ដោយសារតែកំណើនប្រជាជនមានការកើនឡើង បណ្តាលឱ្យមានតម្រូវការបរិភោគសាច់នៅលើទីផ្សារមានការកើនឡើងខ្ពស់ កត្តាទាំងនេះបានជំរុញឱ្យវិស័យចិញ្ចឹមជ្រូកក្លាយជាឧស្សាហកម្មដ៏ធំមួយនៅក្នុងប្រទេសកម្ពុជា។ យ៉ាងណាមិញ ដើម្បីបំពេញតម្រូវការលូតលាស់ទាំងនេះ ក្រុមហ៊ុន ស៊ីភី ខេមបូឌា បានផ្តល់ឱកាសសម្រាប់ទទួលដៃគូសហការដែលចាប់អារម្មណ៍ចិញ្ចឹមជ្រូកជាមួយក្រុមហ៊ុនបន្ថែម ដើម្បីកាត់បន្ថយការនាំចូល ខណៈបច្ចប្បន្នជ្រូកកំពុងមានតម្រូវការច្រើននិងមានតម្លៃខ្ពស់។
អាជីវកម្មការចិញ្ចឹមជ្រូកគឺជាអាជីវកម្មដ៏សំខាន់មួយរបស់ CPF ដែលបានដំណើរការ និងរីកចម្រើនយ៉ាងខ្លាំងនៅក្នុងប្រទេសកម្ពុជា តាំងពីឆ្នាំ១៩៩៩ មកម្លេះដើម្បីឆ្លើយតបទៅនឹងតម្រូវការទីផ្សារ នៅក្នុងប្រទេសកម្ពុជា។
លោកអ្នកបានដឹង និងស្គាល់ហើយថាក្រុមហ៊ុន CPF ជាក្រុមហ៊ុនខ្នាតធំមួយដែលប្រតិបត្តិការអាជីវកម្មកសិឧស្សាហកម្ម និងចំណីអាហារនៅប្រទេសថៃ ក៏ដូចជាបណ្តាប្រទេសជាច្រើនទៀត ស្ថិតក្រោមចក្ខុវិស័យ «ផ្ទះបាយពិភព លោក» ប្រកបដោយនិរន្តរភាព ដែលផ្តោតសំខាន់លើការប្រតិបត្តិអាជីវកម្មចំណីសត្វ (Feed) ការចិញ្ចឹមសត្វ (Farm) ចំណីអាហារ (Food) និងការចែកចាយផលិតផលទាំងការបោះដុំនិងលក់រាយ (Retail) ដោយឈរលើមូលដ្ឋានគ្រឹះដោយទំនួលខុសត្រូវចំពោះសង្គមជាតិ និងបរិស្ថាន ហើយអាជីវកម្មទាំងនោះគ្របដណ្តប់លើវិស័យជាច្រើន។ ក្រុមហ៊ុន ស៊ីភីខេម បូឌាចំកាត់ បានដំណើរការអាជីវកម្មនៅប្រទេសកម្ពុជាចាប់តាំងពីឆ្នាំ ១៩៩៦។
លោក Damnoen Langrabum ប្រធានក្រុមប្រឹក្សាភិបាលរង នៃអាជីវកម្មការចិញ្ចឹមជ្រូករបស់ក្រុមហ៊ុន ស៊ីភី ខេមបូឌា ចំកាត់ ប្រចាំកម្ពុជាបានមានប្រសាសន៍ថា ក្រុមហ៊ុន ស៊ីភី ខេមបូឌា ប្តេជ្ញាចិត្តខ្ពស់ក្នុងការពង្រីកអាជីវកម្មចិញ្ចឹមជ្រូកនៅកម្ពុជា ជាមួយនឹងការផ្តល់ឱកាសដៃគូសហការបន្ថែមក្នុងការសហការចិញ្ចឹមជ្រូកជាមួយក្រុមហ៊ុន។
ដោយសារតម្រូវការនៃការប្រើប្រាស់ចំណីអាហារមានការកើនឡើង អាជីវកម្មកសិកម្ម ជាពិសេសអាជីវកម្មជ្រូកត្រូវតែមានការអភិវឌ្ឍទៅតាមនិន្នាការ យុទ្ធសាស្ត្រដើម្បីបង្កើនផលិតកម្មជ្រូក រួមមាន (១) ការបង្កើនការបង្កាត់ពូជឱ្យល្អប្រសើរ (២) ការគ្រប់គ្រងចំណីនិងទឹក (៣) ការគ្រប់គ្រងកសិដ្ឋាន និងនិរន្តរភាព។
ការបង្កើនការបង្កាត់ពូជ
ការជ្រើសរើសពូជសត្វយកមកចិញ្ចឹម គឺមានសារៈសំខាន់ណាស់ សម្រាប់ក្រុមហ៊ុន CP មានក្រុមការងារដែលជាបុគ្គលិកផ្នែកពេទ្យសត្វប្រឹក្សាជាច្រើនទាក់ទងនឹងការជ្រើសរើសពូជ ដើម្បីឱ្យជ្រូកមានសុខភាពល្អ លូតលាស់លឿន ផ្តល់ទិន្នផលខ្ពស់ ធន់នឹងជំងឺ និងមាន គុណភាពល្អ។
ការគ្រប់គ្រងចំណី និងទឹក
ការជ្រើសរើសចំណីដែលត្រឹមត្រូវសម្រាប់ការចិញ្ចឹមសត្វគឺជាគន្លឹះមួយដ៏ជោគជ័យ។ កត្តាដែលត្រូវយកចិត្តទុកដាក់ ចំណីត្រូវតែមានអាហារូបត្ថម្ភគ្រប់គ្រាន់ ការផ្តល់ចំណីតាមកម្មវិធីនឹងតាមអាយុកាលនីមួយៗនៃសត្វ។
ការគ្រប់គ្រងកសិដ្ឋាន និងនិរន្តរភាព
ការគ្រប់គ្រងល្អនឹងជួយបង្កើនប្រសិទ្ធភាព ថែមទាំងកាត់បន្ថយការបាត់បង់ទិន្នផលផងដែរ ដើម្បីទទួលបានភាពជោគជ័យក្នុងការគ្រប់គ្រងដ៏ល្អ គឺត្រូវមានកម្មវិធីចាក់វ៉ាក់សាំងត្រឹមត្រូវ ការគ្រប់គ្រងជីវសុវត្ថិភាព កម្មវិធីតាមដានសុខភាពរបស់សត្វ និងការគ្រប់គ្រងបរិស្ថាន។ លើសពីនេះ កសិករចាំបាច់ត្រូវតែប្រឹក្សាជាមួយពេទ្យសត្វបន្ថែមអំពីបច្ចេកទេស។
កាលពីឆ្នាំមុនក្រុមហ៊ុន បានចុះទៅសម្ភាសន៍អតិថិជន ដែលជាដៃគូសហការរបស់កសិដ្ឋានចិញ្ចឹមជ្រូកសាច់ និងជ្រូកពូជនៅខេត្តតាកែវ ដោយអតិថិជនដែលជាដៃគូសហការបាននិយាយថា ពួកគាត់មានទំនុកចិត្តលើក្រុមហ៊ុន ស៊ីភី ព្រោះក្រុមហ៊ុនមានឈ្មោះបោះសម្លេង និងបទពិសោធន៏ខ្ពស់លើវិស័យចិញ្ចឹមសត្វនៅក្នុងប្រទេសកម្ពុជា លើសពីនេះទៅទៀតក្រុមហ៊ុនថែមទាំងមានពេទ្យសត្វក្នុងការប្រឹក្សាអំពីជំនាញ និងបច្ចេកទេសចិញ្ចឹមដែលជួយឱ្យទទួលបានទិន្នផលកាន់តែល្អ»។
ការសហការចិញ្ចឹមសត្វជាមួយ ក្រុមហ៊ុន ស៊ីភី ខេមបូឌា អតិថិជននឹងទទួលបានការយកចិត្តទុកដាក់ពីភ្នាក់ងារ ដែលជាបុគ្គលិក និងពេទ្យសត្វរបស់ក្រុមហ៊ុនចុះទៅប្រឹក្សាពីបច្ចេកទេសនៃការចិញ្ចឹម និងការធ្វើទីផ្សារផងដែរ។ លើសពីនេះទៅទៀត អតិថិជននឹងទទួលបានការផ្គត់ផ្គង់នៅសេវាកម្មចិញ្ចឹមជាច្រើនបន្ថែមទៀតរួមមាន ការផ្តល់ពូជសត្វ ចំណីសត្វ និងថ្នាំសង្កូវ៕
១.លក្ខខណ្ឌ អតិថិជនចង់សហការជាមួយក្រុមហ៊ុនក្នុងអាជីវកម្មការចិញ្ចឹមជ្រូក
- អតិថិជនត្រូវមានទីតាំងក្នុងការធ្វើកសិដ្ឋានច្បាស់លាស់ (មិននៅទីប្រជុំជន មានផ្លូវចេញចូល ងាយស្រួលដឹកជញ្ជូនចំណីនិងសត្វ មានប្រព័ន្ធទឹក ភ្លើង ។ល។)។
- មានអ្នកគ្រប់គ្រងច្បាស់លាស់ក្នុងការគ្រប់គ្រងទ្រព្យសម្បត្តិដែលក្រុមហ៊ុនប្រគល់ជូនមានកម្លាំងពលកម្មក្នុងការថែទាំ។
- សម្ភារប្រើប្រាស់ក្នុងការចិញ្ចឹមជ្រូក (ទិញចាយលុយសុទ្ធក៏បាន ជំពាក់ក្រុមហ៊ុនក៏បាន)
- ឯកសារភ្ជាប់ (អត្តសញ្ញាណប័ណ្ឌ សៀវភៅគ្រួសារ សៀវភៅគណនីធនាគារ)។
- បង្កើតឈ្មោះក្នុងក្រុមហ៊ុនបាន (CV code)។
អត្ថប្រយោជន៍ដែលដៃគូទទួលបានពីក្រុមហ៊ុន
- ក្រុមហ៊ុនផ្តល់ជូនទៅកាន់ដៃគូសហការដូចជា ផ្តល់ជា ពូជ ចំណី ថ្នាំ វ៉ាក់សាំង។
- ក្រុមហ៊ុនមានភ្នាក់ងារដែលជាបុគ្គលិកផ្នែកពេទ្យសត្វជួយឱ្យប្រឹក្សាពីបច្ចេកទេសចិញ្ចឹម។
- ក្រុមហ៊ុនមានអ្នកបច្ចេកទេសជួយត្រួតពិនិត្យពេលកំពង់សាងសង់ទ្រុង
- ខាងក្រុមហ៊ុនជាអ្នករកទីផ្សារនិងចាប់ជ្រូកមកវិញ។
- ផលតបស្នងដែលកសិករទទួលបានក្នុងតម្លៃសមរម្យ។
ដូចនេះសម្រាប់អតិថិជនដែលមានចំណាប់អារម្មណ៌ ក្នុងការសហការចិញ្ចឹមជ្រូក ជាមួយក្រុមហ៊ុន អាចទាក់ទងមកកាន់ក្រុមហ៊ុនស៊ីភីបាន ដោយព័ត៌មានបន្ថែមសូមទាក់ ទងទូរស័ព្ទលេខ 012 308 417 Email៖ info@cpcambodia.com.kh ហ្វេសប៊ុក CP Cambodia Co.,Ltd ឬសូមអញ្ជើញទៅកាន់សាខា CPF ដែលនៅជិតលោកអ្នកបំផុត៕