរាយការណ៍អំពីប្រតិបត្តិការផលិតផលក្នុងស្រុកសរុប (GDP) នៅត្រីមាសទី ៤ និងរយៈពេលពេញមួយឆ្នាំ ២០២១ កាលពីថ្ងៃទី ២៧ ខែមករា។ មុនពេលឆ្នាំ ២០២០ បានបញ្ចប់ក្រុមមេដឹកនាំសេដ្ឋកិច្ចរបស់លោកប្រធានាធិបតី Rodrigo Duterte បានកំណត់ផែនការកំណើនពី ៦,៥ ដល់ ៧,៥ ភាគរយកាលពីឆ្នាំ ២០២១ ដោយសារតែរំពឹងទុកអំពីការចាប់ផ្ដើមចាក់វ៉ាក់សាំងភ្លាមៗ និងផលប៉ះពាល់មូលដ្ឋានទាបពីកំណត់ត្រាធ្លាក់ចុះ GDP ក្នុងប្រទេសនេះចំនួន ៩,៦ ភាគរយនៅឆ្នាំនោះ។
ប៉ុន្តែការកើនឡើងនៃការឆ្លងជំងឺកូវីដ ១៩ រួមទាំងរលកវីរុសបំប្លែងថ្មី Delta ក្នុងអំឡុងត្រីមាសទី ៣ ឆ្នាំ ២០២១ដែលបានអូសបន្លាយការរឹតបន្តឹងការធ្វើចត្តាឡីស័កយ៉ាងតឹងរ៉ឹងបានបណ្ដាលឱ្យក្រុមសេដ្ឋកិច្ចមិនមានជម្រើសអ្វីក្រៅពីកាត់បន្ថយចក្ខុវិស័យកំណើនឆ្នាំ ២០២១ របស់ពួកគេ មកនៅត្រឹមកម្រិតទាបចំនួនពី ៤ ទៅ ៥ ភាគរយ។
ត្រឹមខែធ្នូឆ្នាំ ២០២១ ការបើកដំណើរការសេដ្ឋកិច្ចឡើងវិញស្របតាមផ្នត់គំនិតរបស់រដ្ឋាភិបាលដែលថា ជំងឺកូវីដ-១៩ ជាជំងឺរាតត្បាតបានអនុញ្ញាតឱ្យវិស័យផលិតភាពកាន់តែច្រើនបង្កើនទិន្នផល និងផ្តល់ការងារបន្ថែមទៀត ប៉ុន្តែជាការងារបណ្តោះអាសន្នក្នុងអំឡុងពេលត្រីមាសទី ៤ ដែលបានធ្វើឱ្យមេដឹកនាំសេដ្ឋកិច្ចមានសុទិដ្ឋិនិយមច្រើនជាងមុនដូច្នេះ ទិសដៅកំណើនផលិតផលក្នុងស្រុកសរុប (GDP) រយៈពេលពេញ ១ ឆ្នាំ មានចំនួនពី ៥ ទៅ ៥,៥ ភាគរយនៅពេលបច្ចុប្បន្ន។
ការព្យាករកំណើន GDP កាលពីត្រីមាសទី ៤ ខ្ពស់បំផុតចំនួន ៧,៨ ភាគរយធៀបនឹងរយៈពេលដូចគ្នាកាលពីឆ្នាំមុន ក៏បានមកពីលោក Pena Reyes ដែលបានចង្អុលបង្ហាញអំពី «ការកើនឡើងសកម្មភាពសេដ្ឋកិច្ចនិងការថយចុះចំនួនការឆ្លងជំងឺកូវីដ ១៩ កាលពីត្រីមាសទី ៤ ឆ្នាំ ២០២១ ធៀបនឹងត្រីមាសទី ៣»។
លោក Alex Holmes នៅក្រុមហ៊ុន Capital Economics បានព្យាករកំណើនចំនួន ៧,៣ ភាគរយធៀបនឹងរយៈពេលដូចគ្នាកាលពីឆ្នាំមុន ក្នុងអំឡុងត្រីមាសទី ៤ ឆ្នាំមុន។លោក Luis Limlinganនៅក្រុមហ៊ុន Regina Capital បានព្យាករកំណើន ៧,២2 ភាគរយនិងលោក Rajiv Biswas នៅក្រុមហ៊ុន IHS Markit បានព្យាករកំណើនចំនួន ៧,១ ភាគរយ។
សេដ្ឋវិទូភាគច្រើនបានព្យាករថាកំណើនក្នុងត្រីមាសទី ៤ នឹងធ្លាក់ចុះបើធៀបនឹងកំណើនដែលរឹងមាំជាងការរំពឹងទុកចំនួន ៧,១ ភាគរយ ធៀបនឹងការកើនឡើងកាលពីត្រីមាសទី ៣ រយៈពេលដូចគ្នាកាលពីឆ្នាំមុន។
លោក Michael Ricafort មកពីក្រុមហ៊ុន Rizal Commercial Banking Corp និង លោកLoke Siew Ting មកពីធនាគារ United Overseas Bank បានព្យាករកំណើន ៧ ភាគរយលោក Nicholas Antonio Mapa នៅក្រុមហ៊ុន ING និង លោក Miguel Chanco នៅក្រុមហ៊ុន Pantheon Macroeconomics បានព្យាករកំណើន ៦,៧ ភាគរយហើយលោកស្រី Patrick Ella មកពីក្រុមហ៊ុន Sun Life Financial បានព្យាករកំណើន ៦,៦ ភាគរយ។
ការផ្តល់តួលេខកាន់តែទាប គឺលោក Emilio Neri Jr នៅធនាគារ Bank of the Philippine Islands និងលោក Jonathan Kohនៅក្រុមហ៊ុន Standard Chartered ព្យាករកំណើនចំនួន ៦,៥ ភាគរយ៕ Philippine Daily Inquirer-ANN/LA