.jpg)
ទីក្រុងប៉េកាំងៈ កាលពីថ្ងៃសៅរ៍ ទីក្រុងប៉េកាំងបានស្នើឱ្យលុបចោលច្បាប់ដែលរារាំងអាជ្ញាធរអាមេរិកពីការត្រួតពិនិត្យសវនកម្មរបស់ក្រុមហ៊ុនចិនដែលបានចុះបញ្ជីនៅអាមេរិកនៅក្នុងជម្លោះរយៈពេលយូររវាងប្រទេសទាំង ២។
សេចក្តីប្រកាសរបស់អង្គការឃ្លាំមើលមូលបត្រមួយនេះ ធ្វើឡើងបន្ទាប់ពីទីក្រុងវ៉ាស៊ីនតោនបានឱ្យដឹងថា ក្រុមហ៊ុនចិនជាច្រើនអាចត្រូវបានដកចេញពីបញ្ជីនៅអាមេរិកត្រឹមឆ្នាំ ២០២៤ ប្រសិនបើក្រុមហ៊ុនទាំងនោះមិនគោរពតាមតម្រូវការសវនកម្ម។
តម្រូវការនេះធ្វើបានដាក់ក្រុមហ៊ុនចិនដែលចុះបញ្ជីនៅអាមេរិកជាង ២០០ ក្រុមហ៊ុនស្ថិតក្នុងហានិភ័យ។
សភាអាមេរិកក្នុងឆ្នាំ ២០២០ បានអនុម័តច្បាប់កំណត់គោលដៅក្រុមហ៊ុនចិនដែលស្ថិតក្រោមក្រុមប្រឹក្សាត្រួតពិនិត្យគណនេយ្យក្រុមហ៊ុនសាធារណៈរបស់អាមេរិកត្រូវតែអាចត្រួតពិនិត្យ ការធ្វើសវនកម្មរបស់ក្រុមហ៊ុនបរទេសដែលបានចុះបញ្ជីនៅផ្សារហ៊ុនអាមេរិក។
ក្រុមហ៊ុនរបស់ប្រទេសចិនដីគោក និងទីក្រុងហុងកុងមានឈ្មោះមិនល្អ ដោយសារតែការមិនដាក់របាយការណ៍ហិរញ្ញវត្ថុរបស់ពួកគេទៅឱ្យសវនករដែលអនុម័តដោយអាមេរិក។
កាលពីថ្ងៃសៅរ៍ សេចក្តីព្រាងច្បាប់ថ្មីបានស្នើឱ្យលុបចោលតម្រូវការដែលការត្រួតពិនិត្យនៅនឹងកន្លែងគួរតែត្រូវបានធ្វើឡើងជាពិសេស ដោយភ្នាក់ងារបទប្បញ្ញត្តិរបស់ចិន ហើយថាអាជ្ញាធរបរទេសគួរតែពឹងផ្អែកលើលទ្ធផលរបស់ពួកគេ។
ទីក្រុងប៉េកាំងបានឱ្យដឹងថា គណៈកម្មការនិយតកម្មមូលបត្រចិន (CSRC) នឹងផ្តល់ជំនួយលើការត្រួតពិនិត្យឆ្លងព្រំដែនជំនួសវិញ ស្របតាម «យន្តការកិច្ចសហប្រតិបត្តិការ» មួយ។
ក្រុមហ៊ុនចិនជាច្រើនត្រូវបានបញ្ជាឱ្យគោរពតាមគណៈកម្មការមូលបត្រអាមេរិក បើមិនអ៊ីចឹងទេ នឹងប្រឈមមុខនឹងការដកចេញពីបញ្ជី។
ក្រុមហ៊ុនជាង ២០០ ដែលមានមូលធនីយកម្មទីផ្សារសរុបប្រហែល ២,១ ពាន់ពាន់លានដុល្លារអាចរងផលប៉ះពាល់៕ LA
