The Phnom Penh Post Search

Search form




Logo of Phnom Penh Post newspaper Phnom Penh Post - រុស្ស៊ី​ប្រកាស​អាសន្ន​ជុំវិញ​ហេដ្ឋារចនាសម្ព័ន្ធ​ថាមពល​របស់​អាល្លឺម៉ង់

រុស្ស៊ី​ប្រកាស​អាសន្ន​ជុំវិញ​ហេដ្ឋារចនាសម្ព័ន្ធ​ថាមពល​របស់​អាល្លឺម៉ង់

Content image - Phnom Penh Post
ហេដ្ឋារចនាសម្ព័ន្ធ​នៃ​បំពង់​បញ្ជូន​ឧស្ម័ន​ពី​ប្រទេស​រុស្ស៊ី​ស្ថិត​នៅ​ភាគ​ខាងកើត​ប្រទេស​អាល្លឺម៉ង់​។ AFP

រុស្ស៊ី​ប្រកាស​អាសន្ន​ជុំវិញ​ហេដ្ឋារចនាសម្ព័ន្ធ​ថាមពល​របស់​អាល្លឺម៉ង់

ទីក្រុងប៊ែរឡាំងៈ សង្គ្រាម​នៅ​ប្រទេស​អ៊ុយក្រែន​បានបង្ហាញ​ឱ្យឃើញ​មិន​ត្រឹមតែ​ការពឹងផ្អែក​របស់​ប្រទេស​អាល្លឺម៉ង់​លើ​ឧស្ម័ន​របស់​ប្រទេស​រុស្ស៊ី​ប៉ុណ្ណោះ​ទេ ប៉ុន្តែ​ក៏មាន​ចំណែក​ដ៏ធំ​នៃ​រដ្ឋធានី​របស់​ប្រទេស​រុស្ស៊ី​នៅក្នុង​រោងចក្រ​ចម្រាញ់​ប្រេង បំពង់​បង្ហូរ​ប្រេង និង​ហេដ្ឋារចនាសម្ព័ន្ធ​ឧស្ម័ន​ផ្សេងទៀត​របស់​ប្រទេសមួយ​នេះ​។

ក្រុមហ៊ុន​បុត្រសម្ព័ន្ធ​ជាច្រើន​របស់​អាល្លឺម៉ង់​នៃ Gazprom និង Rosneft ជា​ក្រុមហ៊ុន​ឈានមុខ​គេ​របស់​ប្រទេស​រុស្ស៊ី​គឺជា​តួអង្គ​សំខាន់​នៅក្នុង​ទិដ្ឋភាព​ថាមពល​សេដ្ឋកិច្ច​ធំជាងគេ​របស់​តំបន់​អឺរ៉ុប​ទាំងមូល​។

កិច្ចព្រមព្រៀង​ថាមពល​ជាមួយ​ប្រទេស​រុស្ស៊ី​ត្រូវបាន​គេ​មើលឃើញ​ថា​ជា​ផ្នែក​មួយ​នៃ​គោលនយោបាយ​របស់​ប្រទេស​អាល្លឺម៉ង់​នៃ​ការរក្សា​សន្តិភាព​តាមរយៈ កិច្ចសហប្រតិបត្តិការ​ជាមួយ​របប​របស់លោក វ្ល៉ាឌីមៀរ ពូទីន ប្រធានាធិបតី​ប្រទេស​រុស្ស៊ី ប៉ុន្តែ​វិធីសាស្ត្រ​នោះ​នៅពេលនេះ​ស្ថិតនៅក្នុង «​ការបំផ្លិចបំផ្លាញ​»​។ នេះ​បើ​យោងតាម​ទស្សនាវដ្តី Der Spiegel​។

ទស្សនាវដ្តី​នេះ​បាន​ឱ្យដឹងថា ក្រុម​អ្នកនយោបាយ​របស់​ប្រទេស​អាល្លឺម៉ង់​នៅពេលនេះ​ «​ត្រូវតែ​ប្រឈមមុខ​នឹង​ការពិត​ដែលថា​ពួកគេ​មិនបាន​នាំយក​ភ្នាក់ងារ​នៃ​ការផ្លាស់ប្តូរ​នៅក្នុង​ប្រទេស​រុស្ស៊ី​នោះទេ​ ប៉ុន្តែ​ក៏​អាចជា​ភ្នាក់ងារ​សម្ងាត់​របស់​វិមាន​ក្រឹមឡាំង​»​។

នៅ​ដើមខែ​មេសា រដ្ឋាភិបាល​អាល្លឺម៉ង់​បាន​ចាត់វិធានការ​ដែល​មិន​ធ្លាប់​ក្នុងការ​គ្រប់គ្រង​បណ្តោះអាសន្ន​លើ​ Gazprom ជា​ក្រុមហ៊ុន​បុត្រសម្ព័ន្ធ​អាល្លឺម៉ង់ បន្ទាប់ពី​ការផ្ទេរកម្មសិទ្ធិ​របស់​ក្រុមហ៊ុន​ដែល​មិនមាន​ភាពច្បាស់លាស់ និង​បណ្ដាលឱ្យមាន​ការប្រកាស​អាសន្ន​នៅ​ទីក្រុង​ប៊ែរឡាំង​។

លោក Robert Habeck រដ្ឋមន្ត្រី​ក្រសួង​សេដ្ឋកិច្ច​បានបង្ហាញ​ភាពត្រឹមត្រូវ​ចំពោះ​វិធានការ​ដ៏សំខាន់​នេះ ដោយ​លើកឡើងថា វា​បម្រើឱ្យ​ «​សណ្តាប់ធ្នាប់​សាធារណៈ និង​សន្តិសុខ​ជាតិ​»​។

រោងចក្រ​សន្និធិ​ហ្គាស Rehden របស់​ក្រុមហ៊ុន Gazprom នៅក្នុង​រដ្ឋ Lower Saxony តែមួយ​មាន​ចំនួន​ប្រហែល ២០ ​ភាគរយ​នៃ​សមត្ថភាព​ស្តុក​ឧស្ម័ន​សរុប​របស់​ប្រទេស​អាល្លឺម៉ង់​។

រោងចក្រ​ Rehden​ ត្រូវបាន​គ្រប់គ្រង​ដោយ​ BASF​ ជា​ក្រុមហ៊ុន​របស់​ប្រទេស​អាល្លឺម៉ង់ រហូតដល់​ឆ្នាំ​ ២០១៥ ពេលដែល​ក្រុមហ៊ុន​នេះ​ត្រូវ​បាន​លក់​ឱ្យ​ Astora ​ដែលជា​ក្រុមហ៊ុន​បុត្រសម្ព័ន្ធ​របស់​ក្រុមហ៊ុន Gazprom​។

រោងចក្រ​នេះ មាន​សមត្ថភាព​ផលិត ៤ ​ពាន់​លាន​ម៉ែត្រគុប និង​ហៅ​ខ្លួនឯង​ថា​ជា​កន្លែង​ស្តុក​ឧស្ម័ន​ឈានមុខ​គេ​នៅ​អឺរ៉ុប​។

ទោះបីជា​យ៉ាងណា បច្ចុប្បន្ន​កន្លែង​ស្ដុក​របស់ខ្លួន​មាន​ត្រឹមតែ ០,៥​ ភាគរយ​ប៉ុណ្ណោះ ដោយ​ក្រុមហ៊ុន Gazprom ត្រូវបាន​គេ​សង្ស័យថា បាន​រក្សា​កម្រិត​ទាប​ដោយ​ចេតនា មុនពេល​ការឈ្លានពាន​របស់​ប្រទេស​រុស្ស៊ី​លើ​ប្រទេស​អ៊ុយក្រែន​។

ក្រុមហ៊ុន Astora ​មាន​កន្លែង​ស្តុក​បន្ថែម​នៅ​ទីក្រុង​ Jemgum ​ជាប់​ព្រំដែន​ជាមួយ​ប្រទេស​ហូឡង់ និង​នៅ​ទីក្រុង Haidach​ប្រទេស​អូទ្រីស​។

ក្រុមហ៊ុន Gazprom Germania ក៏មាន​ភាគហ៊ុន​ក្នុង​រោងចក្រ​ស្តុកហ្គាស​ឈានមុខ​គេ​មួយ​នៅ​ជិត​ទីក្រុង Hamburg ផងដែរ​។
បណ្តាញ​ចែកចាយ​ Gascade ​ដែលជា​ប្រតិបត្តិ​ករ​បណ្តាញ​ចែកចាយ​ហ្គាស​ឈានមុខ​គេ​មួយ​នៅក្នុង​ប្រទេស​អាល្លឺម៉ង់​មាន​ចំនួន​ ៥០,០៣​ ភាគរយ​បាន​គ្រប់គ្រង​ដោយ​ក្រុមហ៊ុន ​Gazprom Germania ។

ក្រុមហ៊ុន​មួយ​នេះ​បាន​ហៅ​បណ្តាញ​របស់ខ្លួន​ប្រវែង ៣ ២០០ ​គីឡូម៉ែត្រ (២ ០០០ ​ម៉ាយល៍​) នៃ​បំពង់​បង្ហូរ​ឧស្ម័ន​ទៅកាន់​ទីក្រុង​នានា​ទូទាំង​អាល្លឺម៉ង់​ថា​ជា​ «​មជ្ឈមណ្ឌល​ដឹកជញ្ជូន​ឧស្ម័ន​ធម្មជាតិ​អឺរ៉ុប​»​។

នៅលើ​គេហទំព័រ​របស់ខ្លួន ក្រុមហ៊ុន Gascade ឱ្យដឹងថា​៖ «​ក្រុមហ៊ុន​ដឹកជញ្ជូន​មិន​ស្ថិតនៅក្រោម​ឥទ្ធិពល​របស់​ក្រុមហ៊ុន ​Gazprom Group ឬ​ភាគ​ទុនិក​ផ្សេងទៀត​នោះទេ​»​។

បំណែក​សំខាន់ៗ​ផ្សេងទៀត​នៃ​បញ្ហា​នេះ​ដូចជា​បំពង់​បង្ហូរ​ឧស្ម័ន​ North European NEL និង​បំពង់​បង្ហូរ​ឧស្ម័ន Baltic Sea OPAL ត្រូវបាន​គ្រប់គ្រង​ដោយ​ក្រុមហ៊ុន Wiga Transport ដែលជា​បន្តបន្ទាប់​មាន​ចំនួន ៤៩,៩៨ ​ភាគរយ​គ្រប់គ្រង​ដោយ​ Gazprom Germania​។

ភាគហ៊ុន​ដែល​នៅសល់​នៅក្នុង​ក្រុមហ៊ុន Gascade​ និង​ក្រុមហ៊ុន Wiga Transport ត្រូវបាន​គ្រប់គ្រង​ដោយ​ក្រុមហ៊ុន​ German WintershallDea Group ​ដែល​ ១ ​ភាគ ​៣ ​ត្រូវ​គ្រប់គ្រង​ដោយ​លោក​ Mikhail Fridman មហាសេដ្ឋី​រុស្ស៊ី ដែលជា​គោលដៅ​នៃ​ការដាក់ទណ្ឌកម្ម​នៅពេល​ថ្មីៗ​របស់​ប្រទេស​លោក​ខាងលិច​។

Wingas ដែលជា​ក្រុមហ៊ុន​មួយទៀត ដែល​គ្រប់គ្រង​ទាំង​ស្រុង​ដោយ​ក្រុមហ៊ុន Gazprom Germania ក៏មាន​ចំណែក​ទីផ្សារ​ប្រហែល ២០ ​ភាគរយ និង​ដើរតួនាទី​យ៉ាងសំខាន់​ក្នុង​ការចែកចាយ​ឧស្ម័ន ដើម្បី​ប្រើប្រាស់​នៅតាម​ទីក្រុង​ជាច្រើន ក្រុមហ៊ុន​ឧស្សាហកម្ម និង​រោងចក្រ​ថាមពល​របស់​ប្រទេស​អាល្លឺម៉ង់​៕ LA

អត្ថបទគួរចាប់អារម្មណ៍