តម្លៃមាសត្រូវបានបន្តជួញដូរក្នុងចន្លោះតម្លៃតូច ខណៈដែលវាកំពុងប្រតិកម្មជាមួយកម្លាំង ២ នោះគឺការកើនឡើងអត្រាការប្រាក់ និងអតិផរណា។ តម្លៃមាសបាននិងកំពុងប្រែប្រួលនៅចន្លោះតម្លៃ ១ ៨០០ ទៅ ១ ៩០០ ដុល្លារ ក្នុង ១ អោនស៍ ខណៈវិនិយោគិនកំពុងផ្ដោតសំខាន់ទៅលើភាពខ្លាំងរបស់ប្រាក់ដុល្លារ ដែលជាលទ្ធផលនៃការកើនឡើងអត្រាការប្រាក់។
លោក Thomas Barkin ប្រធានធនាគារកណ្ដាល Richmond បាននិយាយកាលពីថ្ងៃអង្គារថា ការណែនាំរបស់ប្រធានធនាគារកណ្តាលអាមេរិកលោក Jerome Powell ចំពោះរឿងដែលធនាគារកណ្តាលសហរដ្ឋអាមេរិកទំនងនឹងដំឡើងអត្រាការប្រាក់ ០,៥% ឬ ០,៧៥% នៅក្នុងខែកក្កដា គឺ «សមហេតុផល» បើទោះបីជាគាត់បានព្រមានប្រឆាំងនឹងធនាគារដែល មានចលនាលឿនខ្លាំង ដែលនាំឱ្យប៉ះពាល់ដល់សេដ្ឋកិច្ច។ ម្យ៉ាងវិញទៀត ធនាគារកណ្តាលសហរដ្ឋអាមេរិកបានត្រៀមខ្លួនដំឡើងអត្រាការប្រាក់ធំជាងធម្មតាម្តងទៀតនៅក្នុងកិច្ចប្រជុំបន្ទាប់របស់ខ្លួនក្នុងខែកក្កដា ខណៈដែលខ្លួនកំពុងស្វែងរកមធ្យោបាយទប់ទល់នឹងអតិផរណា ដែលកំពុងដំណើរការលើសពីគោលដៅ ២% របស់ខ្លួន ជាមួយនឹងការភ័យខ្លាចដែលកំពុងកើនឡើងថា វានឹងឈានទៅរកវិបត្តិសេដ្ឋកិច្ច។
ដូច្នេះ ប្រសិនបើមាសអាចរក្សានូវកម្រិតតម្លៃទាប ១ ៨០០ ដុល្លារ វានឹងរកឃើញកម្រិតតម្លៃខ្ពស់តូចមួយនៅកម្រិតតម្លៃមធ្យមនៃរយៈពេល ២០០ ថ្ងៃ។ កម្រិតតម្លៃខ្ពស់នៅកម្រិតមធ្យមនៃរយៈពេល ២០០ ថ្ងៃ បន្ទាប់អាចកើតមាន ប្រសិនបើវាបន្តកើនឡើងពីចំណុចតម្លៃ ១ ៨៦០ ដុល្លារ ដែលជាកម្រិតខ្ពស់កាលពីសប្តាហ៍មុន។ ជាមួយនឹងកិច្ចប្រជុំរបស់គណៈកម្មាធិការទីផ្សារបើកចំហ (FOMC) បន្ទាប់នៅចុងខែកក្កដា អ្នកចូលរួមទីផ្សារនឹងផ្តល់អាទិភាពដល់ការផ្តោតអារម្មណ៍របស់ពួកគេទៅលើអតិផរណា ហើយប្រសិនបើអតិផរណានៅតែបន្តកើនឡើង យើងអាចរំពឹងថា នឹងឃើញមាសកើនឡើង៕