ភ្នំពេញ: តម្លៃប្រេងសាំងធម្មតា បានធ្លាក់ថ្លៃ ៥០ រៀលក្នុង ១ លីត្រសម្រាប់តម្លៃលក់រាយនៅលើទីផ្សារ បន្ទាប់ពីការហក់ឡើងយ៉ាងលឿនជាបន្តបន្ទាប់ ក្រោយការលុកលុយរបស់រុស្ស៊ីលើប្រទេសអ៊ុយក្រែនកាលពីចុងខែកុម្ភ:។
សេចក្តីជូនដំណឹងរបស់ក្រសួងពាណិជ្ជកម្ម នៅថ្ងៃទី ១ មេសានេះ បានបង្ហាញថា តម្លៃលក់គឺ ៥ ២៥០ រៀលក្នុង ១ លីត្រសម្រាប់សាំងធម្មតា និង ៥៣០០ រៀលសម្រាប់ប្រេងម៉ាស៊ូត។
រាជរដ្ឋាភិបាល កម្ពុជាបានចេញសេចក្តីសម្រេចអន្តរក្រសួង លើ ប្រកាស ស្តីពី ការកំណត់ រូបមន្ត សម្រាប់ កែសម្រួល ថ្លៃ លក់រាយ ប្រេងឥន្ធនៈ នៅ កម្ពុជា ដើម្បីឱ្យ ថ្លៃ ប្រេងឥន្ធនៈ ឡើង ចុះ តាម តម្លៃ ប្រេង លើ ទីផ្សារ អន្តរជាតិ ដោយ ឱ្យ អនុវត្ត តែ ទៅលើ ការ លក់រាយ ប្រេងឥន្ធនៈ ប៉ុណ្ណោះ ។
ក្រសួង ចំនួន ៣ ដែល រួមមាន ក្រសួង សេដ្ឋកិច្ច និង ហិរញ្ញវត្ថុ , ក្រសួង ពាណិជ្ជកម្ម និង ក្រសួង រ៉ែ និង ថាមពល កាលពី ថ្ងៃទី ២២ ខែមីនា ឆ្នាំ ២០២២ បានចេញ ប្រកាស អន្តរក្រសួង ដែលមាន ១២ ប្រការ ដោយ ខ្លឹម សារសំខាន់ នៃ ប្រកាស នេះ គឺ ការកំណត់ យក រយៈពេល ដាក់ តម្លៃ ប្រេងឥន្ធនៈ ពី ១៥ ថ្ងៃ មក ត្រឹម ១០ ថ្ងៃ វិញ ។ ក្នុងនោះដែរ នៅ ប្រការ ៤ នៃ ប្រកាស នេះ បាន បញ្ជាក់ថា នាយកដ្ឋាន អភិវឌ្ឍន៍ វិស័យ ឯកជន នៃ ក្រសួង ពាណិជ្ជកម្ម ត្រូវ គណនា ថ្លៃ លក់រាយ ប្រេងឥន្ធនៈ នៅ កម្ពុជា និង ចេញថ្លៃ លក់រាយ ជូន ក្រុមហ៊ុន ប្រេងឥន្ធនៈ នៅ រៀងរាល់ ថ្ងៃទី ០១, ទី ១១ និង ទី ២១ នៃ ខែ នីមួយៗ ។
ក្នុងមួយសប្តាហ៍ចុងក្រោយនេះតម្លៃទីផ្សារឥន្ធន:សកលមាននិន្នាការធ្លាក់ចុះជាបន្តបន្ទាប់ ក្រោយចិនបិទក្រុងជាច្រើន ដើម្បីទប់ស្កាត់ការឆ្លងកូវីដបំប្លែងថ្មី អូមីក្រុងដែកប៉ះពាល់តម្រូវការ និង អាមេរិកសន្យាបញ្ចេងប្រេងបម្រុង ១ លានបារ៉ែលក្នុងថ្ងៃ ដើម្បីបំពេញតម្រូវការទីផ្សារ និងទប់ការឡើងថ្លៃប្រេងសកល៕
វីដេអូ៖