ភ្នំពេញៈ Smart Axiata ជាប្រតិបត្តិករទូរស័ព្ទចល័តឈានមុខគេរបស់ព្រះរាជាណាចក្រកម្ពុជា និងក្រុមហ៊ុន Cloudera ដែលជាក្រុមហ៊ុនខ្លោដទិន្នន័យសហគ្រាស បានចុះកិច្ចព្រមព្រៀងភាពជាដៃគូ ដើម្បីជួយដល់ការបង្កើនល្បឿនអាជីវកម្មរបស់ខ្លួន ជាពិសេសគឺបំពេញទៅតាមតម្រូវការរបស់អតិថិជនចំនួន ៨ លាននាក់នៅកម្ពុជា។
យោងតាមសេចក្តីប្រកាសព័ត៌មានបានពីក្រុមហ៊ុន Cloudera ដោយមានការគាំទ្រពីក្រុមហ៊ុន Cloudera ក្រុមហ៊ុន Smart Axiata បានផ្លាស់ប្តូរពីប្រព័ន្ធស្ដុកទិន្នន័យចម្រុះ និងស្ដុកទិន្នន័យបែបប្រពៃណីទៅជាប្រព័ន្ធស្ដុកទិន្នន័យតែមួយ។ ការណ៍នេះជំរុញឱ្យមានប្រភពជាច្រើន ដែលអាចឱ្យប្រព័ន្ធទិន្នន័យត្រូវបានតាមដានកាន់តែងាយស្រួលរបស់ក្រុមហ៊ុន Smart Axiata ជាមួយនឹងការពិនិត្យមើលទិន្នន័យរបស់ខ្លួនកាន់តែច្បាស់។ ប្រព័ន្ធស្ដុកទិន្នន័យថ្មីនេះ បម្រើជាប្រភពតែមួយសម្រាប់កម្មវិធីទាំងអស់របស់ក្រុមហ៊ុន Smart Axiata ធ្វើប្រជាធិបតេយ្យូបនីយកម្មទិន្នន័យ នៅក្នុងស្ថាប័ន និងសម្របសម្រួលលទ្ធភាពស្វ័យប្រើប្រាស់ សម្រាប់មុខងារអាជីវកម្មផ្សេងៗ។
លោក Kalyan Achyutuni ប្រធានផ្នែកព័ត៌មានវិទ្យារបស់ក្រុមហ៊ុន Smart Axiata បានឱ្យដឹងថា ដំណោះស្រាយពីក្រុមហ៊ុន Cloudera ក៏បានផ្តល់លទ្ធភាពឱ្យក្រុមហ៊ុន Smart នូវការផលិតកម្មវិធីមួយ សម្រាប់អតិថិជនដែលអាចឱ្យប្រជាជនកម្ពុជាគ្រប់គ្រងគណនី និងសេវាកម្មរបស់ពួកគេ និងបង្កើនសមត្ថភាព និងចំណេះដឹងឌីជីថលរបស់ពួកគេផងដែរ។
លោកបញ្ជាក់ថា៖ «សមត្ថភាពរបស់យើង គឺដើម្បីសម្រេចបាននូវប្រភពនៃការពិតតែមួយជាមួយក្រុមហ៊ុន Cloudera បានផ្ដល់លទ្ធភាពដល់ក្រុមហ៊ុន Smart Axiata អាចធ្វើកិច្ចការជាច្រើនដែលមិនធ្លាប់ធ្វើបានកាលពីមុន។ តាមរយៈការប្រើប្រាស់ទិន្នន័យ យើងអាចទទួលបានការពិនិត្យមើល ៣៦០ អង្សាសេរបស់អតិថិជន ដើម្បីបង្កើនបទពិសោធរបស់ពួកគេ ធ្វើឱ្យប្រសើរឡើងនូវដំណើរការបណ្តាញ និងជំរុញនវានុវត្តន៍»។
លោកបន្ថែមថា៖ «អតិថិជនអាចដោះស្រាយបញ្ហាដោយខ្លួនឯងបាន ខណៈដែលបន្ទុកលើទីភ្នាក់ងារបម្រើអតិថិជនផ្នែកហៅទូរស័ព្ទរបស់យើងត្រូវបានកាត់បន្ថយចំនួន ៤០ ភាគរយ។ ការកែលម្អនេះបានអនុញ្ញាតឱ្យមានប្រតិបត្តិការកាន់តែមានប្រសិទ្ធភាព ដែលបុគ្គលិកអាចផ្តោតលើការងារផ្សេងទៀតដើម្បីបង្កើនប្រសិទ្ធភាព ឬប្រាក់ចំណេញ»។
លោក Remus Lim អនុប្រធានផ្នែករបស់ក្រុមហ៊ុន Cloudera បានឱ្យដឹងថា ប្រតិបត្តិករទូរគមនាគមន៍មានលទ្ធភាពទទួលបានប្រភពទិន្នន័យជាច្រើន ដូច្នេះប្រមូល និងបង្កើតទិន្នន័យយ៉ាងច្រើន ដើម្បីធ្វើឱ្យមានការយល់ដឹងច្បាស់លាស់ចំពោះតម្រូវការរបស់អតិថិជន ពួកគេចាំបាច់ត្រូវមានលទ្ធភាពគ្រប់គ្រង និងធានាវដ្តជីវិតទិន្នន័យជាក់ស្ដែងរបស់ពួកគេ ដើម្បីប្រមូលការយល់ដឹង និងចូលរួមក្នុងការសម្រេចចិត្តដែលជំរុញដោយទិន្នន័យ។
លោក Remus បានថ្លែងថា៖ «យើងប្តេជ្ញាគាំទ្រក្រុមហ៊ុន Smart Axiata ធ្វើឱ្យប្រសើរឡើងអំពីទិន្នន័យរបស់ពួកគេ នៅពេលដែលពួកគេធ្វើការងារឆ្ពោះទៅរកការក្លាយជាក្រុមហ៊ុនដែលជំរុញដោយទិន្នន័យ និងការការពារអនាគតនៃការដំណើរការខ្លោដទិន្នន័យកូនកាត់របស់ពួកគេ»។
ក្រុមហ៊ុន Smart គឺជាបណ្តាញទូរស័ព្ទដំបូងគេដែលប្រើប្រាស់ប្រព័ន្ធ 4G LTE កាលពីឆ្នាំ ២០១៤, ប្រព័ន្ធ 4G+ កាលពីឆ្នាំ ២០១៦, ប្រព័ន្ធ 4G+ ជាមួយ HD Voice (VoLTE) និង LTE Advance Pro កាលពីឆ្នាំ ២០១៧។ កាលពីពាក់កណ្តាលឆ្នាំ ២០១៩ ក្រុមហ៊ុន Smart បានរៀបចំបង្ហាញកម្មវិធី 5G ផ្សាយផ្ទាល់លើកដំបូងនៅក្នុងព្រះរាជាណាចក្រ ដោយបង្ហាញពីតួនាទីភាពជាអ្នកដឹកនាំទិន្នន័យទូរស័ព្ទចល័តរបស់ខ្លួន៕LA