ទីក្រុងប៉េកាំងៈ ទិន្នន័យផ្លូវការបានបង្ហាញកាលពីថ្ងៃចន្ទថា អតិផរណានៅតាមច្រកទ្វាររោងចក្រ របស់ប្រទេសចិន ខ្ពស់ ជាងការរំពឹងទុកក្នុងខែមីនា ដោយសារសង្គ្រាមរបស់រុស្ស៊ីលើប្រទេសអ៊ុយក្រែន ជំរុញឱ្យតម្លៃប្រេងឡើងថ្លៃ ខណៈការកើតឡើងវិញនៃកូវីដ ១៩ ក្នុងស្រុកបានបង្កផលប៉ះពាល់ដល់ការផ្គត់ផ្គង់ស្បៀងអាហារ និងការចំណាយរបស់អ្នកប្រើប្រាស់។
តួលេខរបស់ការិយាល័យស្ថិតិជាតិ (NBS) បានបង្ហាញថា សន្ទស្សន៍តម្លៃអ្នកផលិត (PPI) ដែលជាការវាស់វែងតម្លៃទំនិញនៅតាមច្រកទ្វាររោងចក្របានកើនឡើង ៨,៣ ភាគរយធៀបរយៈពេលដូចគ្នានៃឆ្នាំមុន។
នេះគឺច្រើនជាងការស្ទង់មតិរបស់អ្នកសេដ្ឋកិច្ចដែលធ្វើឡើងដោយ Bloomberg បន្តិច ដែលពួកគេរំពឹងទុក ខណៈដែល PPI ក៏បានកើនឡើងផងដែរកាលពីខែមុន។
លោក Dong Lijuan អ្នកស្ថិតិជាន់ខ្ពស់នៃNBS បានលើកឡើងនៅក្នុងសេចក្តីប្រកាសថា៖ «កត្តាភូមិសាស្ត្រនយោបាយ និងកត្តាផ្សេងទៀតបានជំរុញឱ្យតម្លៃទំនិញសកលបន្តកើនឡើង ដោយជំរុញឱ្យតម្លៃប្រេង លោហៈមិនមែនដែក និងឧស្សាហកម្មពាក់ព័ន្ធផ្សេងទៀតកើនឡើងបន្ថែមទៀតនៅទីផ្សារក្នុងស្រុក»។
NBS បាននិយាយថា សន្ទស្សន៍តម្លៃទំនិញប្រើប្រាស់របស់ប្រទេសចិន (CPI) ដែលជារង្វាស់ដ៏សំខាន់នៃអតិផរណាលក់រាយបានកើនឡើងលើសពីការរំពឹងទុកផងដែរដោយ ១,៥ ភាគរយក្នុងខែមីនាធៀបរយៈពេលដូចគ្នានៃឆ្នាំមុន។
លោក Dong បាននិយាយថា ទោះបីតម្រូវការរបស់អ្នកប្រើប្រាស់បានធូរស្រាលបន្ទាប់ពីមានពិធីបុណ្យកាលពីដើមឆ្នាំនេះក៏ដោយ ប៉ុន្តែតម្លៃអាហារមួយចំនួនបានឡើងថ្លៃដោយសារតែ «ការកើនឡើងតម្លៃស្រូវសាឡី ពោត និងសណ្តែកសៀងនៅទីផ្សារ» និងការផ្ទុះឡើងនៃកូវីដ ១៩ ក្នុងស្រុក។
នេះបានកើតឡើងនៅពេលដែលតម្លៃស្បៀងអាហារពិភពលោកបានឡើងដល់កម្រិតខ្ពស់មិនធ្លាប់មាននៅក្នុងខែមីនា បន្ទាប់ពីរុស្ស៊ីបានលុកលុយអ៊ុយក្រែន ដែលជាមហាអំណាចកសិកម្ម។ នេះបើយោងតាមទីភ្នាក់ងារអង្គការសហប្រជាជាតិមួយ។
រុស្ស៊ី និងអ៊ុយក្រែនបង្កើតបានចំណែកនាំចេញដ៏ធំនៅក្នុងទំនិញសំខាន់ៗដូចជាស្រូវសាឡី ប្រេងបន្លែ និងពោត។
Zhaopeng Xing នៃក្រុមហ៊ុនស្រាវជ្រាវ ANZ បាននិយាយថា តម្លៃថាមពលបាន «ក្លាយជាកត្តាជំរុញដ៏សំខាន់សម្រាប់ទាំង CPI និង PPI»។
លោកនិយាយថា៖ «អតិផរណា CPI អាចកើនឡើងបន្ថែមទៀតនៅក្នុងខែមេសា ដោយសារគ្រួសារនៅទូទាំងប្រទេសចិន បាននិងកំពុងធ្វើសន្និធិស្បៀងអាហារ និងសម្ភារចាំបាច់ផ្សេងទៀត បន្ទាប់ពីទទួលយកមេរៀនពីការលំបាកនៃការបិទទីក្រុងសៀងហៃ»។
ដោយសារទីក្រុងមជ្ឈមណ្ឌលហិរញ្ញវត្ថុត្រូវបានបិទស្ទើរតែទាំងស្រុងក្នុងប៉ុន្មានសប្តាហ៍ថ្មីៗនេះ អ្នកស្រុកជួបប្រទះបញ្ហាក្នុងការទទួលបានគ្រឿងទេស ខណៈដែលការគ្រប់គ្រងកូវីដបំផ្លាញខ្សែចង្វាក់ផ្គត់ផ្គង់ដែលជាប់គាំងទៅកាន់ប្រទេសដទៃទៀត។
លោក Lu បានបន្ថែមថា៖ «ដោយសារការបិទក្រុង និងការរំខានការដឹកជញ្ជូននៅភាគឦសានប្រទេសចិន ដែលជាមូលដ្ឋានផលិតកម្មគ្រាប់ធញ្ញជាតិដ៏ធំបំផុតនៅក្នុងប្រទេសចិន ការធ្វើកសិកម្មនៅនិទាឃរដូវឆ្នាំនេះអាចនឹងមានការពន្យារពេល ហើយហានិភ័យនៃកង្វះអាហារអាចនឹងកើនឡើងនៅក្នុងឆមាសទី ២»។
លោកបាននិយាយថា នេះជាសម្ពាធលើការខ្វះខាតស្បៀងអាហារពិភពលោកកាន់តែអាក្រក់ដែលបង្កឡើងដោយជម្លោះយោធាក្នុងប្រទេសអ៊ុយក្រែន៕ RR
វីដេអូ៖