នៅពេលវិនិយោគិននៅអាស៊ីចាប់ផ្តើមជួញដូរក្នុងសប្តាហ៍ដ៏សំខាន់មួយនេះ ជាមួយការប្រជុំគោលនយោបាយរូបិយវត្ថុរបស់ធនាគារកណ្ដាលសហរដ្ឋអាមេរិក (Fed) តម្លៃគូជួញដូរ XAU/USD មានស្ថិរភាពនៅតម្លៃប្រហែល១ ៦៧៥ ដុល្លារ (ក្នុង ១ អោនស៍)។ បន្ទាប់ពីទិន្នន័យបានបង្ហាញថា នៅតែមានតម្រូវការខ្ពស់សម្រាប់បុគ្គលិកនៅសហរដ្ឋអាមេរិក តម្លៃមាសបានធ្លាក់ចុះ ស្របពេលមានការរំពឹងទុកថា Fed នឹងដំឡើងអត្រាការប្រាក់កាន់តែលឿន។
មុនពេល Fed ធ្វើការសម្រេចចិត្តលើអត្រាការប្រាក់របស់ខ្លួន តម្លៃមាសត្រូវបានគេរំពឹងថានឹងនៅតែមានការប្រែប្រួលខ្លាំង។ Fed ត្រូវបានគេរំពឹងថានឹងប្រកាសការដំឡើងអត្រាការប្រាក់ ០,៧៥% ជាលើកទី ៣ ជាប់ៗគ្នា។ សន្ទស្សន៍ប្រាក់ដុល្លារអាមេរិក (DXY) បច្ចុប្បន្នកំពុងនៅកម្រិត ១០៩,៥០ ដែលជាចំណុចដ៏សំខាន់។ ការព្យាករសម្រាប់កំណើននៅឆ្នាំ ២០២៣ ត្រូវបានកែសម្រួលចុះក្រោមដោយអ្នកសេដ្ឋកិច្ច Goldman Sachs។
ផលិតផលក្នុងស្រុកសរុបរបស់សហរដ្ឋអាមេរិក (GDP) ត្រូវបានព្យាករថានឹងកើនឡើង ១,១% ដែលជាលទ្ធផលនៃការរឹតបន្តឹងរបស់ Fed និងគោលនយោបាយដែលមានស្រាប់ ដែលនឹងកំណត់វិសាលភាព សម្រាប់កំណើនសកម្មភាពសេដ្ឋកិច្ច។
គួរបញ្ជាក់ថា តម្លៃមាសបច្ចុប្បន្នស្ថិតនៅក្រោមតម្លៃ ១ ៧០០ ដុល្លារ និងកំពុងស្ថិតក្នុងទិសដៅធ្លាក់ចុះ។ នេះបើយោងទៅតាមការវិភាគផ្នែកបច្ចេកទេស ហើយកំពុងប្រែប្រួលក្នុងតម្លៃចន្លោះពី ១ ៦៨០ មក ១ ៦៥០ ដុល្លារ៕