The Phnom Penh Post Search

Search form




Logo of Phnom Penh Post newspaper Phnom Penh Post - ពន្ធដារ​ជំរុញ​វិនិយោគិន​ចិន​ បំពេញ​កាតព្វកិច្ច​ពន្ធ​ឱ្យ​បាន​ត្រឹមត្រូវ

ពន្ធដារ​ជំរុញ​វិនិយោគិន​ចិន​ បំពេញ​កាតព្វកិច្ច​ពន្ធ​ឱ្យ​បាន​ត្រឹមត្រូវ

Content image - Phnom Penh Post
អគ្គនាយក​នៃ​អគ្គនាយកដ្ឋាន​ពន្ធដារ។ ហេង ជីវ័ន

ពន្ធដារ​ជំរុញ​វិនិយោគិន​ចិន​ បំពេញ​កាតព្វកិច្ច​ពន្ធ​ឱ្យ​បាន​ត្រឹមត្រូវ

ភ្នំពេញៈ អគ្គនាយក​នៃ​អគ្គនាយកដ្ឋាន​ពន្ធដារ ជំរុញ​ និង​លើក​ទឹក​ចិត្ត​ចំពោះ​វិនិយោគិន​ចិន​ទាំងឡាយ​ចូលរួម​បំពេញ​កាតព្វកិច្ច​សារពើពន្ធ និង​ចុះ​បញ្ជីពន្ធដារ​ឱ្យ​បាន​ត្រឹមត្រូវ និង​ស្រប​តាម​បទប្បញ្ញត្តិ​ស្តីពី​ពន្ធដារ​ជា​ធរមាន។

នៅ​ក្នុង​កិច្ចប្រជុំ​ក្រុម​ការងារ​ភាព​ជា​ដៃគូ​អគ្គនាយកដ្ឋាន​ពន្ធដារ-សភា​ពាណិជ្ជកម្ម​ចិន (កម្ពុជា) ជាមួយ​ទីប្រឹក្សា​ពាណិជ្ជកម្ម​នៃ​ស្ថានទូត​សាធារណរដ្ឋ​ប្រជាមានិត​ចិន​ប្រចាំ​កម្ពុជា លោក គង់ វិបុល រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​ជា​ប្រតិភូរាជ​រដ្ឋាភិបាល​ជំនាញ​នៃ​អគ្គនាយកដ្ឋាន​ពន្ធដារ​បាន​ថ្លែង​ថា វេទិកា​ពិភាក្សា​នេះ បាន​ដើរ​តួនាទី​យ៉ាង​សំខាន់​ក្នុង​ការ​ជំរុញ​ការ​វិនិយោគ និង​អនុលោម​ភាព​សារពើពន្ធ​ស្រប​ពេល​ដែល​ការិនិយោគ​ផ្ទាល់​ពី​ប្រទេស​ចិន តាំង​ពី​ឆ្នាំ ១៩៩៤ មក​រហូត​ដល់​បច្ចុប្បន្ន​នេះ បាន​ឈរ​នៅ​លំដាប់​លើ​គេ ក្នុង​ចំណោម​ការ​វិនិយោគ​ផ្ទាល់​ពី​បរទេស ក្នុង​នោះ​បាន​វិនិយោគ​លើ​វិស័យ​សំខាន់ៗ​មាន​ដូចជា វិស័យ​កសិកម្ម និង​កសិ-ឧស្សាហកម្ម, វិស័យ​ឧស្សាហកម្ម និង​កម្មន្តសាល, សំណង់, ទេសចរណ៍, សេវាកម្ម និង​ហេដ្ឋរចនាសម្ព័ន្ធ។

ទន្ទឹម​នឹង​នេះ​ដែរ លោក​អគ្គនាយក​បាន​បញ្ជាក់​ថា៖ «ខ្ញុំ​សូម​ជំរុញ និង​លើក​ទឹក​ចិត្ត​ដល់​វិនិយោគិន​ចិន​ទាំងឡាយ ទាំង​សហគ្រាស​ជា​អ្នក​ជាប់​ពន្ធ​ធំ ពន្ធ​មធ្យម និង​ពន្ធ​តូច​ក្នុង​ការ​ចូលរួម​បំពេញ​កាតព្វកិច្ច​សារពើរពន្ធ។ ដោយ​ឡែក​អ្នក​ដែល​មិន​ទាន់​បាន​មក​ចុះ​បញ្ជី​ពន្ធដារ សូម​មក​ចូលរួម​ចុះ​បញ្ជី​ពន្ធដារ និង​បំពេញ​កាតព្វកិច្ច​សារពើពន្ធ​ស្រប​តាម​ច្បាប់​ស្តីពី​ពន្ធដារ​ជា​ធរមាន»។

គួរ​បញ្ជាក់​ផង​ដែរ​ថា ក្រុម​ការងារ​ភាព​ជា​ដៃគូ អគ្គនាយកដ្ឋាន​ពន្ធដារ-សភា​ពាណិជ្ជកម្ម​ចិន (កម្ពុជា) បាន​បង្កើត​ឡើង​តាមរយៈ​ប្រកាស​លេខ ៧៧៥ សហវ.ប្រក ចុះ​ថ្ងៃទី ២៩ ខែ សីហា ឆ្នាំ ២០១៩ ក្នុង​គោល​បំណង​ដោះស្រាយ​ពី​កង្វល់ និង​បញ្ហា​ផ្សេងៗ ដែល​ក្រុមហ៊ុន​ចិន​បាន​ជួប​ប្រទះ នៅ​ពេល​ដែល​ប្រតិបត្តិការ​អាជីវកម្ម​នៅ​កម្ពុជា៕

វីដេអូ៖

អត្ថបទគួរចាប់អារម្មណ៍