The Phnom Penh Post Search

Search form




Logo of Phnom Penh Post newspaper Phnom Penh Post - ពន្ធ​នាំចូល​មិន​បាន​បង្ខំ​ឱ្យ​ចិន​​ផ្លាស់ប្តូរ​វិធីសាស្ត្រ​របស់​ខ្លួន​នោះទេ

ពន្ធ​នាំចូល​មិន​បាន​បង្ខំ​ឱ្យ​ចិន​​ផ្លាស់ប្តូរ​វិធីសាស្ត្រ​របស់​ខ្លួន​នោះទេ

ពន្ធ​នាំចូល​មិន​បាន​បង្ខំ​ឱ្យ​ចិន​​ផ្លាស់ប្តូរ​វិធីសាស្ត្រ​របស់​ខ្លួន​នោះទេ

ទីក្រុងវ៉ាស៊ីនតោនៈ ជាជាង​ដាក់​សម្ពាធ​លើ​ប្រទេស​ចិន​ឱ្យ​ផ្លាស់ប្តូរ​ការអនុវត្ត​ពាណិជ្ជកម្ម «​មិន​ស្មើភាព​» ​របស់ខ្លួន លោកស្រី Katherine Tai តំណាង​ពាណិជ្ជកម្ម​អាមេរិក (USTR) បានឱ្យដឹង​កាលពី​ថ្ងៃ​ពុធ​ថា សេដ្ឋកិច្ច​នឹង​បម្រើ​កាន់តែ​ប្រសើរឡើង​តាមរយៈ​គោលនយោបាយ​ដើម្បី​លើក​ទឹកចិត្ត​ដល់​ការផលិត​ក្នុងស្រុក​។

នៅក្នុង​សវនាការ​រយៈពេល ៤​ ម៉ោង​នៅ​ចំពោះមុខ​គណៈកម្មាធិការ​មធ្យោបាយ និង​មធ្យោបាយ​លំនៅឋាន​ (House Ways and Means) ប្រធាន​ពាណិជ្ជកម្ម​របស់លោក​ប្រធានាធិបតី ចូ បៃដិន បាន​ទទួលស្គាល់ថា​យុទ្ធសាស្ត្រ​របស់​ទីក្រុង​វ៉ាស៊ីនតោន​ក្នុងការ​ហូតពន្ធ​នាំចូល​ចំនួន​ច្រើន លើ​ទីក្រុង​ប៉េកាំង ដែល​បានចាប់ផ្តើម​ស្ថិតក្រោម​អាណត្តិ​ប្រធានាធិបតី លោក​ ដូណាល់ ត្រាំ មិនសូវមាន​ឥទ្ធិពល​លើ​គោលនយោបាយ​របស់ខ្លួន​នោះទេ​។

លោកស្រី​បាន​ថ្លែងថា​៖ «​នោះ​មិនបាន​ជំរុញ​ឱ្យ​ប្រទេស​ចិន​ផ្លាស់ប្តូរ​នោះទេ​។ វា​ច្បាស់​ណាស់​សម្រាប់​ពួកយើង ខ្ញុំ​គិតថា ជា​សមូហភាព យើង​មិនអាច​បន្តធ្វើ​នូវ​អ្វីដែល​យើង​កំពុង​ធ្វើ​នោះទេ​»​។

ទីក្រុង​វ៉ាស៊ីនតោន​បាន​ចោទប្រកាន់​ទីក្រុង​ប៉េកាំង​ពីបទ​ការឧបត្ថម្ភធន​លើ​ការនាំចេញ​របស់ខ្លួន និង​ធ្វើឱ្យ​ខូច​ឧស្សាហកម្ម​ទាំង​នៅក្នុង​អាមេរិក និង​អឺរ៉ុប ដោយ​បង្ខំ​ឱ្យ​ក្រុមហ៊ុន​នានា​ផ្ទេរ​បច្ចេកវិទ្យា​ជា​ថ្នូរ​នឹង​ការធ្វើ​អាជីវកម្ម​នៅក្នុង​ប្រទេស​ចិន និង​ការលួច​កម្មសិទ្ធិបញ្ញា​។

កាលពី​ឆ្នាំ ​២០២០​ បណ្តា​ប្រទេស​នានា​បាន​ចុះហត្ថលេខា​លើ​កិច្ចព្រមព្រៀង​ពាណិជ្ជកម្ម «​ដំណាក់កាល​ទី​ ១»​ ដែល​ក្រុង​វ៉ាស៊ីនតោន​បាន​យល់ព្រម​បន្ធូរបន្ថយពន្ធ​នាំចូល ដែល​រដ្ឋបាល លោក​ ត្រាំ​ បានដាក់​កាលពី​ ២ ឆ្នាំមុន ជា​ថ្នូរ​សម្រាប់​ការទិញ​ផលិតផល​អាមេរិក​ក្នុងតម្លៃ ២០០ ​ពាន់​លាន​ដុល្លារ​រហូត​ដល់​ឆ្នាំ​ ២០២១​។

ទោះបីជា​យ៉ាងណា​ក៏ដោយ ទីក្រុង​ប៉េកាំង​មិនបាន​សម្រេច​តាម​ទិសដៅ​នោះទេ​ដោយសារ​តែ​ផលប៉ះពាល់​នៃ​ការរីករាលដាល​ជំងឺ​កូវីដ​ ១៩ ហើយ​លោកស្រី Tai បាន​ប្រាប់​តំណាងរាស្ដ្រ​ថា​៖ «​ខណៈ ពេលដែល​យើង​បន្ត​រក្សា​ទ្វារ​ឱ្យនៅ​បើកចំហ​សម្រាប់​ការសន្ទនា​ជាមួយ​ប្រទេស​ចិន ... យើង​ក៏ត្រូវ​ទទួល​ស្គាល់​ដែន​កំណត់​នៃ​កិច្ចព្រមព្រៀង និង​កែប្រែ​យុទ្ធសាស្ដ្រ​ដែល​ប្រើប្រាស់​កន្លងមក​ជាមួយ​ប្រទេស​ចិន​ដែល​ផ្តោតលើ​ការផ្លាស់ប្តូរ​អាកប្បកិរិយា​របស់ខ្លួន​»​។

ចាប់តាំងពី​ចូលកាន់​តំណែង​កាលពី​ខែមករា ឆ្នាំ​ ២០២១ លោក បៃដិន បាន​ដោះស្រាយ​ជម្លោះ​ពាណិជ្ជកម្ម​មួយចំនួន​ជាមួយ​សម្ព័ន្ធមិត្ត​របស់​អាមេរិក រួមទាំង​កិច្ចព្រមព្រៀង​លុបចោល​ពន្ធ​នាំចូល​លើ​ដែកថែប និង​អាលុយមីញ៉ូម​របស់​អង់គ្លេស​ដែល​លោក ត្រាំ បាន​ហូតពន្ធ​។

សប្តាហ៍​មុន ទីក្រុង​វ៉ាស៊ីនតោន​បាន​យល់ព្រម​បន្ត​ការលើកលែង​ពន្ធ​នាំចូល​លើ​ផលិតផល​ចំនួន ៣៥២ ​មុខ​នាំចូល​ពី​ប្រទេស​ចិន​៕ RR

អត្ថបទគួរចាប់អារម្មណ៍