.jpg)
Ursula von der Leyen ប្រធានគណៈកម្មការអឺរ៉ុបក្នុងកម្មវិធីសេដ្ឋកិច្ចកាបូនទាបឆ្នាំ ២០២១។ AFP
ទីក្រុងប៉ារីសៈ របាយការណ៍មួយបានឱ្យដឹងថា អឺរ៉ុបត្រូវតែធ្វើសកម្មភាពយ៉ាងឆាប់រហ័សដើម្បីទទួលបានការផ្គត់ផ្គង់លោហៈសំខាន់ៗដែលត្រូវការសម្រាប់ការផ្លាស់ប្តូរថាមពលបៃតង ហើយអ្វីដែលមានសុវត្ថិភាពបំផុត គឺការកែច្នៃឡើងវិញ។
សហភាពអឺរ៉ុបដែលមាន ២៧ ប្រទេសមានគោលបំណងធ្វើឱ្យ «អព្យាក្រឹតកាបូន» ត្រឹមឆ្នាំ ២០៥០ ដោយកាត់បន្ថយឧស្ម័នផ្ទះកញ្ចក់ដល់កម្រិតមួយដែលបរិមាណផលិតមានតុល្យភាពដោយបរិមាណកាបូនដែលដកចេញពីបរិយាកាស។
ប្លុកមួយនេះក៏ចង់ផ្តាច់ខ្លួនបន្តិចម្ដងៗពីការពឹងផ្អែកលើប្រេង ធ្យូងថ្ម និងឧស្ម័នរបស់រុស្ស៊ីផងដែរ។
ធ្វើបានដូចនេះ ប្លុកនេះកំពុងស្វែងរកមិនត្រឹមតែប្រើប្រាស់ថាមពលកាន់តែតិចប៉ុណ្ណោះទេ ប៉ុន្តែថែមទាំងបង្កើនបរិមាណថាមពលដែលផលិតក្នុងស្រុកពីធនធានថាមពលកកើតឡើងវិញ។
ធ្វើដូចនោះរួមមានការផលិតយានយន្តអគ្គិសនី និងអាគុយ នាំមកនូវបច្ចេកវិទ្យាថាមពលខ្យល់ ថាមពលសូឡា និងអ៊ីដ្រូហ្ស៊ែន និងការបង្កើតហេដ្ឋារចនាសម្ព័ន្ធដើម្បីផ្គត់ផ្គង់ថាមពលស្អាតនេះ។
ប៉ុន្តែការពង្រីកបច្ចេកវិទ្យាស្អាតនឹងតម្រូវឱ្យមានធាតុចូលយ៉ាងច្រើននៃវត្ថុធាតុដើម ហើយនៅក្នុងដំណាក់កាលដំបូង យ៉ាងហោចណាស់ភាគច្រើននៃធាតុចូលនេះនឹងត្រូវនាំចូល។ នេះបើយោងតាមការសិក្សាដោយសាកលវិទ្យាល័យ KU Leuven របស់ប្រទេសបែលហ្ស៊ិក។
ដើម្បីកាត់បន្ថយការបំភាយកាបូនឌីអុកស៊ីត (CO2) មកនៅត្រឹម «សូន្យទាំងស្រុង» ត្រឹមឆ្នាំ ២០៥០ សហភាពអឺរ៉ុបនឹងត្រូវការ «សារធាតុលីចូម ៣៥ ដង» ច្រើនជាងការប្រើប្រាស់នាពេលបច្ចុប្បន្ននេះ និង «ពី ៧ ទៅ ២៦ ដងនៃបរិមាណនៃលោហៈរ៉ែកម្រដែលកម្រកំពុងកើនឡើង» ដែលជា «លោហធាតុនេះសម្រាប់ថាមពលស្អាត»។ នេះបើយោងតាមរបាយការណ៍។
ការផ្លាស់ប្តូរថាមពលនេះក៏នឹងតម្រូវឱ្យមានការផ្គត់ផ្គង់ប្រចាំឆ្នាំកាន់តែច្រើននៃសារធាតុ អាលុយមីញ៉ូម ទង់ដែង ស៊ីលីកុន នីកែល និងកូបល។
របាយការណ៍នេះ បន្តថា អឺរ៉ុបអាចស្វ័យផ្គត់ផ្គង់តម្រូវការលោហៈថាមពលស្អាតរបស់ខ្លួនពី ៤០ ទៅ ៧៥ ភាគរយត្រឹមឆ្នាំ ២០៥០ ប្រសិនបើ ប្លុកនេះវិនិយោគច្រើននៅពេលនេះ លើហេដ្ឋារចនាសម្ព័ន្ធកែច្នៃឡើងវិញ និងកាត់បន្ថយការិយាធិបតេយ្យដែលអនុវត្តតាំងដោយសមាគមអឺរ៉ុបនៃ Eurometaux ជាក្រុមហ៊ុនផលិតលោហធាតុ និងក្រុមហ៊ុនកែច្នៃឡើងវិញ។
នៅពេលនេះ សហភាពអឺរ៉ុបនៅតែពឹងផ្អែកលើការនាំចូលសម្រាប់លោហធាតុទាំងនេះភាគច្រើន ហើយការសិក្សាបានព្រមានថា៖ «មានការបារម្ភកាន់តែខ្លាំងឡើងអំពីសុវត្ថិភាពនៃការផ្គត់ផ្គង់»។
លោក LiesbetGregoir អ្នកនិពន្ធជាន់ខ្ពស់បានថ្លែងថា៖ «អឺរ៉ុបចាំបាច់ត្រូវសម្រេចចិត្តជាបន្ទាន់ពីរបៀបដែលខ្លួននឹងភ្ជិតគម្លាតនៃការផ្គត់ផ្គង់នៅពេលអនាគត សម្រាប់លោហធាតុបឋម។ បើគ្មានយុទ្ធសាស្ត្រប្រកបដោយអត្ថន័យសម្រេចនោះទេ អឺរ៉ុបប្រថុយនឹងការពឹងផ្អែកថ្មីលើក្រុមហ៊ុនផ្គត់ផ្គង់ដែលមិនមាននិរន្តរភាព»។
ប្រទេសចិន និងឥណ្ឌា ដែលពឹងផ្អែកលើថាមពលធ្យូងថ្មសម្រាប់ការផលិតលោហៈ ត្រូវបានកំណត់ដើម្បីគ្រប់គ្រងទីផ្សារពិភពលោកសម្រាប់លោហៈថ្ម និងរ៉ែកម្រ។ អឺរ៉ុបពឹងផ្អែកលើប្រទេសរុស្ស៊ីសព្វថ្ងៃនេះសម្រាប់អាលុយមីញ៉ូម នីកែល និងទង់ដែង។
របាយការណ៍នេះបានឱ្យដឹងថា ប្រសិនបើគេមិនសម្រេចបានគោលដៅអាកាសធាតុ និងសង្គមទេនោះអឺរ៉ុបនឹងត្រូវស្វែងរកក្រុមហ៊ុនផ្គត់ផ្គង់ខាងក្រៅដែលមានកំណត់ត្រាបរិស្ថាន និងសិទ្ធិកាន់តែប្រសើរ។
ការសិក្សានេះបានសន្និដ្ឋានថា៖ «ការកែច្នៃឡើងវិញគឺជាឱកាសដ៏ល្អបំផុតរបស់អឺរ៉ុបក្នុងការធ្វើឱ្យប្រសើរឡើង ស្វ័យផ្គត់ផ្គង់រយៈពេលវែង»។ ការសិក្សានេះកត់សម្គាល់ថាការកែច្នៃលោហធាតុផលិតឧស្ម័នកាបូនិក (CO2) តិចជាងការផលិតលោហធាតុបឋម។
ត្រឹមឆ្នាំ ២០៥០លោហធាតុកែច្នៃក្នុងស្រុកអាចផលិត «កាំរស្មីអវិជ្ជមានអាគុយដែលផលិតនៅអឺរ៉ុប ៣ ភាគ ៤ ផែនការទាំងអស់សម្រាប់ផលិតមេដែកអចិន្ត្រៃយ៍ និងបរិមាណសំខាន់ៗនៃអាលុយមីញ៉ូម និងទង់ដែង»៕ LA
