លោកស្រី ជា សិរី ឧបការីទេសាភិបាលនៃធនាគារជាតិនៃកម្ពុជាថ្លែងក្នុងកម្មវិធីមួយកន្លងមក។ ហេង ជីវ័ន
ភ្នំពេញ: ធនាគារជាតិនៃកម្ពុជា (NBC) បានលើកទឹកចិត្តដល់ស្ថាប័នហិរញ្ញវត្ថុរួមគ្នាលើកកម្ពស់ហិរញ្ញវត្ថុបៃតងនៅក្នុងឧស្សាហកម្មនេះ ជាវិធានការមួយដើម្បីរួមចំណែកដល់ការប្តេជ្ញាចិត្តរបស់រដ្ឋាភិបាលកម្ពុជាលើយុទ្ធសាស្ត្រកាបូនសូន្យត្រឹមឆ្នាំ ២០៥០។
ក្នុងអំឡុងពេលសន្និសីទស្តីពីការប្រែប្រួលអាកាសធាតុលើកទី ២៦ របស់អង្គការសហប្រជាជាតិដែលធ្វើឡើងនៅទីក្រុង Glasgow កាលពីចុងឆ្នាំ ២០២១ កម្ពុជាបានប្តេជ្ញាថា នឹងកាត់បន្ថយការបំភាយឧស្ម័នផ្ទះកញ្ចក់ច្រើនជាង ៤០ ភាគរយកម្រិតមធ្យមត្រឹមឆ្នាំ ២០៣០។
លោកស្រី ជា សិរី ឧបការីទេសាភិបាលនៃ NBC ថ្លែងក្នុងពិធីបិទវគ្គបណ្តុះបណ្តាលស្តីពីការគ្រប់គ្រងហានិភ័យបរិស្ថាន សង្គម និងអភិបាលកិច្ចកាលពីថ្ងៃព្រហស្បតិ៍ ទី ១៤ ខែកក្កដា ឆ្នាំ ២០២២ ថា NBC កំពុងធ្វើការងារជាមួយគ្រឹះស្ថានហិរញ្ញវត្ថុ បណ្ដាស្ថាប័ននានា និងដៃគូអភិវឌ្ឍន៍នានាលើគម្រោងជាច្រើនស្តីពីហិរញ្ញវត្ថុបៃតង និងនិរន្តរភាព។
លោកស្រីថ្លែងថា៖ «វេទិកាទាំងនេះអាចឱ្យយើងពង្រឹងការងាររបស់យើងលើគំនិតផ្តួចផ្តើមហិរញ្ញវត្ថុបៃតង និងនិរន្តរភាព ដែលបន្តអនុវត្តក្នុងពេលដំណាលគ្នាដោយសមាគមធនាគារនៅកម្ពុជា (ABC)»។
លោកស្រីថ្លែងក្នុងឆ្នាំ ២០១៦ ថា ABCបានចូលរួមជាផ្លូវការជាមួយបណ្តាញធនាគារប្រកបដោយនិរន្តរភាព ដែលជាគំនិតផ្តួចផ្តើមមួយរបស់ IFC ដោយប្តេជ្ញាផ្តល់ហិរញ្ញប្បទានប្រកបដោយនិរន្តរភាព។ លោកគូសបញ្ជាក់ថា៖ «ក្រៅពីសមិទ្ធផល និងកិច្ចខិតខំប្រឹងប្រែងទាំងនេះ យើងបានចាត់វិធានការបន្ថែមទៀតនៅក្នុងដំណើរការហិរញ្ញវត្ថុបៃតង និងនិរន្តរភាព ដូចជាការបង្កើនចំណេះដឹង កំណត់ប្រព័ន្ធហិរញ្ញវត្ថុបៃតង និងនិរន្តរភាព និងការអនុវត្តស្តង់ដាក្នុងវិស័យធនាគារ និងវាយតម្លៃគំនិតផ្តួចផ្តើមដែលមានស្រាប់ និងវាយតម្លៃពីបញ្ហាប្រឈមដែលអាចកើតឡើងក្នុងវិស័យហិរញ្ញវត្ថុ ដោយសារតែហានិភ័យដែលជាប់ទាក់ទងនឹងអាកាសធាតុ»។
លោកស្រីបន្ថែមថា៖ «យើងមាន ហើយនឹងបន្តប្រមូលផ្តុំភាពជាដៃគូពហុភាគី ដើម្បីសម្រេចបានប្រព័ន្ធហិរញ្ញវត្ថុប្រកបដោយនិរន្តរភាព។ យើងស្វាគមន៍ការរួមចំណែក និងការចូលរួមកាន់តែច្រើនពីភាគីពាក់ព័ន្ធ និងដៃគូនានា ដើម្បីគាំទ្រដល់កិច្ចខិតខំប្រឹងប្រែងផ្នែកហិរញ្ញវត្ថុប្រកបដោយនិរន្តរភាពនេះ»។
សម្ព័ន្ធហិរញ្ញវត្ថុយុត្តិធម៌កម្ពុជាបានបោះពុម្ពផ្សាយការសិក្សាលម្អិតស្តីពីការអនុវត្តគោលនយោបាយហិរញ្ញប្បទានបៃតងនៅកម្ពុជានៃការអនុវត្តគោលនយោបាយហិរញ្ញប្បទានបៃតងនៅកម្ពុជាកាលពីថ្ងៃទី ២៤ ខែកុម្ភៈ ឆ្នាំ ២០២២។
បើយោងតាមការសិក្សានេះត្រូវបានដាក់ឱ្យដំណើរការរួមជាមួយនឹងការបោះពុម្ពផ្សាយ ពន្ធដារអាស៊ានសម្រាប់ហិរញ្ញវត្ថុ និរន្តរភាព ដើម្បីផ្តល់អនុសាសន៍គោលនយោបាយ និងលក្ខណវិនិច្ឆ័យសំខាន់ៗសម្រាប់រដ្ឋាភិបាលកម្ពុជា ក្រសួងសេដ្ឋកិច្ច និងហិរញ្ញវត្ថុ និង ធនាគារជាតិនៃកម្ពុជា ដើម្បីធ្វើការវាយតម្លៃទៅលើគុណភាពនៃសកម្មភាពហិរញ្ញប្បទាននានា៕
