តម្លៃមាសបានកើនឡើងនៅពេលថ្ងៃត្រង់នៃការជួញដូរនៅសហរដ្ឋអាមេរិកកាលពីថ្ងៃចន្ទប៉ុន្តែនៅតែទាបជាងវគ្គជួញដូរមុនខណៈទីផ្សារភាគហ៊ុននៅសហរដ្ឋអាមេរិកបន្តកើនឡើង។កាលពីថ្ងៃអង្គារការខាតបង់យ៉ាងសំខាន់នៅក្នុងសន្ទស្សន៍ប្រាក់ដុល្លារអាមេរិក ដែលឈានដល់កម្រិតទាបរយៈពេល ៤ សប្តាហ៍បានគាំទ្រដល់លោហធាតុមានតម្លៃ។
ពេលទីផ្សារកំពុងរង់ចាំការចេញផ្សាយរបស់ធនាគារកណ្ដាលសហរដ្ឋអាមេរិកពីកិច្ចប្រជុំគោលនយោបាយសម្រាប់ខែឧសភា កាលពីថ្ងៃព្រហស្បតិ៍សប្តាហ៍មុនតម្លៃមាសបានធ្លាក់ចុះពី ១ ៧៨៥ ដល់ ១ ៨៦៥ ដុល្លារ ក្នុងមួយអោនស៍។ ចំណុចមួយទៀតដើម្បីមើលពីទីផ្សារមាសនៅសប្តាហ៍នេះ គឺរបាយការណ៍ដែលសហរដ្ឋអាមេរិកអាចពិចារណាដកពន្ធពាណិជ្ជកម្មមួយចំនួនលើប្រទេសចិន។នេះយ៉ាងហោចណាស់មួយផ្នែកអាចបន្ធូរបន្ថយបន្ទុកហិរញ្ញវត្ថុលើក្រុមហ៊ុននិងអ្នកប្រើប្រាស់។
ដូចគ្នានេះដែរប្រធានាធិបតីសហរដ្ឋអាមេរិកលោក Joe Biden បានធ្វើដំណើរទៅកាន់អាស៊ីហើយកាលពីថ្ងៃចន្ទបានដាក់ចេញនូវវេទិកាកិច្ចសហប្រតិបត្តិការសេដ្ឋកិច្ចថ្មីមួយហៅថា Indo-Pacific Economic Framework ដែលអាចនាំឱ្យសហរដ្ឋអាមេរិករួមជាមួយប្រទេសអាស៊ីប៉ាស៊ីហ្វិកចំនួន ១២ ផ្សេងទៀតទទួលបាន ៤០% នៃចំណែកសេដ្ឋកិច្ចពិភពលោក។
តាមលក្ខណៈបច្ចេកទេសវិញរបាតម្លៃប្រចាំថ្ងៃបង្ហាញថា មាសកំពុងបន្តក្នុងទិសដៅធ្លាក់ចុះដោយមានទំនោរកើនឡើងក្នុងរយៈពេលខ្លីតែប៉ុណ្ណោះ។ដូច្នេះប្រសិនបើតម្លៃកើនឡើងកាន់តែច្រើនក្នុងសប្តាហ៍នេះទិសដៅធ្លាក់ចុះនឹងពិតជាត្រូវបានត្រលប់មកវិញ។គិតត្រឹមថ្ងៃអង្គារសប្តាហ៍នេះរបាតម្លៃខ្ពស់គឺនៅកម្រិត ១ ៨៦៥ ដុល្លារ នឹងអាចឡើងដល់ ១ ៨៧៥ ដុល្លារ។ ចំណែរបាតម្លៃទាប គឺនៅកម្រិត ១ ៨៤៣ និងអាចធ្លាក់ដល់កម្រិតទាបថ្ងៃសុក្រ ១ ៨៣០ ដុល្លារ៕