ក្រុមហ៊ុន FWD Cambodia បានបើកដំណើរការជាផ្លូវការក្នុងប្រទេសកម្ពុជានៅខែកញ្ញា ឆ្នាំ ២០២១ ជាមួយនឹងចក្ខុវិស័យក្នុងការផ្តល់បទពិសោធន៍ថ្មីលើសេវាធានារ៉ាប់រង។
លោកអគ្គនាយក ចាន់ រដ្ឋា បានចាប់ផ្តើមដំណើរលើវិស័យធានារ៉ាប់រងនេះនៅក្រុមហ៊ុនអន្តរជាតិមួយដែលឈានជើងចូលប្រទេសកម្ពុជាដំបូងគេបង្អស់នៅឆ្នាំ ២០១២ មុនពេលដែលលោកចាប់ផ្ដើមជាមួយក្រុមហ៊ុន FWD Cambodia នៅឆ្នាំ ២០២០។
ក្នុងនាមជាសមាជិកដំបូងបំផុតមួយរូបក្នុងវិស័យធានារ៉ាប់រងអាយុជីវិតនៅកម្ពុជា គាត់លោកបានប្រាប់មក ភ្នំពេញ បុស្តិ៍ ពីការប្តេជ្ញារបស់ក្រុមហ៊ុន FWD ក្នុងការផ្ដល់បទពិសោធន៍ និងសេវាកម្មដែលសាមញ្ញជាងមុន រហ័សជាងមុន ងាយស្រួលយល់ជាងមុន ជាមួយបច្ចេកវិទ្យាឌីជីថលក្នុងកិច្ចសម្ភាសន៍ជាមួយលោកស្ដីពីដំណើររយៈពេលមួយឆ្នាំនៅប្រទេសកម្ពុជា របស់ក្រុមហ៊ុនធានារ៉ាប់រងអាយុជីវិតលំដាប់អន្តរជាតិមួយនេះ។
តើក្រុមហ៊ុន FWD ផ្តល់បទពិសោធន៍ថ្មីលើសេវាធានារ៉ាប់រងយ៉ាងដូចម្តេចជាពិសេសនៅកម្ពុជា?
ការផ្តល់បទពិសោធន៍ថ្មីលើសេវាធានារ៉ាប់រង គឺជាចក្ខុវិស័យរបស់យើងនៅគ្រប់ទីផ្សារអាជីវកម្មរបស់យើង រួមទាំងប្រទេសកម្ពុជាផងដែរ។ យើងចង់ផ្តល់បទពិសោធន៍ថ្មីដល់ប្រជាជនក្នុងការចូលរួមនិងប្រាស្រ័យទាក់ទងជាមួយក្រុមហ៊ុនធានារ៉ាប់រងអាយុជីវិត។
ដើម្បីសម្រេចបាននូវចក្ខុវិស័យនេះ យើងបាននាំមកនូវភាពសាមញ្ញក្នុងវិធីដែលយើងប្រតិបត្តិអាជីវកម្មជាមួយអតិថិជន។ យើងសហការគ្នា និងខិតខំប្រឹងប្រែងផ្ដល់នូវភាពច្បាស់លាស់លើរាល់កិច្ចការដែលយើងធ្វើ រួមទាំងការប្រើប្រាស់ពាក្យផងដែរដើម្បីឱ្យអតិថិជនងាយស្រួលយល់។
ការប្រើប្រាស់បច្ចេកវិទ្យា ដែលយើងផ្តោតសំខាន់បច្ចេកវិទ្យាឌីជីថល គឺជាគន្លឹះសំខាន់សម្រាប់យើងពីព្រោះយើងចង់ផ្តល់សេវាកម្មឱ្យបានលឿនបំផុតដល់អតិថិជនរបស់យើងទៅតាមតម្រូវការពួកគាត់។បច្ចេកវិទ្យាឌីជីថល គឺជាមធ្យោបាយមួយដើម្បីធានាថាយើងអាចធ្វើកិច្ចការទាំងនេះបានជាមួយនឹងតម្លៃសមរម្យ។
ពាណិជ្ជកម្មតាមប្រព័ន្ធអេឡិចត្រូនិក (E-commerce) ធ្វើឱ្យការទទួលយកសេវាកម្មនានាកាន់តែដែលមានភាពសាមញ្ញ ងាយស្រួល និងលឿន។ក្នុងប្រទេសកម្ពុជានាពេលបច្ចុប្បន្នការប្រើប្រាស់ E-commerce នេះកំពុងតែរីកដុះដាលជាខ្លាំងហើយក្នុងនោះខ្ញុំអាចនិយាយបានថា យើងគឺជាតួអង្គដំបូង និងឈានមុខគេមួយក្នុងការផ្តល់ជូននូវបទពិសោធន៍ E-commerce ដែលមានលក្ខណៈពេញលេញក្នុងវិស័យធានារ៉ាប់រងអាយុជីវិត។
ការដាក់ឱ្យប្រើប្រាស់ផលិតផល Life Cancer Care ជាសក្ខីភាពមួយបង្ហាញពីការប្តេជ្ញាចិត្តរបស់យើង ចំពោះបទពិសោធន៍របស់អតិថិជន និងការផ្តោតសំខាន់លើបច្ចេកវិទ្យាឌីជីថលរបស់យើង។ Life Cancer Care ផ្ដល់ទាំងការធានារ៉ាប់រងអាយុជីវិត និងការព្យាបាលជំងឺមហារីក ហើយអតិថិជនរបស់យើងអាចទទួលបានការការពារដោយខ្លួនឯងដោយប្រើពេលខ្លីជាទីបំផុតតាមរយៈទូរស័ព្ទដៃរបស់ខ្លួន។
ហេតុអ្វីបានជា FWD សម្រេចចិត្តចាប់យកការប្រើប្រាស់បច្ចេកវិទ្យាឌីជីថល? តើការធ្វើបែបនេះផ្ដល់អត្ថប្រយោជន៍អ្វីខ្លះ?
បច្ចេកវិទ្យាឌីជីថលអនុញ្ញាតឱ្យយើងនាំមកនូវភាពសាមញ្ញចំពោះអ្វីគ្រប់យ៉ាងដែលយើងធ្វើ ហើយភាពសាមញ្ញនៅក្នុងវិស័យធានារ៉ាប់រងមានន័យខ្លាំងណាស់សម្រាប់អតិថិជន។
ជាមួយនឹងហេដ្ឋារចនាសម្ព័ន្ធ cloud-based ១០០% របស់យើងតាំងពីដំបូង យើងអាចផ្តល់នូវភាពបត់បែន ល្បឿនលឿន និងប្រសិទ្ធភាពការងារជូនក្រុមការងាររបស់យើង ក៏ដូចជាការទំនាក់ទំនងជាមួយអតិថិជន និងដៃគូអាជីវកម្មរបស់យើងផងដែរ។ ទំនើបកម្មនេះធ្វើឲ្យឱ្យ FWD Cambodia ក្លាយជាក្រុមហ៊ុនធានារ៉ាប់រងដែលត្រៀមខ្លួនរួចជាស្រេចសម្រាប់ពេលអនាគតដើម្បីក្រុមគ្រួសារកម្ពុជា។
បន្ថែមលើផលិតផល Life Cancer Care ដែលខ្ញុំទើបតែនិយាយមុននេះ, កាលពីពេលថ្មីៗនេះ យើងក៏បានដាក់ឱ្យប្រើប្រាស់កម្មវិធីទូរស័ព្ទ «Omne» នៅក្នុងទីផ្សារ ដែលអនុញ្ញាតឱ្យអតិថិជននិងសាធារណជនទទួលបានព័ត៌មានសំខាន់ៗអំពីបណ្ណសន្យារ៉ាប់រងកម្មវិធីកម្សាន្ត ដូចជាតន្ត្រី ហ្គេម ការគូររូប មុខងារសុខភាព និងមុខងារជាច្រើនទៀត។
តាមរយៈការប្រើប្រាស់បច្ចេកវិទ្យាឌីជីថល យើងក៏អាចជួយការពារបរិស្ថានផងដែរ។ ជាមួយនឹងថវិកាដែលសន្សំបានពីការមិនប្រើក្រដាស យើងអាចផ្តួចផ្តើមយុទ្ធនាការសហគមន៍មួយដែលមានឈ្មោះថា «ធានារ៉ាប់រងខ្ញុំ បំភ្លឺសហគមន៍យើង» ដើម្បីបំភ្លឺសហគមន៍តាមរយៈអំពូលសូឡាជាពិសេសចំពោះសហគមន៍ក្រីក្រដែលខ្វះអគ្គិសនីប្រើប្រាស់នៅពេលយប់។
បង្គោល និងអំពូលសូឡានីមួយៗមានឈ្មោះអតិថិជននៅលើនោះ។ បច្ចុប្បន្ន យើងបានផ្តល់អំពូលចំនួន ១ ០០០ ដើមនៅទូទាំងប្រទេសកម្ពុជាក្នុងនោះមាននៅក្នុងរាជធានីភ្នំពេញ ខេត្តតាកែវ កំពត មណ្ឌលគិរី កំពង់ស្ពឺ និងតំបន់ជាច្រើនទៀត។អង្គការមូលនិធិកុមារកម្ពុជានៅសហគមន៍ស្ទឹងមានជ័យ គឺជាអង្គការមួយក្នុងចំណោមសហគមន៍ផ្សេងទៀត ដែលយើងបានផ្តល់អំពូលភ្លើងឱ្យ។
ខ្ញុំពិតជារីករាយណាស់នៅពេលដែលបានជួបប្រជាជនរស់នៅក្នុងសហគមន៍នោះ ហើយពួកគាត់បានប្រាប់ខ្ញុំថាការរស់នៅរបស់ពួកគាត់បានល្អប្រសើរឡើង។ បច្ចុប្បន្ន កូនៗរបស់ពួកគាត់ទទួលអត្ថប្រយោជន៍ពីអំពូលសូឡានេះហើយក្មេងៗអាចទៅសាលារៀន និងត្រលប់មកផ្ទះវិញដោយសុវត្ថិភាពនៅពេលល្ងាច ធ្វើឱ្យឪពុកម្តាយលែងមានកង្វល់ទៀត។
ការដែលយើងអាចធ្វើបែបនេះបានគឺគ្រាន់តែជាផ្នែកមួយប៉ុណ្ណោះនៃអត្ថប្រយោជន៍ដែលបានមកពីការប្រើប្រាស់បច្ចេកវិទ្យាឌីជីថល។ការធ្វើអាជីវកម្មបែបនេះផ្តល់ភាពវិជ្ជមានច្រើនសម្រាប់បរិស្ថាន សហគមន៍ អតិថិជន និងសម្រាប់ក្រុមហ៊ុនផ្ទាល់ផងដែរ។
FWD Cambodia គឺជាក្រុមហ៊ុនអន្តរជាតិមួយនៅក្នុងព្រះរាជាណាចក្រកម្ពុជាដែលប្រតិបត្តិការដោយជនជាតិខ្មែរ។ តើលោកយល់យ៉ាងណាចំពោះរឿងនេះ?
គណៈគ្រប់គ្រងរបស់យើងសុទ្ធតែជាជនជាតិខ្មែរ ដោយមានការគាំទ្រពីការិយាល័យស្នាក់ការកណ្តាល ដែលនេះអនុញ្ញាតឱ្យយើងយល់ច្បាស់អំពីអ្វីដែលប្រជាជនកម្ពុជាត្រូវការ។ជាឧទាហរណ៍ ទាក់ទងនឹងគម្រោងសហគមន៍ យើងដឹងថាកន្លែងណាត្រូវការជំនួយបំផុត និងអ្វីដែលផ្តល់ប្រយោជន៍បំផុតសម្រាប់សហគមន៍និងអតិថិជន ខណៈដែលយើងទទួលបានការគាំទ្រយ៉ាងពេញទំហឹងពីនិយ័តករធានារ៉ាប់រងកម្ពុជា។
ការផ្តល់បទពិសោធន៍ថ្មីលើសេវាធានារ៉ាប់រង ត្រូវបានឆ្លុះបញ្ចាំងតាមរយៈបទពិសោធន៍របស់អតិថិជន។ យើងមិនអាចអះអាងថាយើងបានសម្រេចរឿងនេះទេ លុះត្រាអតិថិជនប្រាប់យើងថាយើងបានធ្វើវាហើយ។សមិទ្ធផលមួយទៀតដែលយើងបានធ្វើសម្រាប់និងជាមួយអតិថិជនរបស់យើងគឺការបង្កើតកម្មវិធីអប់រំ និងកម្សាន្តសម្រាប់កូនៗអតិថិជនរបស់យើងដែលយើងហៅថា «E-Gen Kid»។
ដូច្នេះប្រសិនបើលោកអ្នកអញ្ជើញមកកាន់ការិយាល័យរបស់ FWD Cambodia នៅព្រឹកថ្ងៃសៅរ៍ នោះលោកអ្នកនឹងឃើញអតិថិជនរបស់យើងជាច្រើនជាមួយកូនៗរបស់ពួកគាត់ក្នុងថ្នាក់រៀនសរសេរកូដ។ យើងផ្តល់ជូននូវថ្នាក់រៀនសរសេរកូដសម្រាប់កូនៗរបស់អតិថិជនយើង ហើយយើងក៏បើកក្លឹបអាន ក៏ដូចជាថ្នាក់គូរគំនូរផងដែរ។
ទាំងនេះ គឺជាចំណែកនៃកិច្ចខិតខំប្រឹងប្រែងរបស់យើងដើម្បីផ្តល់បទពិសោធន៍ថ្មីលើសេវាធានារ៉ាប់រង។ ហើយតាមរយៈវិធីនេះយើងនឹងមានឱកាសជួបជាមួយអតិថិជនជារៀងរាល់សប្តាហ៍។
តើលោកអាចប្រាប់យើងអំពីភាពជាដៃគូជាមួយក្រុមហ៊ុនក្នុងស្រុកបានទេ? ជាឧទាហរណ៍លោកទើបតែប្រកាសអំពីភាពជាដៃគូអាជីវកម្មជាមួយធនាគារ ជីប ម៉ុង នាពេលថ្មីៗនេះ។
មនុស្សម្នាក់ៗមានតម្រូវការ និងការចង់បានខុសៗគ្នា ហើយតាមរយៈការសហការជាមួយដៃគូ យើងអាចពង្រីកសមត្ថភាពក្នុងការបម្រើអតិថិជនរបស់យើងតាមវិធីផ្សេងៗគ្នាជាច្រើន។
ដូចជាការចូលរួមរបស់អតិថិជន នៅពេលដែលយើងដំណើរការថ្នាក់រៀនសរសេរកូដសម្រាប់កូនៗរបស់អតិថិជនយើងជារៀងរាល់ចុងសប្តាហ៍ គឺយើងបានចាប់ដៃគូជាមួយ Tech for Kids។ហើយដើម្បីបើកក្លឹបអាន យើងធ្វើការជាមួយអង្គការ Sipar ដែលមានជំនាញខាងផលិតសៀវភៅរឿង និងសម្ភារៈអានសម្រាប់កុមារ។
ដូចគ្នាដែរ ដើម្បីចែកចាយផលិតផល និងសេវាកម្មរបស់យើងទៅដល់អតិថិជនឱ្យកាន់តែទូលំទូលាយ យើងបានធ្វើការជាមួយដៃគូក្នុងស្រុកជាច្រើនទៀត។
យើងមានមោទនមោទកភាពដែលបានការធ្វើការជាមួយធនាគារឈានមុខដូចជាធនាគារ ជីប ម៉ុង ដែលទើបតែចាប់ផ្ដើមឡើងដូចពួកយើងដែរ ប៉ុន្តែមានការរីកចម្រើនយ៉ាងឆាប់រហ័ស និងប្រើប្រាស់បច្ចេកវិទ្យាកម្រិតខ្ពស់។ហើយគោលបំណងរួមរបស់យើងគឺការផ្តល់សេវាកម្មហិរញ្ញវត្ថុល្អបំផុតដល់អតិថិជនតាមរយៈបច្ចេកវិទ្យា។
យើងក៏ធ្វើការជាមួយនឹង First Finance មន្ទីរពេទ្យមួយចំនួន ក្រុមហ៊ុន RMA Cambodia និងដៃគូជាច្រើនទៀត ពីព្រោះយើងចង់ផ្តល់សេវាកម្ម និងអត្ថប្រយោជន៍កាន់តែល្អប្រសើរដល់អតិថិជនរបស់យើង។យើងក៏ស្វាគមន៍ដៃគូសហការនានាទៀតដែរ។ យើងនឹងបន្តសហការជាមួយដៃគូបន្ថែមទៀតពីព្រោះយើងចង់បន្ថែមគុណតម្លៃសម្រាប់អតិថិជនរបស់យើង។
អតិថិជនរបស់យើងអាចនឹងមានតម្រូវការផ្សេងក្រៅពីធានារ៉ាប់រង។ ពួកគាត់អាចត្រូវការការចែករំលែកចំណេះដឹង និងការថែទាំសុខភាពត្រូវការផ្ទះ ត្រូវការរថយន្ត ដូច្នេះនៅពេលដែលលោកអ្នកក្លាយជាអតិថិជនរបស់ FWD នោះលោកអ្នកនឹងទទួលបានជំនួយលើតម្រូវការផ្សេងទៀតទាំងនេះតាមរយៈដៃគូអាជីវកម្មដែលយើងមាន។
តើលោកបញ្ចូលភាពសាមញ្ញនៅក្នុងផលិតផលរបស់ក្រុមហ៊ុនបានយ៉ាងដូម្តេច?
ក្រុមការងាររបស់យើងមានបទពិសោធន៍ជាច្រើនឆ្នាំ ដូច្នេះយើងយល់យ៉ាងច្បាស់ពីតម្រូវការដែលអតិថិជនមាន។យើងរួមបញ្ចូលគ្នានូវចក្ខុវិស័យ និងគោលដៅរបស់ FWD ជាមួយនឹងតម្រូវការដែលក្រុមគ្រួសារកម្ពុជាមានដើម្បីនាំមកនូវផលិតផលប្រកបដោយភាពច្នៃប្រឌិតសម្រាប់អតិថិជនរបស់យើង។
ផលិតផលសន្សំខ្លីៗរបស់យើង គឺជាឧទាហរណ៍មួយ។ ពេលខ្លះប្រជាជនកម្ពុជាកំពុងស្វែងរកដំណោះស្រាយសន្សំដែលមានរយៈពេលខ្លីៗ ជាមួយនឹងការការពាររយៈពេលវែង។ ដូច្នេះយើងផ្តល់ជូនអតិថិជនរបស់យើងនូវដំណោះស្រាយមួយ ដែលអនុញ្ញាតឱ្យពួកគាត់អាចសន្សំបានរយៈពេល ៥ ឆ្នាំ ជាមួយនឹងការការពាររយៈពេល ១០ ឆ្នាំ។ នោះគឺជាភាពសាមញ្ញ និងងាយស្រួលដែលក្រុមហ៊ុន FWD Cambodia ផ្ដល់ជូនអតិថិជន។
ឧទាហរណ៍មួយទៀតគឺផលិតផល Life Cancer Care របស់យើង។ នៅ FWD Cambodia យើងក៏ផ្តោតលើជំងឺមហារីកដែរ ដោយសារតែវាជាជំងឺដ៏សាហាវមួយក្នុងប្រទេស។ ដូច្នេះយើងផ្តល់ការការពារករណីជំងឺមហារីកដោយមិនគិតពីដំណាក់កាលនៃជំងឺមហារីកនោះទេ។
នៅពេលដែលអតិថិជនណាម្នាក់ត្រូវបានធ្វើរោគវិនិច្ឆ័យថាមានជំងឺមហារីក យើងផ្តល់អត្ថប្រយោជន៍ការពារ ១០០%។
ប្រសិនបើអតិថិជនត្រូវបានរកឃើញថាមានជំងឺមហារីកអ្នកនឹងទទួលបានប្រាក់ដើម្បីទៅមន្ទីរពេទ្យព្យាបាល។ នេះជាភាពសាមញ្ញមួយទៀតដែលយើងផ្ដល់ជូន។
យើងមិនលើកទឹកចិត្តឱ្យមានការភ័យខ្លាចទេ យើងលើកទឹកចិត្តអតិថិជនឱ្យរស់នៅដោយភាពរីករាយ។
តើយុទ្ធនាការ «pPress pPlay» បានរួមចំណែកអ្វីខ្លះក្នុងការជំរុញការរស់នៅដោយភាពរីករាយ?
«pPress pPlay» គឺជាយុទ្ធនាការផ្សព្វផ្សាយនៅគ្រប់ទីផ្សារទាំងអស់របស់ FWD ដែលយើងបានចាប់ផ្តើមកាលពីពេលថ្មីៗនេះ។ យើងដឹងថាមនុស្សគ្រប់រូបមានអ្វីមួយដែលយើងចង់ធ្វើ។ប៉ុន្តែពេលខ្លះយើងចេះតែពន្យាពេលនិងរង់ចាំសិន។ យើងនិយាយថា មិនបាច់ធ្វើឥឡូវទេ ប្រហែលចាំធ្វើនៅឆ្នាំក្រោយ។ ដូច្នេះជាមួយ យុទ្ធនាការ «pPress pPlay» យើងចង់លើកទឹកចិត្តប្រជាជនគ្រប់រូបឱ្យចាប់ផ្តើមធ្វើសកម្មភាពឥឡូវនេះដើម្បីសម្រេចក្ដីប្រាថ្នាដែលខ្លួនមាន។ ឈប់ពន្យាពេលទៀតទៅ ចូរក្លាហានឡើងត្រូវធ្វើអ្វីដែលអ្នកចង់ធ្វើ ហើយធ្វើវាឥឡូវនេះ នេះហើយជារបៀបដែលយើងរស់នៅដោយភាពរីករាយ៕
វីដេអូ៖